¹ Nohon'izegny, alô mba ho mpangala tahaka Zagnahary, karaha ny zanaka tiagna. ² Ary mandihana amin'ny fitiavagna, karaha ny nitiavan'ny Kristy antsika koa ndraiky nagnamezany ny haigninany ho antsika, fagnatitry mangitry fôfony ndraiky sorogno ho an-dRagnahary. ³ Fa tsy tôkony hisy eky rèsaka fandrantoagna na karazagna fahalotoagna na tsy fihononan-tegna aminarô, fa tsy mendriky ny olo-masignin-dRagnahary irô io. ⁴ Alô mba tsy hisy eky ny mamoafady, volagna adaladala, ary sangisangy tafahoatra fa tsisy manjary irô jiaby io. ⁵ Fa afaka mahazo antoko ny amin'ity anarô, fa tsisy mpampirafy, maloto, na ny mpierigny_ izany hoe zegny , mpanompo sampy_ managna lova amin'ny fanjakan'ny Kristy ao ndraiky Zagnahary. Alo mba ⁶ tsy hisy hamitaka anarô amin'ny volagna tsy marigny, fôtony boaka amin-drô raha jiaby zegny navian'ny helokon-dRagnahary amin'ny zanaka ny tsy mankasitraka. ⁷ Dikany zegny kaza miaraka amin-drô. ⁸ Fa mahiziky anarô avahizo, fa anarô ziôty ndraiky zegny fahazavagna amin'ny Tompo ao. Mandihana kara ataon'ny zanaka ny mazava, ⁹ (fa ny vokatra ny fahazavagna zegny amin'ny fahatsaragna aby jiaby, fahitsiagna, ndraiky fahamarignana). ¹⁰ Ary tadiava izay maharavoravo ny Tompo. ¹¹ Kaza mitambatra amin-drô asa tsy mamokatra ny hiziky, fa ampagnariaria fu irô. ¹² Na manogniny raha aby ataon-drô amin'ny mahiziky agny fo fa mampamegatra. ¹³ Izikoa fa hazavain'ny fahazavagna ny raha araiky manjary mangarahara. ¹⁴ Kanefa raha mangarahara jiaby midika fahazavagna. Nohon'izegny navian'ny volagna hoe: "Mifohaza, anao mandry io, ary mitsangàna amin'ny toetrin'ny maty, fa hiboaka aminao Kristy." ¹⁵ Mitandrema amin'ny fomba fiainagnanao _ tsy karaha irô mahery andra fa mba karaha irô misy jery. ¹⁶ Araraota ny fotoagna fôtony andra ziôty fa ratsy. ¹⁷ Dikany zegny , kaza magnano sary adala, fa takara hoe ino sitrapôn'ny tompo. ¹⁸ Ary kaza magnano mamon'ny divay, fa mitomga amin'ny haratsiam-pagnahy zegny. Fa sitrany ho feno Fagnahy Masigny, ¹⁹ anarô samby anarô mifampikoragna amin'ny salamo ndraiky fihiragna ary hiram-pagnahy, mihirà ary mihoregna amin'ny Tompo amin'ny fônarô jiaby. ²⁰ Kaza vôly misaotra, amin'ny agnaran'i Jesosy Kristy Tompontsika amin'ny raha jiaby mandalo ho an-dRagnahary Baba, ²¹ mifagnamiaza haingny am-pangnajagna ho an'i Kristy. ²² Anarô magnangy, magnikia vadinarô, karaha amin'ny Tompo. ²³ Fa ny ehilahy no lohan'ny vihavy karaha i Kristy lohan'ny Egilizy, ary Kristy no tengna mpamonjy. ²⁴ Fa karaha nagnikian'ny Egilizy i Kristy, koa no tokony hagnikian'ny magnangy vadiny amin'ny raha jiaby. ²⁵ Anarô lelahy ndraiky, tiava vadinarô, karaha nitiavan'i Kristy ny fiangonagna ndraiky nagnamezany izy Haigninany. ²⁶ Nanolotro tegnanany ho an'ny fiangonagna iKristy baika hagnamasignany izy, tamin'ny fagnadiovagna izy tamin'ny rano fanasagna amin'ny volagna, ²⁷ baika ahavitany magnaboaka izy ho voninahitry aminany iô, tsisy tasy na heloko na koa raha hafa karaha zegny, fa masigny sady tsisy diso. ²⁸ Karaha zegny fo koa ny lelahy jiaby mba tôkony hitia vadiny aby karaha tengnanany. Izay tia vadiny dikany zegny tia haigninany koa. ²⁹ Tsaro nisy tsy nankatia tengnanany, fa mampihina sady mikarakara i zegny tsara, karaha nataon'i Kristy nikarakara sady nampihaigny fiangonagna koa, ³⁰ fôtony atsika zegny rantsam-batany. ³¹ Nohon'izegny, ny lelahy zegny iala ray aman-dreniny kai hiaraka amin'ny vadiny, ary irô roe no ho nôfotro araiky fo. ³² Maventy izegny fahamarinagna misitriky izegny _ fa za mikoragna momba i kristy ndraiky fiangonana. ³³ Kanefa , ny tsiaraikaraiky aminarô tokony hankatia ny vadiny kara tegnany ,ary ny magnagy mba tokony hagnaja ny vadiny ka.