¹ Gne boky nosoratako teo aloha, ry Teofilo, da magnambara gny rehetra izay natombok'i Jesosy sy nampianariny, ² hatramè andro nampiakarany anazy, avy teo da nibaiko ireo Apostoly izay nofidigny tamè alalan'ny Fanahy Masina Izy. ³ Tafaran'gne nijaliany, da nampiseho gne tenagny velona tamindreo Izy niaraky tamin'ireo porofo mandresy lahatra maro. Niseho tamindreo Izy nandritra gne efapolo andro, ary niresaky momba gne fanjakan'Andriamanitry. ⁴ Rehefa nifakaita niaraky tamindreo Izy, da nandidy andreo tsy hiala ao Jerosalema, fa handigny gne fampanantenan'gne Ray, momba izà, nolazainy hoe: "Naharè tamiko anareo ⁵ fa nagnano batisa tamè rano tokôtry i Jaona, fa anareo da tokotry hanigny batisa amè Fanahy Masina ao agnatin'gne andro vitsy." ⁶ Rehefa tafavory niaraky indreo da nagnontany Anazy indreo hoe: "Tompo, izao gne fotoa hameregnanao gne fanjakagny ho an'Israely?" ⁷ Hoy Izy tamindreo hoe: "Tsy anareo gne hahafantatry gne fotoa na ireo vanin'andro izay notendren'gne Ray tamè fahefany manokany. ⁸ Fa rehefa avy kosa gne Fanahy Masina da hahazo hery anareo, ka ho lasa vavolombeloko eran'gne Jerosalema sy Jodia iray manontolo ary Samaria, sy hatrany am-paran-tany." ⁹ Rehefa nizàka izà zavatry izà i Jesosy Tompo, da niandrandra indreo, nakary Izy, ary gne rahona nanakotry Anazy teo imasondreo. ¹⁰ Raha mbola nagnety gne lanitry iny indreo tamè nandehanany, tapoky teo, nisy roy lahy niakanjo fotsy nitsanga teo anilandreo. ¹¹ Nizàka indreo hoe: "Ry lehilahy avy any Galilia, nagnino anareo gne mitsanga etoa magnety gne lanitry? Igny Jesosy nalay taminareo izay nampakary any an-danitry igny, da hipody mitovy amè nahitanareo anazy niakatry any an-danitry teo igny. ¹² Avy teo indreo da nipody tany Jerosalema avy tao amè tendrombohitr'Oliva, izay marigny an'i Jerosalema, mitovy amè dian'gne andro Sabata raiky. ¹³ Rehefa avy indreo, da niakatry tao amè efitry akaboa, izay nidoboandreo. Indreo da i Petera, Jaona, Jakoba, Andrea, Filipo, Tomasy, Bartolomeo, Matio, Jakoba zanak'i Alifeo, Simona Zelota, ary Jodasy zanak'i Jakoba. ¹⁴ Nitambatry ho raiky izy rehetra, ary nazoto nivavaky. Anisan'izà ireo vahivavy, Maria endrin'i Jesosy, sy ireo rahalahiny. ¹⁵ Tamin'izà andro izà i Petera da nitsanga teo ategnategnan'ireo rahalahiny, eo amin'gne olo 120 eo, ary nizàka hoe: ¹⁶ "Ry rahalahy, tena hilaigny gne fahatanterahan'gne Soratra Masina, izay nambaran'gne Fanahy Masina mialoha tamè vavan'i Davida momba an'i Jodasy, izay ninday ireo olo nisambotry an'i Jesosy." ¹⁷ Fa anisan'gne raiky amintsika izy ary nahazo gne anjarany tamin'izao fagnompoa izao." ¹⁸ (Amisia io lehilahy io da nividy saha tamè vola azony tamè faharatsia izy, ary lavo teo izy, ka nisokatry sy nipôky gne vatany, ary nijoso agnaby gne olikiny. ¹⁹ Ireo olo rehetra tao Jerosalema da naharè gne momba izà, ary nangaiky io saha io tamè fizakandreo hoe: "Akeldama", izany hoe: "Sahan-dRà.") ²⁰ Fa efa voasoratry ao amè bokin'gne salamo hoe: "Ka kitikity gne sahany, ary aza apetraky na da olo raiky aza hidoboky ao'; 'Apetrao ho raisin'gne olon-kafa gne andraikigny." ²¹ Noho izà, da ilainy, gne raiky amindreo lehilahy niaraky tamintsika nandritran'gne fotoa rehetra nidiran'i Jesosy Tompo sy gne nijosohany teto amintsika, ²² hatramin'gne batisan'i Jaona ka hatramin'gne andro niakarany teo amintsika, da tsy maintsy vavolombelony miaraky amintsika amè fitsanganagny." ²³ Ary nametraky roy lahy indreo, da i Josefa nangia hoe Barsabasy, na koa anigny hoe Josto, ary Matia. ²⁴ Nivavaky indreo ary nizàka hoe: "Anao, ry Tompo, gne mahalala ireo fon'gne olo rehetra, ka ambaray izay hofidinao amindreo roalahy ²⁵ mba hangala gne toerany ato amin'izao fagnompoa izao sy gne maha Apostoly nohon'gne fandikan-dalàna izay nataon'i Jodasy handeha ho any amè toeragny manokany. ²⁶ Indreo da niloka ho andreo, ary nilatsaky tamin'i Matia gne filokà, ary voaisa ho Apostoly raiky ambin'ny folo izy.