¹ Dra nizano sy namaly an'i Joba sasy reho telo lahy reho akory mary teo amasony avo izy. ² Vo dra nirehisy gny hahorian'i Eliho zanadahin'i Barakela gny Bozita, lat'amin'gny foko Rama; nirehisy tamin'i Joba zay akory nagnamary gny vatany izy no tokony ho Zagnahary. ³ Nirehisy tamin'ereo telo lahy namany avo koa gny hahorian'i Eliho akory sy nahita zaka havaly an'i Joba ereo, sady mbo nomelohin'ereo avo i JOba. ⁴ Vo Eliho dra niamby gny hiresaky tamin'i Joba akory reho lelahy hafa reo dra lahibe noho izy. ⁵ Fe, nofa hitan'i Eliho fa sy nisy zaka havaly an'i Joba teo ambavan'ereo telo lahy reho, dra nirehisy gny hahoriany. ⁶ Vo Eliho zanadahin'i Barakela gny Bozita nizaka fatrasy dra nanao ho: "Tanora zaho, vo handrareo dra fa vatany antisy. Ka zay antony nisalasalako dra nahasakiako nizaka tamindrarei gny heviso manoka. ⁷ Ho zaho ho: " Gny halavan'gny andro gny tokony hizako; gny tao maro gny tokony hapianasy fahendre. ⁸ Fe misy fagnahy ao amin'gny olo; gny fofonain'gny Tsitoha gny magnome anazy fahazavan-say. ⁹ Sy ze olo lahibe avo gny hendry, na reo olo nahazo taoavo gny mahatakasy gny rariny. ¹⁰ Noho zay da ho zaho amindrareo ho: 'Tenoy zaho; hambarako amindrareo avo koa gny fahalalako.' ¹¹ Ingo, niamby gny zakandrareo zaho; niteno gny fandresen-dahasindrareo zaho no nieriserisy ze ho zaka handrareo. ¹² Niteni soa andrareo vatany zaho, fe, ingo, sy nisy ndre dra raiky tamindrareo aza afaky nandresy lahasy an'i Joba na afaky namaly reo zakany. ¹³ Tandremo so sy hizako ho: 'Fa nahita fahendre zahay!' Zagnahary dra sy mainsy handresy an'i JOba; no olon-tsotry sy afaky gny hanao anizay. ¹⁴ Akory i Joba sy nizaka mivata taminahy, dra sy hamaly anazy amin'gny zakandrareo zaho. ¹⁵ Sy nahaloa-bava reho telo lehy reho; sy nahavaly an'i Joba sasy ereo; sy nana zaka ho zaka sasy ereo. ¹⁶ Tokony hiamby ra zaho akory sy mizako ereo, akory misanga eo ereo dra misigny sady sy mamaly sasy? ¹⁷ Aha, hamaly amin'gny anzarako koa zaho; ho zakako andreo avo koa gny fahalalako. ¹⁸ Akory mana zako maro ho zakay zaho; gny fagnahy ze ato agnatiko gny misery anahy. ¹⁹ Ingi, manahaky gny divay milo ze sy misy hiboahany gny tratrako; manahaky gny siny holisy vaovao, ze fa hitriasy. ²⁰ Dra hizaka zaho so hamelombelon'ay anahy; hanokasy gny sogniko zaho dra hamaly. ²¹ Sy hanoro fiangara zaho; sady sy hagnome fitokava mihaza ndre amin'ia ndre amin'ia. ²² Akory sy haiko gny magnome fitokava sahala anizay; no nanao anizay zaho, dra hangalaky anahy zy ho ela gny Mpahary anahy.