¹ Mitenoa, gny fapenaranigny ra, ry zanako, dra mitandrema ba hahafatarandrareo gny atao ho fahazava-say. ² Magnome fapenara soa anao zaho; ka mahafo gny fapenarako. ³ Taminigny bo naha-zanaky gny rako anahy, gny mora fagnahy dra zanaky tokonigny reniko, ⁴ dra napianasy anahy ereo nizaka taminahy ho: "Aoky gny fonao hihazo fatrasy reo zakako; tandrovy reo didiko dra ho velo handrareo. ⁵ Mahazoa fahendre vo fahazava-say; ka magnalio dra ka manda reo zakanigny vavako; ⁶ ka afoy gny fahendre dra hiambin'andrareo izy; tiavo izy dra hiaro andrareo. ⁷ Gny fahendre gny zava-dehibe indrindra, ko mahazoa fahendre dra lanio ze anagnandrareo aby ba hahazoandrareo fahazava-say. ⁸ Aoky ho lalainao gny fahendre dra hanandrasy andrareo izy; hagnaza andrareo izy raha mamihy anazy handrareo. ⁹ Hametraky fehiloha -pagnazan'eo ambaninigny lohandrareo izy; dra hagnome andrareo satro-boninahisy soa tarehy." ¹⁰ Mitenoa, ry zanako, dra tandremo gny zakako, dra hana tao maro hiegna hanao. ¹¹ Hanoro lalan'anao aminigny lala-pahendre zaho; dra hitariky anao ho ami'reo lala mahisy zaho. ¹² Gny fa mandeha hanao, dra sy hisy olo hizoro aminigny lalanao dra raha mihazakazaky hanao, dra sy ho tafitohy. ¹³ Hazogny reo torolala, ka anga handeha; tazogny, fa fiaignanao zay. ¹⁴ Ka magnaraky gny lalanigny rasy fagnahy dra ka mandeha magnaraky gny lalan'ireo ze manao rasy. ¹⁵ Handosiro zay, dra ka mandeha amizay; miala amizay dra mandehana aminigny lalak'afa. ¹⁶ Fa sy afa-mandry ereo mandra-panovany rasy dra levo torimaso ereo mandra-panafitohiny olo. ¹⁷ Fa ereo dra mihina gny mofonigny faharasia dra mino gny divainigny herisetra. ²⁰ Ry zanako, tadremo gny zakako; ²¹ Ka anga hiala amigny masonao ireo; tano ao am-ponao izay. ²² Fa gny zakako dra aina ho an'ireo izay mahita anazy dra fahasalamana ho an'ny vatan'izy ireo dra manontolo. ²³ Arovy gny fonao dra ambeno amigny fitadremana regetra izay, fa avy amin'izay gny hikorianan'ny loharanon'aina. ²⁴ Alao eo aminao gny zaka mivalibaliky dra gny zaka manola lavisy anao. ²⁵ Aoka gny masonao hagnety vo hibazina mahisy gny eo alohanao. ²⁶ Magnamboara lala mahisy ho an'ny tombokao; dra hilamina gny lalanao rehetra. ²⁷ Ka mivily ho amigny akavia na akavana; alavoro amigny rasy gny tombokao.