¹ Mitandraima mba tsy agnano asan'ny fahamarignanarô ankilan'olo anaro baika ho hitandrô, fa izy koa tsy zegny tsy ahazo valisoa baka amin'ny babanarô agny an-dagnitry anarô. ² Kay baka amin'izegny izikoa fa magnamboaka fihantragna anarô, kay aza milaifa trompetra mitariky hafa karaha ataondrô mpiatsaravelatsigny agny amin'ny synagogo ndraiky amin'ny lalagna, kay mba mety ahazo fideragna'olo irô. Ambarako tsara aminarô, fa irô efa nahazo valisoandrô. ³ Fa izikoa fa nagnamboaka fiantragna anarô, aza ataony hainy tagnanarô havia zay zaka jiaby ataony tagnanarô havanagna, ⁴ kay mba hamiagna mangigigny fanomezagnanarô. Aoka aviô babanarô mahita anarô mangigny hamaly ny tsara anarô ⁵ Izikoa fa mivavaka anarô, aza atao karaha mpiatsaravelatsigny, fa irô tia mijoro ndraiky mivavaka amin'ny synagogo ndraiky amin'ny sisin'ny lalagna, kay mba mety ho hitan'olo. Ambarako tsara aminarô tegna marigny, fa irô aifa nahazo valisoanany aby. ⁶ Fa anarô izikoa fa mivavaka, midira amin'ny efitry tragnonarô. Aviô afodia varavaragna, mivavaha amin'ny babanarô mangigigny. Abaka aviô babanarô zay mahita anarô amin'ny mangigigny hamaly tsara anarô. ⁷ Izikoa fa mivavaka anarô, aza magnano volagna maro tsisy ilavagna izy karaha atondrô Jentilisa amin'ny fiheverany fa ho regny irô nohon'ny volagna maro ataondrô. ⁸ Noho izegny, aza magnano karaha irô, fa Babanaro irô efa mahay irô zaka jiaby ilainarô alohan'ny angatahanarô aminany. ⁹ Noho izegny mivavaha karaty anarô: Rainay zay agny an-dagnitry, ho hamasigny anie agnaranao. ¹⁰ Ho tonga anie ny fanjakanao. Hatao anie ny sitraponao ety antany tahaka ny any an-dagnitry. ¹¹ Omeo anay aniô ny hanigny sahaza hoanay. ¹² Mamela helokay, tahaka ny hamelanay zay meloko taminay. ¹³ Aviô aza mitondra zahay amin'ny fakam-panahy, fa manafaha anay amin'ny ratsy."' [Fahamarignana: Ny dikan-teny taloha tegna tsara: "Fa anao ny fanjakana sy ny hery aviô ny voninahitra mandrakizay. Amen."] ¹⁴ Fa izikoa mamela hadisoan'olo anarô, dikan'izeny tsy hamela anarô fekiny koa i Babanarô zay agny an-dagnitry. ¹⁵ Fa izikoa tsy mamela hadisoagnandrô anarô, Kay tsy hamela hadisoagnanarô fekiny Babanarô. ¹⁶ Ankoatran'izegny, izikoa fa mifady hanigny anarô, aza mampiboaka fihetsiky mampalahelo karaha ataondrô mpiatsaravelatsihy, fa magnaratsy saora irô kay mba mety ho hitan'olo fa tegna mifady hanigny. Ambarako anarô tegna marigny, fa efa nahazo valisoany aby irô. ¹⁷ Fa anao izikoa fa mifady hanigny hisaora menaka lohanao aviô sasaha tsara saoranao, ¹⁸ kay mba tsy hitan'olo hafa fa mifady hanigny, fa amin'ny mangingigna fo, aviô Babanao izay mamela ao amin'ny mangingigna, hamaly tsara anao. ¹⁹ Aza mitana harenanarô aty an-tany, zay robatiny kalalao ndraiky harafesina, aviô idirandrô mpangalatra an-keriny kay angalatra. ²⁰ Kanefa ndraiky ampirima tsara fitaovagna narô agny an-dagnitry, zay tsy ho robakany kalalao ndraiky harafesina, aviô tsy hidirandrô mpangalatra an-keriny kay hangalatra. ²¹ Fa zay tany misy harenanarô, ipetrahan'ny fonao koa. ²² Maso jiron'ny vatagna. Noho izegny, izikoa tsara masonao, dikan'izegny ho feno fahazavagna vatagna jiaby. ²³ Fa izy ndraiky koa ratsy masonao, ho feno haizigny vatagnanao jiaby. Noho izegny, izikoa maiizigny fahazavagna zay ao agnatinao amin'iziô, magnano akory ny haben'izegny haizigny zegny! ²⁴ Tsisy afaka hanompo Tompo aroe, fa hankahala araiky izy aviô hitia araiky, Izikoa tsy zegny hagnamia tegnanany amin'ny araiky kay hankahala araiky hafa koa. Anao zegn tsy afaka hanompo Zagnahary ndraiky harena. ²⁵ Noho izegny ambarako anarô, fa aza miahiahy momba aigninarô, zay hohaninarô na zay higianarô na momban'ny vatagnarô, zay hitafianarô. Fa tsy maventy nohon'ny sakafo mba ny fiainagna, aviô ny vatagana maventy noho ny fitafiagna? ²⁶ Zahava irô vorôgno amin'ny habakabaka. Irô igny tsy mamafy na mijinja na mamory amin'ny plasin'ny vary, fa i Babanarô zay agny an-dagnitry mamahagna irô igny. Tsy sarobidy mihoatra noho irô mba anarô? ²⁷ Azôvy aminarô afaka agnampy hakio araiky amin'ny andro hiaignany amin'ny fanahiagna? ²⁸ Nagnino anarô mihiahiahy momba ny fitafiagnanarô? Eritrereto ny momban'ny lilia agny amin'ny lohasaha, akory fagniriandrô igny. Tsy mba miasa mba irô igny, aviô tsy mamoly fitafiagna. ²⁹ Ambarako anarô fa na i Solomona aza amin'ny voninahiny jiaby tsy nitafy karaha araiky amin'dro. ³⁰ Izikoa ampitafian-dRagnahary karaha izegny ahitra agny an-tsaha, zay olo jiaby misy amin'ny andra niany na amaray hatsipy agny am-patagna, ka karaha akory ampitafiagna anaro bebe kokoa, anaro ry hely finoagna? ³¹ Noho izegny aza miahiahy kay mivolagna magnano hoe: 'Ino ny higianay?' na koa: 'Ino fitafiagna anaovanay?' ³² Fa irô jentilisa mitady irô zaka jiaby io, aviô Babanarô zay agny an-dagnitry mahay fa mila irô anarô. ³³ Fa tadiava akendriky ny fanjakany ndraiky ny fahamarignany hamiagna anarô irô zaka jiaby iô. ³⁴ Noho izegny, aza miahiahy ny amaray, fa ny amaray hagnahy izy. Ampy hoandrô tsy araiky araiky ny ratsy aminany.