¹ Gne Fariseo sy gne mpanoradalana sasany avy agny Jerosalema nivory nagnodidy azy. ² ka hitandreo gne mpianatry sasany nihina mofo tame tagna maloto tsy vosasa. ³ (Fa gne fariseo sy gne Jiosy da tsy mba mihina-kany raha tsy avy manasa tagna satria magnaratsy gne fombafomban'gne loholona avy aminazy). ⁴ Ary rehefa miverigny avy agny e bezara gne Fariseo, tsy mihina raha tsy agnyavy mandro ary da mitandrigny mafy gne fomba maro tsy gne fanasa kapoky sy gne fagnasagny gne fanaky ary indrindra gne fatoriandreo . ⁵ Rehefa izany, gne Fariseo sy gne Mpanoradalana nametraky fagnotania tamin'i Jesosy. Hoy reo: "Fa nagnino gne mpianatrao tsy magnaraky gne fombandreo lohologny fa mihina ame tagna maloto". ⁶ Da hoy i Jesosy namaly: " efa fantatr' i Isaia tamè faminaniany gne momba anareo mpitsaravelatsihy". hoy izy tam'izany "misy vahoaka magnaza anà amin' gne molotry , fa gne fony lavitry anà. ⁷ Rava gne fivavaha homen-dreo anà raha mampianatry gne didy na gne fitsipiky maha olo ho fampianaragny indreo. ⁸ Apetrainareo gne didin' Andriamanitry ka tazomo mafy gne fomban'olombelo. ⁹ " Ary da mbola nagnamafy i Jesosy tamindreo hoe: " Akory gne fagnarianareo gne didin'Andriamanitry mba hagnazanareo gne fomban-drazanareo ! ¹⁰ Da hoy Mosesy namaly hoe: " hajao i abanareo amy endrinareo ary izay magnopa an'i abany sy endriny da ho faty izy. " ¹¹ Kanefa hoy anareo mizaka hoe : " Raha misy lehilahy mizaka an'i abany sy endriny hoe ndre ino na ino tianareo ho azo amina da efa korbana (na hoe efa nomen'Andremanitra ) mialoha ¹² da tsy ho ekenareo agnano na ino amin'ny abany amin'i endriny hoe izy. ¹³ Noho izany nofagnanareo gne zakan'Andremanitry oho nge fombandrazanareo. Ary da maro gne raha mitovy amin'izany nataonareo. " ¹⁴ Da mbola nangaiky fagnindroany gne vahoaka i Mosesy ka nizaka hoe : Mitenoma ana aby anareo ary fantaro gne raha rohoniko. ¹⁵ Tsy misy loto avy ambadiky afaky mandoto gn' olo ndre da miditry ao agnatin'olo. Fa gne tena marigny, izay mizotso avy agnatin' olo gne matetiky mandoto azy. ¹⁶ "[ Fa gne fandika tsara inddrindra da tsy mandika gne andininy faha 16. Fa raha misy mana sofy iaianoa, aoka izy iteno ]. ¹⁷ Rehefa niala teo ame vahoaky i Jesosy, da nagnotany gne mpianatriny rehefa nitsoky andragno izy, mikasiky gne fagnohara nampiasainy tagny am-boalohany. ¹⁸ Da hoy i Jesosy namaly hoe : " da mbola bado ve anareo? Tsy fantatrareo fa izay miditry agnatin'olo avy iveleny da tsy hapalato azy mihintsy ¹⁹ satria tsy ame fony gne hidiran'izany fa ame trokony ka mizotso ame fangiriany? Izany gne fagnambaran'i Jesosy iazany gne nahatonga gne sakafo rehetra nadio. ²⁰ Da hoy izy avy eo : " Izay mizotso avy agnaty gne mandoto gn'olo" ²¹ Gne tsivadivady, gn'alatry, gne famonoa, ²² gne fivarota tegna, gne fangniria, gne fengoa ,gne felogna ,gn'avandesa, gne avognavo ,gne amolà da avy agnatin'olo aby Ary da tena avy ampony ,izay avy ame saindratsy. ²³ Izay aby gne loto mijotso avy agnatin'olo ka mandoto anazy. ²⁴ Raha vita izany , da niala teo i Jesosy ka nandeha nitety gne faritry Tyroy sy Sidona. Tafaran' izay ,da nisy viavy avy teo naharè ²⁵ fa avy i Jesosy, ka nitondra gne zanany viavy nidiran' gne devoly; rehefa avy teo izy da nandohaliky tamè tomboky Jesosy . ²⁶ Fantany tsara fa Grika io viavy io, Syro-foinika gne tany feviany. Arak'izay da nangataky tamin'i Jesosy ity viavy ity mba havôky Demony gne zanany viavy. ²⁷ Hoy i Jesosy namaly an' io viavy io hoe: " Omeo sakafo aloha gne zaza satria fady gne mangala gne mofon-daja ka magnome izany ho an' gn'amboa. " ²⁸ Kanefa namaly an'i Jesosy ity viavy ity nizaka hoe "Tompo ô, ekeko gne zakanao, kanefa ndre gn'amboa aza da mbola mihina gne poti-mofon-daza ambany latabatry . ²⁹ Da hoy i Jesosy tam' raviavy " Noho izany zakanao izany, mandehana mandeha fa efa niala tamè zanakao gne demony . " ³⁰ Ary rehefa niverigny tagny aminazy raviavy da nahita gne zanany natory teo ambony kitrara izay efa tsy misy demony koa. ³¹ Rehefa vita zay, niala tao Tyro i Jesosy ka namakivaky gne faritry Sidona, nandalo gne sisinn'taniny Galilia ary avy eo niakatry nitety gne faritry ny Dekapolisy. ³² Tafaran'izany , nisy olo raiky noetindreo teo akatrefan'i Jesosy ary nangatahandreo mafy da mafy tamin'azy mba hametraha tagna satria maregny sady moa . ³³ Tamin'izany , noentin'i Jesosy nijotso niala gn' olo maro ity lehilahy ity ary nametrahany tagna tamè sofiny , raha avy nandrora ity lehilahy ity , da nokitihiny gne faritry teo ame lelany . ³⁴ Raha vita izany da niandra gne lagnitry i Jesosy nitalao tame Zagnahary nizaka hoe "Efata" na hoe "maladia " ³⁵ Tselasela teo , sitragny gne sofiny ary nahay nizaka mazava tsara izy. ³⁶ Noraràn'i Jesosy mafy da mafy indreo mba tsy hizakazaka na ino na ino. Kanefa vao maiky nagnely gne lazan'i Jesosy ireo ndre da efa norarà mafy aza. ³⁷ kaperatry tamin'izany gn'olo ka vaky zaka hoe: " Ainao sady efanao gne raha aby. Nampizaka gne moa ary da naniano mahare koa gne marègny".