¹ Fao ny mpisoronabe jiaby, voafidy avy tamin'ny ôlogno, dia nitindregny mbô hiasa amin'ny agnaran'ny ôlogno amin'ny reo raha mahakasiky Zagnahary, kay mbô hanolorany fagnomaizagna ndraiky fagnatitry hoan'ny ota. ² Izy dia afaka mifagnaraka mora amin'ny tsy mahay ndraiky ny maniasia satria izy haigniny faogna koa dia voadidin'ny fahalemiagna. ³ Noho zany, izy faogna koa dia nitakiagna hanôlotro sôrogno hoan'ny reo otany manaokagna, karaha ny natany hoan'ny reo otan'ny ôlogno. ⁴ Tsy hoan'ny haigniny no handraisan'ôlogno zany vogninahitry zany. Fao naifa, izy dia nantsôvin-Jagnahary, karaha Arona. ⁵ Dia hotra zany, Kristy tsy mbô nagnamia haja ny haigniny lasite tamin'ny fagnanaovagna ny haigniny ho mpisorognobe. Fao naifa, lehy araiky zay nivaolagna taminazy nivaolagna nagnanjao: "Zanako Anao; niany dia tonga Iadanao Zaho." ⁶ Karaha zany faogna koa no nivolagnany tagny amin'ny toeragna hafa: "Anao dia mpisôrogno bariky dintany araka ny fomban'i Melkizedeka." ⁷ Nandritran'ny reo andron'ny nôfony, Kristy nanôlotro vavaka ndraiky fangatahagna niaraka tamin'ny haiky mafy ndraiky ranomaso amin'ny Zagnahary, lehy araiky zay afaka magnavotro Azy amin'ny fahafataisagna. Regny Izy nohon'ny fangorahany. ⁸ Na dia zanaka aby Izy, dia nianatra fankatoavagna tamin'ny reo raha zay niaraitany. ⁹ Natao ho tonga lafatra Izy kay tonga, hoan'ny ôlogno jiaby zay magneky Azy, lehy laoharanon'ny famonjiagna bariky dintany. ¹⁰ Dia nitindren-Jagnahary hotra ny mpisoronabe Izy araka ny fomban'i Melkizedeka. ¹¹ Managna raha volagnigny maro mahakasiky Jesôsy zahay, fao sarotro ny magnazava zany hatramin'ny nahalalindalaovana ny fandrignaisanareo. ¹² Fao amin'ny zao fotoagna zao dia tôkony ho mpampianatra areo, areo dia mbôla mila ôlogno hampianatra areo reo fitsipiky fôtotry ny hafatra Zagnahary. Ronono no ilainareo, fao tsy ventinkanigny! ¹³ Fao ny ôlogno zay migiaka ronono faogna dia tsy ampy traikaifa amin'ny hafatry ny fahamarignagna, satria izy dia mbôla zaza madiniky. ¹⁴ Fao ny ventinkanigny dia hoan-jareo gaida. Reo dia zay voahaofagna tamin'ny fagnavahagna ny tsara amin'ny ratsy ny fahatakarany nohon'ny fahamatoran-jareo.