¹ Gny divay dra panirasira dra gny raha-finomy mahery dra pitabataba; ze voavily lala aminigny fisotroa aminigny lalan-diso dra sy hendry. ² Gny tahosy gny pazaka dra manahaky gny tahosy gny liona tanora ze miero; ze mapahaory anazy dra magnary gny ainy. ³ Voninahisy ho anigny rehetra gny misoroky fifandira, fa gny mola aby dra miasapy aminigny feliakevisy. ⁴ Gny olo kamo dra sy miasa tany aminigny lohatao; mitalia vokasy izy aminigny fararano fa sy hahazo na ino na ino. ⁵ Gny tazona ao aponigny olo dra manahaky gny rano laliky, fa gny olo ze mana-pahalala koa hamoaky anazy. ⁶ Mara gny olo mizaka fa sy pivaliky, saingy iza gny afaky hihita olo mahatoky? ⁷ Gny olo mary dra mandeha aminigny fahisia, dra reo zanany ze mandimby anazy afarany dra hotahina. ⁸ Gny pazaka ze mipetraky eo aminigny seza fian-drianany magnatateraky reo adidinigny pisara dra manivana reo rasy gny fa ze eo alohany aminigny masony. ⁹ Iza gny afaky mizaka ho: "Fa nihazo gny foko halio zaho, afaky aminigny otako zaho"? ¹⁰ Gny mizana sy mitovy laza vo gny fandrefesa sy mitovy__dra samby halan'i Yaveh. ¹¹ Na gny tanora aza dra fatasy aminigny ataony, raha malio vo mahisy gny fitondra-tegnany. ¹² Gny sofy ze mahare dra gny maso ze mahita__dra samby nataon'i Yaveh avokoa reo. ¹³ Ka mitia torimaso fandrao ho tonga aminigny fahatra hanao; sokafo gny masonao dra hana-kohany maro hanao. ¹⁴ "Rasy! Rasy!hoy gny pivily, fa gny fa lasa izy dra mirehareha. ¹⁵ Misy gny volamena vo vato lafo vily maro be, fa gny molosy gny fahalala dra firavaky sarobily. ¹⁶ Aleo gny akazonize napisy ferova ho anireo vahiny, dra tano ho atoky zay raha magnisy ferova ho anigny apela rasy fitondra-tegna izy. ¹⁷ Mamy gny sironigny mofo azo aminigny fitaky, saingy gny fa afaky zay dra ho feno vatokely gny vavany. ¹⁸ Reo paiky dra voalaminigny torohevisy dra aminigny tari-dala hendry avo gny tokony hindesanao gny aly. ¹⁹ Gny fifosa mamoaky sembaratelo dra noho izay dra sy tokony hindray amireo olo ze pizaka fahatany hanao. ²⁰ Raha misy olo magnozo gny rany vo gny reniny, dra ho maty eo agnevonigny ezy gny zirony. ²¹ Gny lova azo mora agny apiandohana dra sy hahasoa agny aparany avo. ²² Ka mizaka ho: "Hamaly anao noho igny rasy igny zaho!" Mandignisa an'i Yaveh dra hamozy anao Izy. ²³ Halan'i Yaveh reo vato fandaza sy mitovy dra gny mizana sy mary dra sy soa. ²⁴ Gny lianigny olo dra tarihan'i Yaveh; ko akory gny ahezany ze lalany? ²⁵ Fandrky ho anigny olo gny mizaka akameha ho: "Masina ty raha ty," dra gny fa avy nanao gny voadiny vao manomboky mieriserisy ze dikany. ²⁶ Gny pazaka hendry dra maniva gny rasy fagnahy dra mamadiky gny kodiaranigny fikororoha eo amin'ereo. ²⁷ Gny fagnahinigny olo gny jiron'i Yaveh, mitalia reo singa agnatiny indrindra. ²⁸ Sy fivadiha-pagnekena vo gny fahamendreha-pitokisa gny miaro gny pazaka; gny seza fiandriany dra voaaronigny fitiava. ³⁰ Reo fameleza ze mandrasy mangalaky gny rasy dra gny zera dra mahaavy gny agny agnaty laliky halio.