¹ Zay rango tamboalaohany_zay afa regninay, zay afa hitanay tamin'reo masonay, zay afa nizahavanay, ary zay afa nikasihan'ny tagnagnay_zany dia mahakasiky ny Koragnan'ny fiainagna. ² Karaha zany koa, ny fiainagna dia nambara, ave afa hitanay zany, kay mitsangagna antomoa amin'ny zany zahay. Zahay dia magnambara aminare ny fiainagna bariky dintany, zay tao amin'ny Iada, avake zay afa nambara zahay. ³ Zay afa hitanay ndraiky regninay dia ambaranay aminare faogna koa, mbô hanagnanare fifandraisagna aminay faogna koa. Ny fifandraisagna misy aminay dia amin'ny Iada ndraiky amin'ny Zanany, Jesôsy Kristy. ⁴ Mitôvy zany faogna koa, manaoratra reo raha reo aminare zahay mbô ho tantairaka ny haravoagnantsika. [Fagnamarihagna: Reo dikan-teny talaoha sasany dia mivaky karaha zao: "Ary manaoratra reo raha reo zahay mbô ho tantairaka ny haravoaganare."] ⁵ Zao no hafatra zay afa regninay avy taminazy kay ambaranay aminare: Zagnahary dia fahazavagna, ary ao Aminazy dia tsisy hizigny velively. ⁶ Raha mivaolagna atsika fao managna fifandraisagna Aminazy ave mandaiha ao agnatin'ny hizigny, dia mavandy atsika ave tsy magano ny marigny. ⁷ Kanaifa raha mandaiha ao amin'ny fahazavagna atsika karaha Azy ao amin'ny fahazavagna, dia managna fifandraisagna amin'ny tsiaraikiaraiky avy atsika, ary ny lin'i Jesôsy Zanany no magnadio atsika amin'ny fahotagna jiaby. ⁸ Raha mivaolagna atsika fao tsy manam-pahotagna, dia mavandy aminy vatagna atsika, ave ny fahamarinagna dia tsy ao amintsika. ⁹ Naifa raha miaiky reo fahotagnantsika atsika, Izy dia mahatoky ndraiky marigny amin'ny fahalimiagna reo fahotagnantsika ave magnadío atsika amin'ny tsy fahamarinagna jiaby. ¹⁰ Raha mivaolagna atsika fao tsary nanota, dia magnano Azy ho mpavandy, avake tsy ao amintsika ny vaolagna nazy.