¹ Ary koafa nandalo reo tanàgnan'ny Anfipolia ndraiky Apolonia zareo, dia tonga tao amin'ny tanàgnan'i Tesalonika zareo, zay nisy Synagogan'ny Jiosy. ² Paoly, araka ny fomba fatany dia nandaiha aminjareo, ary niady hevitry niaraka tamin-jareo avy akao amin'ny Saoratra Masigny nandritra ny andro Sabata telo. ³ Nisokoafigny ny Saoratra Masigny aveo nazavaigny fao nilain'i Kristy ny nijaly ndraiky hitsangagna indraiky amin'ny maty. Hoizy Izy: "Io Jesôsy zay volagniky aminareo io no Kristy." ⁴ Resy lahatra ny sasany tamin-jareo jiosy aveo nagnaraka Paoly ndraiky Silasy, agnisan'ny zany reo mpivavaka Grika maro anisa, ary tsy vitsy ny vaiavy mpitariky. ⁵ Fao reo Jiosy tsy mpino nentim-pialaognagna dia nangala reo ôlogno ratsy fagnahy avy agny bazary, namôry niaraka ny vahoaka, aveo nampitabataba ny tanàgna. Nanafiky tragnon'i Jasona, te hitondra Paoly ndraiky Silasy hiala vahoaka zareo. ⁶ Fao koafa tsy hitanjareo, dia nitarihin-jareo Jasona ndraiky ny rahalahiny hafa sasany ho eo agnatraihan'ny manam-pahefagnan'ny tanàgna, nitomoagny, "Reto lalahy zay nampitsimbadiky zao tontolo zao reto dia tonga aketo faogna koa. ⁷ Reto lalahy zay nampidirin'i Jasona reto dia manohitry ny didin'i Kaisara; mivaolagna zareo fao misy mpanjaka hafa dia Jesôsy." ⁸ Voahelingeligny ny vahoaka ndraiky ny manam-pahefagna amin'ny tanàgna koafa naharegny zany raha zany. ⁹ Fao koafa avy eo ny manam-pahefagna nampagnano ndraiky nampagnaifa vaola Jasona ndraiky lambiny mbô ho antoko, aveo zareo navaila handaiha zareo. ¹⁹ Nalaka Paoly zareo aveo ninday azy tao amin'ny Areopago, nivaolagna nagnanjao: "Afaka mamantatra zany fampianaragna vava zay nikoragninao zany moa zahay? ²⁰ Fao mitondra raha hafahafa tsy foregnin'ny sôfignay anao. Noho zany, te hahay dikan'ny zany raha zany zahay." ²¹ (Ary ny Atena jiaby ndraiky ny vahiny nipaitraka dia nandany fatoagnany tamin'ny tsisy faogna koa tamin'ny fagnambaragna na fitandrignaisagna mahakasiky ny raha vava.) ²² Kay nitsangagna teo agnivon'ny Areopago Paoly aveo nivaolagna nagnanjao: "Areo lalahin'i Ateniana, hitako fao taigna relijiozy amin'ny fomba jiaby areo. ²³ Fao raha nandalo zaho aveo nandiniky ny tanjogno ny fomb fanom-poam-pivavahagnareo, dia nahita alitara zaho misy tô saoratra tô: "Ho nihin-Jagnahary Tsy Hay." Ino noho zany no hivavahanareo akao amin'ny tsy fahaizagna, zany no volagniky aminareo. ²⁶ Avy amin'ny ôlogno araiky no nitsaboany firenena jiaby hoan'ny ôlogno mbô hiaigny eo ambonin'ny tany, namaritry ny vanimpotoagnan-jareo ndraiky nanendry ny tany daohagna aveo ny andro iaignan-jareo, ²⁷ kay mbô tôkony hitady Zagnahary zareo, raha koa mety hahatakatra ndraiky hahita Azy zare. Kanaifa mbôla tsy lavitry atsika tsiaraikiraiky aby Izy. ³² Ary koafa nahiregny ny fitsanganagna amin'ny maty ny ôlogno Atena, dia nagneso Paoly ny sasany; fao ny sasany nivaolagna: "Hitandregny anao ndraimandaiha mahakasiky zany raha zany zahay." ³³ Tafarany zay, niala zareo Paoly. ³⁴ Fao ny sasany tamin'ny ôlogno nagnaraka azy aveo nino, tao agnatin'ny zany Dionysio Aeropagita, vaiavy antsôvigny hoe Damary, ary ny sasany niaraka tamin-jareo.