¹ Dra namaly an'i yaveh i Joba dra nizaka ho: ² "Haiko fa hainiha hahy gny raha aby, fa sy hay sakagna gny tanzoniha. ³ Ia zeho magnavony fikasa sy amin'gny fahalala zeho?' Eka vatany, nagnambara raha ze sy ho takosiko zaho, raha saro-takary loasy ho anay, ze sy mbo fatako. ⁴ Ho Hanao taminahy ho: 'Mitenoa, amizao, dra hizaka Zaho; hagnotany raha aminiha Zaho, dra hizaka Aminahy hanao.' ⁵ Nahare gny mahakasiky Aniha tamin'gny siosion-dresaky zaho, fa amizao dra mahita Aniha gny masoko. ⁶ Dra magnamavo gny vatako zaho; mibebaky amin'gny botany vo lavenoky zaho." ⁷ Dra nofa boaky nizaka reo zaka reo tamin'i Joba Izy, dra ho Yaveh tamin'i Elifaza gny Temanita ho: ' Mirehisy aminiha vo amin'ereo namaniha ro gny fahavignirako, fa sy nizaka gny mary mahakasiky Anahy handrareo, manahaky gny nahin'i Joba panopoko. ⁸ Androany se, mangala agnomby lahy fito vo agnondry lahy fita ho an'gny vatandrareo, dra mandehana agny amin'i Joba panopoko, dra manolora fagnatisy oroa ho an'gny vatandrareo. Hivavaky ho andrareo i Joba panopoko, dra hagneky gny fivavakiny Zaho, so sy hamaliako amdrareo araky gny fahamolandrareo. Sy nizaka ze mary mahakasiky Anahy, manahaky gny nahin'i Joba panopoko handrareo." ⁹ Koa dra nandeha sady nanao araky ze nandilian'i Yaveh andreo i Elifaza gny Temanita, i Bildada gny Sohita, vo i Zofara gny Namatita, vo Yaveh nagneky an'i Joba. ¹⁰ Nofa nivavaky ho an'ireo namany i Joba, dra naherin'Agnahary tamin'gny laoniny gny hareny. Nomen'i Yaveh avo ro heny mihoasy ze nanagnany teo aloha izy. ¹¹ Dra nandeha tagny aminazy reo rahalahin'i Joba aby, reo anabaviny aby, vo reo olom-patany teo aloha--- dra nisakafo nindray taminazy tao am-pasangeny. Nindray ory taminazy ereo sady napiengy anazy gny amin'ireo loza aby ze nalefan'i Yaveh taminazy. Samby nagnome volafosy madiniky vo perasy volamena an'i Joba aby gny olon'aby. ¹² Nitahy gny andro farany niaignan'i Joba mihoasy noho gny tamin'gny volohany Yaveh; nana agnondry efasy arivo vo ray aly izy, rameva enina arivo, andian'agnomby arivo, vo boriky vavy arivo. ¹³ Nanan-zanaky lelahy fito vo zanaky apela telo avo koa izy. ¹⁴ Nitokavy ho Jemima gny vavimatoa, Kezia gny faharo, vo gny fahatelo dra Kerena-hapoka. ¹⁵ Sy nisy apela hita ho soa mihoasy an'ireo zanaky apelan'i Joba teo amin'gny tany aby. Nagnome lova ho andreo ¹⁶ mbamin'ireo anadahiny gny ran'ereo. Tafaran'izeho, dra niay 140 tao i Joba; nahita reo zanany vo reo zafiny izy, hatramin'gny taranaky efasy nifandimby. ¹⁷ Boakeo dra maty i Joba, no antisy sady visy andro.