¹ Nohon'izegny, za , amin'ny maha gadra ho an'ny Tompo zaho, maporisiky anarô mba handeha am-pahendregna amin'ny kaiky izay nikahiagna anarô. ² Mandrisiky anarô koa za mba hanagna fahazotoagna maventy ndraiky fahatsoragna ary faharetagna, mifandefitry amin'ny fitiavagna. ³ Magnanaova izay fara-fahaizanarô baika hitanagna ny fifandraisan'ny Fagnahy amin'ny fifihezan'ny fihavanagna. ⁴ Araiky fo ny vatagna ary araiky fo koa ny Fagnahy, karaha nikahiagna anarô tamin'ny fagnantenan'ny fikahiagna anarô araiky fo koa. ⁵ Ary araiky fo koa ny Tompo, araiky fo ny finoagna, araiky ny batisa, ⁶ ary araiky fo koa Zagnahary ndraiky Baba jiaby, izay angnabo ny raha jiaby ary amin'ny alalan'ny raha jiaby sady ao amin'ny raha jiaby koa. ⁷ Atsika tsiaraiki araiky aby zegny namiangna fahasoavagna araka ny habezan'ny fagnomezan'i Kristy. ⁸ Araka ny volagna ny soratra Masigny magnano hoe: "Izikoa fa niaraka tangnabo tagny Izy, nitondra ireo babo ho amin'ny fahababoagna, ary nagnamia fagnomezagna ho an'ny vahoaka Izy." ⁹ Ino mba dikany hoe: "Nanonga Izy," izikoa tsy raha nijosto tamin'ny faritry tambany tagny koa Izy? ¹⁰ Izy araiky nijotso igny fo koa olo araiky nanonga an-dagnitry agny igny, baika havitany magnamia raha jiaby. ¹¹ Kristy zegny nanolotra ny sasany ho apostôly, ny sasany ho mpaminany, ny sasany ho evanjelista, ary ny sasany ho pasitera ndraiky mpampianatra. ¹² Magnamia irô asa aby io Izy baika hagnampiany irô vahoakanany masigny ho amin'ny asa fanompoagna, amin'ny fagnoregnana ny vatagna ny Kristy. ¹³ Manohy magnorgny ny vatagnanany Izy mandra-pahatakarantsika ny firaisam-pinoagna ndraiky ny fahaizantsika ny Zanaka Zagnahary, ary mba ahatonga antsika ho matotro kai mba hahatakatra ny habezan'ny fahafenoan'i Kristy. ¹⁴ Mangnôrigny atsika i Kristy baika tsy ho karaha tsaiky atopitopin'ny daroba eky atsika, ary tsy hindesin'ny tsiko ny fampianaragna ndraiky ny hafotsiagnan-drô olo amin'ny tetiky feno fitka. ¹⁵ Fa atsika ndraiky, amin'ny fivolagnana ny fahamarignana amin'ny fitiavagna, tokny hitombo amin'ny fomba jiaby Aminany izay lohany ao, izany hoe zegny, kristy. ¹⁶ Kristy zegny managna ny haigny jiaby, ary nakambagna ndraiky natambatra tamin'ny isan-karazany izegny sady ny fiasagna miaraka amin-drô zegny, mahatonga ny vatagna hitombo mba hampiôrigny ny tegnany amin'ny fitiavagna. ¹⁷ Nohon'izegny, aviako mivolagna sady manendry maré amin'ny Tompo ao, baika mba tsy hiaignana karaha ny Jentilisa eky anarô, amin'ny tsy fisian-jery drô. ¹⁸ Mahiziky ny fahaizandrô, tafisaraka amin'ny fiainan-dRagnahary nohon'ny tsy fahaizagna amin-drô ao, fahirezan'ny fô drô. ¹⁹ Tsy mahay megnatra irô ary manolotro ny tegnan-drô koa irô amin'ny raha tadiavin'ny vatagna, sady manohy magnano karazam-pahalotoagna jiaby io. ²⁰ Fa tsy zegny ny fomba nianaranarô mikaisk'i Kristy. ²¹ Za mino fa ny momba Izy anarô, ary nampianarigny taminany tao, satria ny fahamarignana zegny amin'ny Jesosy ao. ²² Nampianarigny anarô baika hagnary fomba tsy fiaingnanarô taloha, mba hagnary ny toetry taloha. Toetry araiky taloha izay tsy manjary nohon'ny fitaka ny filagna. ²³ Nampianarigny anarô mba hahaivao amin'ny fagnahin'ny saingninarô ao, ²⁴ ary hisikiny olom-baovao izay naharigny araka ny endriky ny Zagnahary ao amin'ny tegnany fahamarignana ndraiky fahamasignana. ²⁵ Dikany zegny, iala vandy, ary ny tsiaraikiaraiky aminarô tokony agnambara ny marigny amin'ny namany, fôtony samby agnisan'ny rantsagnan'ny jiaby atsika. ²⁶ Milôfa fa kaza manota. Kaza ambela ho tatran'ny masoandra mody ny helokonaô. ²⁷ Kaza magnamia hiraka ho an'ny devoly. ²⁸ Zaingny nangalatra zegny tsy tokony hangalatra eky. Tsy maintsy miasa izy, magnano asa tsara amin'ny tagnany, mba hanagnany raha ho rasaingny amin-drô agnatin'ny fasahiragnana. ²⁹ Aza ambela hisy volagna maloto hiboaka baka amin'ny vavanarô. Mampiasà volagna izay ilaigna amin'ny fagnampiagna ny hafa, araka izay ilain-drô, baika mba tegna hagnampy irô izay mitandregny anarô ny volagnanarô igny. ³⁰ Ary aza mampalahelo ny fagnahy Masignin-dRagnahary, fa baka Aminany no nagnanovagna tombo-kase anarô ho amin'ny andra ny fangnavôtagna. ³¹ Iala ny lolom-pô jiaby, haromôtagna, ny heloko, ny fifamaliagna, ary ny fagnomezam-bolan-dratsy, miaraka amin-drô karazan'asa ratsy jiaby. ³² Manàgna fahalemem-pagnahy amin'ny tsiaraikaraiky aby, fahatsoram-pô, mifamelà heloko, kara ny namelan-dRagnahary anarô tamin'ny Kritsy.