¹ Amin'izay fotoa zay i Mikaela, gny andriandahy lahibe ze miamby gny vahoakinddrareo, dra hisanga. Hisy fotoa fahoria ze sy bo nisy hatramy niandoha gny firenena hatramin'izay andro zay. Amin'izay fotoa zay gny vahoakinao dra voavozy, dra zay aby hita fa voasirasy anara ao amy boky. ² Maro amin'izay mandry amy botany gny hisanga , gny sasany ho amy fiaigna mandrakizay dra gny gnilany ho amy fahamegnara vo fagnamavoa mandrakizay. ³ Reo zay hendry dra hamirapirasy manahaky gny hazavany lagnisy agnabo, dra reo hagnery gny maro amy fahamarigna , dra manahaky vasia mandrakizay doria. ⁴ Fa ianao, ry Daniela, ahorony reo tegny reo;ahazao ho voa tombokase gny boky mandra-pahaviny fotoa farany. Maro gny hilomalomay ehoky vo erahoky , dra hitombo gny fahalala.'' ⁵ Dra zaho, Daniela, Nignety, ka nisy ro hafa nisanga.Gny raiky nisanga teto amorony ony, dra gny raiky tamin'ereo nizaka taminigny lelahy miakazo rongony fosy, zay teo agnabony ony ho:''''Mandraky ombia gny hiafarany tahokiy raha-mahalasa tahoky?'' ⁷ Reko gny lelahy miakazo rongony fasy , zay teo agnabony ony-nanandrasy gny tagnany ankavana vo gny tagnany ankavia tamy lagnisy izy ka nihania taminigny raiky ze velo mandrakizay fa ho fotoa raiky, fotoa ro, vo asasam-potoa zay. Fa gny nitorotort avo gny heriny olo masy , dra ho tateraky avo koa reo raha aby reo. ⁸ Nandre zaho, fa sy nahatakasy. Dra nagnotany zaho ho: ''Ry tompoko, ino gny ho vokasy amin'ireo raha aby reo?'' ⁹ Hoy izy:''Mandehana amy lalanao, ry Daniela, fa gny zaka dra fa voahoro vo voaisaky tombokase mandra-pahaviny fotoa farany. ¹⁰ Maro gny ho liovy, ho voasasa, dra ho voafosy, fa gny rasy fagnahy hanao faharasia. Sy hisy amigny rasy fagnahy hahatakasy, fa reo zay hendry gny hahatakasy. ¹¹ Hatramigny fotoan'ny fapisahara gny fagnatisy oroa mahazasy vo gny fametraha gny fahavetaveta zay minday gny fandrava tanteraky, dra hisy andro 1 290. ¹² Sambasy zay mandigny hatramigny fiafaran'ny 1. 335 andro. ¹³ Sy maisy mandeha amigny lalanao hatramigny farany hanao, dra hisahasy hanao. Hisanga eo amigny toera voatondro ho anao hanao, ami'reo amdro farany.''