¹ Tany am-boaloany ,zagnahary nahary gny lagnitsy sy gny tany. ² tsy nisy posiny dra rava gny tany. Nanafotsy gny rano laliky gny fahamezigna.Dra niriorio teo agnabony rano gny fanahiny zagnahary ³ Ho zagnahary ho: ''Aoka hisy mazava,'' dra nisy gny mazava. ⁴ Hitan'agnahary gny fahazava, vo hitany fa soa izaho. Nampisaraky gny fahazava tamigny mezy izy. ⁵ Zagnahary nitoka gny mazava ho: ''andro,'' vo nitoka gny mezy ho: ''hariva.'' Dra nisy hariva vo maray izany, gny andro voalohany. ⁶ Hoy Zagnahary ho: ''Aoka hisy habakabaka eo agnelagnelan'ny rano, dra aoka izay hagnasaraky gny rano amigny rano.'' ⁷ Zagnahary nanao gny habakabaka vo nagnasaraky gny rano izay tao ambanin'ilay habakabaka tamin'ny rano izay teo amgnabon'ilay habakabaka. Dra nisy izay. ⁸ Dra habakabaky. Dra nisy hariva vo maraina izay, gny andro faharo. ⁹ Hoy Zagnahary ho: '' Aoka gny rano ambanin'ny lagnisy hiangona amigny toerana raiky, dra aoka hiseho gny tany maina.'' Dra natao izay. ¹⁰ Nitokavin'i Zagnahary ho: ''Tany'' gny tany maina, dra gny rano miangona nataony ho: '' ranomasina.'' Hitany fa soa izay. ¹¹ Hoy Zagnahary ho: ''Aoka gny tany hisimoky zava- meso: Zava-maniry mamoa voa dra hazo hamokasy vokasy izay misy gny voa ao amigny, araky gny karazany avy.'' Dra nisy izay. ¹² Namokasy zava-meso gny tany, gny zava-maniry mamoa voa araky gny karazany avy, dra gny hazo mamokasy voakazo izay ao amigny vihiny, araky gny karazany avy. Dra hitan'i Zagnahary fa soa izay. ¹³ Dra nisy hariva vo maraina izay, gny andro fahatelo. ¹⁴ Hoy Zagnahary ho: ''Aoka hisy gny mazava eo amigny lagnisy ba hagnasaraky gny andro amigny hariva dra aoka ireo ho tiy gny famatarana, ho an'ny vani-potoana, vo ho an'ireo andro dra ireo taona. ¹⁵ Aoka ireo ho mazava eo amigny lagnisy ba hagnome hazavana agny amigny tany.'' Dra nisy izay. ¹⁶ Zagnahary nanao reo hazava ro lahibe, gny hazava lalibe kokoa mbo hagnamariky gny andro, dra gny hazava masaiky kokoa mba hagnamariky gny hariva. Nanao gny kita avo koa Izy. ¹⁷ Nandefa zay regny amign'ny lagnisy Zagnahary mba hagnome hazava gny tany, ¹⁸ mba hanapaky gny andro vo gny hariva, dra mba hagnasaraky gny hazava amy mezy. ¹⁹ Dra nisy hariva vo gny maray , gny andro faha-efasy. ²⁰ Ho Zagnahary ho:'' Ao ho feno raha-managn'ay maro an'isa gny rano, dra ao gny voro hitily agnabonin'ny tany egny amign'ny lagnisy. '' ²¹ Zagnahary namoro reo bibin-dranomasy selasela, dra reo kara-draha managn'ay aby, reo raha-managn'ay mihesiky vo ze mameno gny rano egny aby , dra reo karaza voro-managn'ay aby. hitan'Agnahary fa soa zay. ²² Niso-drano anazy reo Zagnahary, nanao ho:''Miteraha maro dra mihamaroa, ka mamenoa gny rano ao amign'ny ranomasy. Ao hihamaro egny agnabony tany reo voro.'' ²³ Dra nisy hariva vo maraindray zay, gny andro fahadimy. ²⁴ Ho Zagnahary ho: ''Ao gny tany hamokasy raha-manan'ay, araky gny karazany aby, reo biby fiteza, raah-mandaly, vo bibi-diagn'ny tany, araky gny zarazany aby.'' Dra nisy zay, ²⁵ Nataon'Agnahary araky gny karazany aby reo bibi-diagn'ny tany,reo biby teza araky gny karazany aby, dra reo raha aby zay mikisaky amign'ny tany araky gny karazany avy. Hitany fa soa zay. ²⁶ Ho Zagnahary ho; '' Andeha isika hamoro olo amign'ny endrisika tahaky asika. Ao izy reo hazaka eo amin'ereo hazan-dranomasy, eo amin'ereo voro gny lagnisy, eo amin'ereo biby teza, manera gny tany aby, dra eo amin'ereo raha mikisaky zay mandaly egny agnabogn'ny tany.'' ²⁷ Zagnahary namoro gny olo araky gny endriny. tamign'ny endriny manoka gny namoroanany anazy. Lahy vo ampela gny namorognany anazy reo. ²⁸ Niso-drano anazy reo Zagnahry ka nizaka taminazy reo ho: '' Miteraha maro, dra mihamaroa. Mamenoa gny tany, dra hazakao zay. Mana fazaka eo amin'ereo hazan-dranomasy, eo amin'ereo vorogn'ny lagnisy, dra eo amin'ereo raha-manan'ay aby zay mihesiky egny agnabogn'ny tany.'' ²⁹ Ho Zagnahary ho:'' Indro, fa nomeko andrareo gny raha-meso aby mamoa tegnany zay eto agnabognin'ny tany aby,dra gny hazo aby zay mamokasy voa ao aminazy. Ho fiinanandrareo reo. ³⁰ Ho agn'ny bibi-diagn'ny tany, ho an'ereo vorogn'ny lagnisy , vo ho an'ereo raha aby ze mikisaky amy tany dra ho an'ereo raha-manan'ay zay mana fofon'ay eto an-tany gny nagnomezako gny raha-meso aby ho fihina.'' Dra nisy zay. ³¹ Hitan'Agnahary reo raha-aby zay nataony. Indro, tena soa zay. Dra nisy hariva vo maray zay, gny andro faha-enina.