¹ Taigna voalahany noho zany, mapirisiky zaho fao reo fangatahagna, vavaka, finoagna, aveo fisaoragna dia natao hoan'ny ôlogno jiaby, ² hoan'ny reo mpanjaka ndraiky reo jiaby eo amin'ny fahefagna, mbô ahafahantsika miaigny am-piadanagna ndraiky miaigny milamigny amin'ny toe-pagnahy araka Zagnahary ndraiky fahamendraihagna jiaby. ³ Zany dia tsara ndraiky azo kehigny eo agnatraihan-Jagnahary mpanjakantsika. ⁴ Iriany mbô ho avaotagna jiaby ny ôlogno jaby aveo ho tonga amin'ny fahaizagna ny marigny. ⁵ Fao araiky faogna Zagnahary, aveo araiky faogna mpagnailagnailagna Zagnahary ndraiky ny ôlogno, dia lehy lalahy Kristy Jesôsy. ⁶ Izy nagnamia haigniny ho vidim-pagnavaotagna hoan'ny reo jiaby, hotra ny fitsanganagna antomoa amin'ny fotoagna tôkony ho izy. ⁷ Fao natao ho mpitory ndraiky ho apostoly. Mivaolagna marigny zaho. Tsy mavandy zaho. Mpampianatra reo jentilisa amin'ny finoagna ndraiky fahamarinagna zaho. ⁸ Noho zany, tiako ny lalahy na aiza na aiza mbô hivavaka ndraiky hagnainjantagnagna masigny tsy am-pavigniragna na amin'ny fifandiragna. ⁹ Karaha zany koa, tiako ny vaiavy mbô hagnanolamba magnaiva haigniny, amin'ny fahamaontignagna ndraiky fahafihaizan-taigna. Tsy tôkony hagnano volo mirandragna, na volamaina, na voahangy, na ankanjo lafo vidy. ¹⁰ Tiako zareo hitsabo lamba amin'zay mety hoan'reo vaiavy zay magnaboaka toe-pagnahy araka Zagnahary amin'ny alalan'ny reo asa tsara. ¹¹ Ny Vaiavy tôkony hianatra am-pahanginagna aveo hagneky tantairaka. ¹² Tsy ambailako hampianatra vaiavy na hampianatra fahefagna amin'ny lalahy, fao hijanogno agnaty fahanginagna ¹³ Fao Adama no niforônigny voalaohany, aveo Eva. ¹⁴ Adama tsy voafitaka, fao ny vaiavy no voafitaka tantairaka tamin'ny fandikan-dalàgna. ¹⁵ Na zany aby, ho avaotagna izy amin'ny alalan'ny fitirahan-jaza, raha mitôhy amin'ny finoagna ndraiky fitiavagna aveo fahamasinagna miaraka amin'ny fahononan-taigna.