¹ Noho zany Agripa nivaolagna tamin'ny Paoly nagnanjao: "Afaka mivaolagna hoan'ny haigninao anao." Dia nagnainjagna tagnany Paoly aveo nagnano fiarovan-taignany. ² " Magnaboaka ny haigniky karaha ny ravo zaho, Agripa mpanjaka, mbô hitondra ny raha mahazo zaho aketo agnkilanao niany manohitry reo fampangan'ireo Jiosy jiaby. ³ indrindra, satria anao afa mahay amin'ny fomba amam-panao ndraiky fagnontanian'ny Jiosy jiaby. Noho zany dia mangataka anao zaho hitandregny zaho am-paharetagna. ⁴ Marigny fao, reo jiosy Jiaby dia mahay ny fomba fiainako letry tamin'ny fahatanorako tagny amin'ny fireneko manaokagna ndraiky tao Jerosalema. ⁵ Zareo mahay zaho letry tam-boalohany ary tôkony hagneky zareo fao Fariseo fiaigna zaho, ny taigna sarotondraha amin'ny antokon'ny fivavahantsika. ¹⁹ Noho zany, Agripa mpanjaka, nagneky ny fahitagna avy tan-dangitry zaho; ²⁰ fao, ny nihin'ny reo zay tagny Damaskosy aloha, ary avakeo tagny Jerosalema, aveo nagnairagna ny tani'ny Jodia jiaby, ary koa tamin'ny reo Jentilisa, nagnamia zareo ny hafatra zaho fao tôkony hibaibaka ndraiky hitodiky amin-Jagnahary zareo, hagnano ny asa magnaiva ny fibaibahagna. ²¹ Noho zany antony zany no nisambaoran'ny Jiosy zaho tan-tempoly ndraiky niezaka hamono zaho. ²² Nagnampy zaho zisiky zao Zagnahary, noho zany mitsangana zaho aveo mitsangagna antomoa amin'ny olontsotra ndraiky amin-jareo manan-kaja tsy hivaolagna na ino na ino mihoatra zay nivolagnin-jareo mpagnazary ndraiky Mosesy fao hisy; ²³ fao tsy maintsy hijaly Kristy, avakeo Izy no ho voalohany hitsangagna ndraiky hitory fahazavagna aminjareo vahoaka Jiosy ndraiky reo Jentilisa." ²⁴ Koafa vitan'i Paoly ny fiarovan-tegnany, dia nivaolagna tamin'ny feo mafy Festosy nagnanjao: "Paoly, very saigny anao; ny fianaragnao maro loatra no nahatonga anao ho very saigny." ²⁵ Fao hoizy Paoly: "Tsy very saigny zaho, Festosy bahery tsara; fao amin'ny fahasakiagna zaho mivaolagna vaolagnan'ny fahamarinagna ndraiky fahamatoragna. ²⁶ Fao ny mpanjaka mahay mahakasiky zany raha zany; avakeo noho zany, mivaolagna an-kahalalahagna aminazy zaho, fao resy lahatra fao tsisy tamin'ny zany navôny taminazy; satria tsy natao tagny amin'ny takogno zany. ³⁰ Aviteo nitsangagna ny mpamjaka, ndraiky governora, ndraiky Berenika faogna koa, aveo reo zay nantotry niaraka tamin-jareo, ³¹ koafa nandao ny tragno fivoriagna zareo, dia nifampiresaka aveo nivaolagna nagnanjao: "Tô lalahy tô tsy magnano raha magnaiva fahafataisagna na famatoragna.'' ³² Hoizy Agripa tamin'i Festosy: "Tô lalahy tô afaka navôtsotro raha tsy nantsôvigny tagny amin'ny Kaisara izy."