¹ Ambola narandray be, da nivory gne mpisoronabe tamindreo loholona sy gne mpanora-dalana ary gne synedriona Jiosy aby. Nofihezindreo i Jesosy ary nentindreo nijotso. natolotrindreo tamy Pilato Izy. ² Nagnontany enazy i Pilato hoe: "enao me gne mpanjakane Jiosy ?" Namaly izy hoe: "voalazanao". ³ Nanolotry gne fiampanga maro manohitry en'i Jesosy indreo lohandohane mpisorogny. ⁴ Nagnontany enazy ka i Pilato hoe : " tsy magnomè valim-pagnontania me enao ? Hiteo gne hamaroanè fagnendrikendrea nindesindreo nanohitry enao !". ⁵ Fa tsy namaly en'i Pilato esanaky i Jesosy, da nahagaga enazy. ⁶ Ary tamè gnandro haravoravoa, da nagnaboda gadra raiky hoandreo evao i Pilato, gadra efa nangatahandreo. ⁷ Niray tamè mpanohitry tapigadrà, tamindreo mpamono olo voatazo nohone fandraisandreo anjara tamè fanohera, da nisy lelah raiky nangia oe Barabasy. ⁸ Da nagnato en'i Pilato gne vahoky tamin'izay mba agnano endreo akoigne fanine taloha. ⁹ I Pilato namaly endreo da nagnano hoe: "tianareo me raha gne mpanjakanè Jiosy gne halefako ho anareo?" ¹⁰ Satria fantatriny fa fialogna gne nanolorane mpisorogny an'i Jesosy taminazy. ¹¹ Fa nangaiky gne vahoky gne lohanè mpisorogny mba hizaka mafy fa tokony i Barabasy gnavotsitry. ¹² Da namaly endreo koa i Pilato da nagnano hoe: "Ino gne tokony hoany ame mpanjakane Jiosy ?". ¹³ Da nireoreo koa indreo hoe : " ahatogno Izy !". ¹⁴ Hoy i Pilato tamindreo se: " Ino gne ratsy naniny ?". Da mbola nireoreo indraiky koa indreo: " ahatogno Izy." ¹⁵ Ta agnano gne mahafapo andreo i Pilato, ka da nafahany ho andreo i Barabasy. Novangoy fiky i Jesosy ary avy teo da natolony hahato. ¹⁶ Nentindreo maramila amè toera malalaky Izy (io da tobine fanjaka), ary nangiandreo vahoky gne atoko miaramila aby. ¹⁷ Nosarognandreo lamba voloparasy i Jesosy, ary nandrary fehiloha maragnitry indreo da napetraky taminazy. ¹⁸ Da nanomboky nagnotsafy enazy indreo ary nizaka hoe:" Akoraby saro mpanjakan'gne Jiosy!". ¹⁹ Novangoindreo fiky tamè bararata gne lohany sady nandrorandreo. Da nandohaliky tagnoloany indreo mody midera anazy. ²⁰ Rehefa avy nagnabarabara anazy indreo, da nalandreo taminazy gne lamba voloparasy ary nampisikinindreo enazy gne lambany, ary da nentindreo nijotso Izy mba hamatsia anazy. ²¹ Noforisendreo gne mpandalo raiky avy tamè tonda mba hizoga gne hazo fijalian'i Jesosy, lelah raiky atsoigny hoe Simona. Kyreniana iaban'i Aleksandra sy Rafotsy. ²² Nentindreo miaramila tagny amè toera angia hoe : "Gologota i Jesosy". (azo adika hoe: " toerane Karakandoa). ²³ Nomendreo dovay nifangaro miora Izy, nefa tsy nidrano enizà. ²⁴ Nofatsiandreo Izy ary nifampizarandreo tamign'alalànè akitsapaky gne fisikinany mba hahafatara gnasasany raisinè maramila tsikiraikiraiky. ²⁵ Tamè telo Izy nofatsiandreo. ²⁶ Ary tamè tekelaky gne hazo raiky gne nanoratandreo gne famohera anazy hoe: "mpanjakane Jiosy". ²⁷ Dahalo roy gne niaraky nofatsiandreo taminazy, gne raiky takavanany ary e raiky takaviany. ²⁸ [ Fagnamaria: Gne fandika taloa tsara be da tsy magnisy marky 15: 28 hoe: "da teraky e soratry masina magnano hoe: " Nany ho isane mpanota izy". (Ampitoviso ame Lioka 22:35)]. ²⁹ Gne nandalo tetoa da nagnaratsiratsy enazy, niodikodiky gne lohany da nagnano hoe: " Aha ! Enao gne afaky mandrava gne tempoly ary mamorigny eniza agnatine telo andro, ³⁰ vojeo gne tegnanao ary midigna avy amè hazo fizalia io !". ³¹ Gne lohanè mpisorogny da nagnabarabara anazy akoiza evakoa, niaraka tamindreo mpanora-dalagna, ary nizaka hoe: "namonjy gnafa Izy, nefa tsy mahavonjy gne tegnany. ³² Engany anie i kristy, gne Mpanjakane gn'Israely, hidigny avy amè gnazofizalia, mba hohitanay ary hinoanay", ary gne nahato niray taminazy koa da nagnabarabara anazy. ³³ Tamè lera faha enina, da avy tame tany aby gne mizy hatrame lera faha sivy. ³⁴ Ary tamy za lera faha sivy za da nitoreo tame feo mafy i Jesosy hoe: " Eloy, Eloy, lamà sabaktany ?" azo adika hoe: " ô zagnahary e, ô zagnahary e, nagnino enao da nahafoy enaha ty me ?". ³⁵ Gne sasany tamindreo nitsanga raha naharè da nizaka hoe:"Hiteo, mangaiky en'i Elia Izy". ³⁶ Nisy olo raiky niazakazaky, nagnano dovay masimasy nahisy tamè gne epaonjy, ary nahisy tamè bararata, da nomeny enazy hindranominy. Gne lelah nizaka hoe: "ba ampagniteo enay raha hampidigny enazy eo i Elia." ³⁷ Avy teo da nitoreo mafy i Jesosy ary da maty." ³⁸ Rota nizarazara roy nanomboky ambony katrambany gn'akajonè tempoly. ³⁹ Rehefa hitane Kapiteny, izay nitsanga sy nifagnatriky tam'i Jesosy fa maty tamiza famba iza izy da hoy izy se: " Tena zanake zagnahary dato io lelah io". ⁴⁰ Da nisy viavy koa nitsinjo avy lavitry, agnisan'iza i Maria Magdalena, Maria (iendrin'i Jakoba zandriny sy Josesy), ary i Salome. ⁴¹ Taminazy tagny Galilia da nagnaraky enazy sy nanompo enazy indreo. Ary viavy maro hafa koa gne niara-niakatry taminazy tagny Jerosalema. ⁴² Raha avy gn'ariva, satria andro fiomagna izany oe andro mialohane gn'andro sabata io, ⁴³ da avy teo i Josefa avy agny Arimatia. Mpikamba hajay ao ao amesynedriona izy, izay nandigny gne fanjakane zagnahary. Nisy fahasahia izy nandeha tam'i Pilato hangataky gne fatin'i Jesosy. ⁴⁴ Gaga i Pilato oe maty sahady i Jesosy; da nangiany gne Kapiteny ary nagnontany enazy izy laha maty dato i Jesosy. ⁴⁵ Rehefa nahazo antoky tame Kapiteny izy fa maty i Jesosy da nomeny an'i Josefa gne fatiny. ⁴⁶ Ary nividy lambam-paty kidy i Josefa. Nampidigny an'i Jesosy tame gne hazo fijalia izy, da namogno lambam-paty kidy enazy, ary nagnisy enazy tao ame kibory izay nangady tamè pelapelam-bato. Avy eo namaringary vato tame varangarane kobory izy. ⁴⁷ Da hitan'i Maria Magdalena sy Maria endrin'i Josesy gne toera nandevegna anazy.