¹ Avaïzo, ry rahalahiky, mivavaha hoanay, mbô ho diraigny ndraiky hamem-bogninahitry ny vilagnan'ny Tompo, dia mitovy zany koa ny aminareo. ² Mivavaha mbô ho afaka amin'ny reo ratsy fagnahy ndraiky olon-dratsy zahay, fao tsy ny jiaby no manam-pinoagna. ³ Fao ny Tompo dia mafatoky, zay magnamafy origny ndraiky miambigny areo amin'ny lay ratsy. ⁴ Managna fahatokisagna amin'ny Tompo mitahy areo zahay, mbô sady hanaovanareo no nanohizanareo reo raha zay nandiagna zahay areo. ⁵ Ny Tompo anie hitariky ny fônareo ho amin'ny fitiavan-Jagnahary ndraiky ny fiaraitan'i Kristy. ⁶ Avaïzo magniraka areo zahay, ry rahalahiky, amin'ny agnaran'i Jesôsy Kristy Tompontsika, mbô hiala amin-jareo rahalahy jiaby zay miaigny akao agnatin'ny hakamoagna ndraiky tsy araka reo fomban-drazagna zay nalainareo taminay. ⁷ Fao areo taignanareo dia mahay fao manjary aminareo ny mangala tahaka zahay. Tsy niaigny teo agnivonareo karaha reo zay tsy nanagna fitsipiky zahay. ⁸ Tsy nihinagna hanignin'ologno tsy nahaloa vôla zahay. Fao naifa, niasa andro aman'aligny tamin'ny asa sarotro ndraiky ny zava-tsarotro zahay, mbô tsy ho ainta-mavaisatra ho an'ny tsiraikiraiky aminareo. ⁹ Tsy hoe avy amin'ny tsy fanagnagna fahefagna no nagnanaovanay zany. Fao naifa, nagnano zany zahay mbô ho fitaratra hoanareo, kay mbô hangalatahaka zahay areo. ¹⁰ Koafa niaraka taminareo zahay, dia nandidy areo hoe: "Koa misy araiky tsy ti-hiasa, dia tsy tôkony hihinagna izy. " Fao maharegny zahay fao miraviravy tagnagna ¹¹ ny sanany aminareo. Tsi miasa zareo fao mpitsabaka. ¹² Avaïzo reo ologno karaha zany dia hirahinay ndraiky hagnarianay amin'i Jesôsy Kristy Tompo, mbô hiasa am-panginagna ndraiky hihinagna ny hanin-jareo manôkagna. ¹³ Fao areo, ry rahalahiky, aza mamono taigna amin'ny fanaovagna zay marigny. ¹⁴ Koa misy tsy magneky ny volagnantsika amin'ny tô taratasy tô, hamariho akeo amimason'ologno izy ary aza managna fifandraisagna aminazy, kay mety ho maingatra izy. ¹⁵ Aza raisigny ho fahavalo izy, fao anaro mitovy ny rahalahy. ¹⁶ Fao lay Tompon'ny fiadagnagna anie hagnamia fiadagnagna areo amin'ny reo fotoagna ndraiky amin'ny reo fomba jiaby. Ho aminareo jiaby anie ny Tompo. ¹⁷ Tô no fagnanaovako veloma, zaho Paoly, tamin'ny tagnagnanaha, zay famantaragna amin'ny taratasy jiaby. Zao no soroatako. ¹⁸ Ny fahasoavan'i Jesosy Jesôsy Kristy Tompontsika anie ho aminareo jiaby.