¹ Nohon'gne tonga gne andron'gne Pantekosta, nivavaky tamè toerany raiky izy indreo agnaby. ² Tampoky teo avy latan-danitra nisy feo mitovy amin'gne rivotra mahery nifofofofo, ary nameno gne trano manontolo izay nidoboandreo izà. ³ Nisy afo mitovy amè lela maro izay nizarazara, ary nidoboky teo ambonindreo tsirairay avy. ⁴ Izy rehetra da feno gne Fanahy Masina ary nanomboky nizàka tamè fizàka maro samy hafa, araky gne nomen'gne Fanahy Masina hizàkandreo. ⁵ Ary nisy Jiosy izay nipetraky tao Jerosalema, olon'Andriamanitry, avy amè firenegny rehetra ambanin'gne lanitra. ⁶ Rehefa naharè izà feo izà, da tonga niaraky ireo vahoaka sady sahiran-tsaina satria gne tsirairay da samy naharè andreo nizàka tamè fizàkany agnaby. ⁷ Indreo da gaga; nizàka hoe: "Marina, fa tsy indreo rehetra mizàka io gne Galiliana? ⁸ Naoa gne maheno andreo isika, amè fizàkantsika tsirairay avy izay naha be antsika? ⁹ Partiana sy Mediana ary Elamita, ary indreo izay midoboky agny Mesopotamia, agny Jodia sy Kapadokia, agny Ponto sy Asia, ¹⁰ Frygia sy Pamfylia, agny Egypta ary Libya hatrany amin'i Kyrena, ary indreo mpitsidika avy agny Roma, ¹¹ Jiosy sy Proselyta, Kretana sy Arabo, da rentsika mikorà amè fizàkantsika momba gne asa zakabe ataon'Andriamanitra." ¹² Indreo da gaga sady sahiran-tsaina; ary nifampizàka indreo hoe: "Ino gne dikan'izà?" ¹³ Fa gne sasany nagnabarabara sady nizàka hoe: "Indreo da mamon'gne divay vaovao." ¹⁴ Fa i Petera nitsanga niaraky tamindreo iraik'ambin'ny folo, nampiakatry gne feony, ary nagnambara tamindreo hoe: "Ry lehilan'i Jodia sy anareo rehetra izay midoboky eto Jerosalema, aoka ho fantatrareo izao, tandremo ireo zakàko. ¹⁵ Ho anign'olo tsy mamo araky izay heverindreo, fa vao ora fahatelo amè andro izao. ¹⁶ Fa izao ilay voazàka tamin'i Joela mpaminany: ¹⁷ 'Amè andro farany,' Andriamanitry mizàka hoe: 'Halatsako amè olo rehetra gne Fagnahiko. Ireo zanakareo lahy sy viavy da haminagny, gne zatovondreo da hahita fahità, ary gne rangahindreo hagnonofy nofy. ¹⁸ Toy izà koa gne amindreo mpagnompoko lahy sy mpanompoko viavy amin'ireo andro ireo. Halatsako gne Fagnahiko, ary indreo da haminagny. ¹⁹ Izao da hampiseho zava-mahagaga egny amè lanitra ambony sy famantaragny egny amè tany ambany, rà, afo, ary tobobo setroka. ²⁰ Gne masoandro da lasa haizina ary gne volagny ho lasa rà, mialohan'gne andro zakàbe sy miavaky hiavian'gne Tompo. ²¹ Ary gne olo rehetra izay mangaiky gne agnaran'Andriamanitry da ho voavonjy. ²² Ry olon'Israely, tenomy izao zàkako izao: Jesosy avy agny Nazareta, ilay olo nampisehoany andreo tamè alalan'Andriamanitry mba ho marina amindreo asa zakabe, ireo fahagagà, ary ireo famantaragny izay nataon'Andriamanitry tamè ategnategnanareo, araky gne fantatrin'gne tegnanareo. ²³ Io lehilahy io da natolotry gne drafitr'Andriamanitry izay efa nomanigny mialoha sy gne fahalalany, ary gne tanan'gne mpandika lalàna sy anareo, namono anazy tamè famantsia anazy teo amè hazo fijaliana. ²⁴ Fa Andriamanitry nanangany Anazy, nagnafaky Anazy tamè fanaintainan'gne fahafatesa, satria sarotry ho Anazy gne niala tamin'izà. ²⁵ I Davida mizàka momba anazy hoe: "Nahita gne Tompo teo aloako mandrakariva iao, fa eto an-tanan-kavagnako Izy ka tsy tokotry gne hangozohozo iao. ²⁶ Da tegna faly gne foko ary nifalifaly gne lelako. Ary, gne nofoko hivelony amè fahatokia. ²⁷ tsy nilaozanao ho any amè Fiainan-tsy hita gne fagnahiko ary tsy hamela gne Iray Masinao ho lo anao. ²⁸ Nampahafantatry anah ireo lalan'gne fiainagny anao; Anao da hameno fifalia anah amè endrikao.' ²⁹ Ry rahalahy, afaky mikora aminareo ampilaminagny momba an'i Davida Patriarka iao: efa maty izy gne nalevy, ary gne koboriny da eto amintsika mandrak'androany. ³⁰ Noho izà, mpaminagny izy ary fantany fa efa nivoady taminy Andriamanitry, fa gne taranany gne ho eo amè seza fiandrianagny. ³¹ Rehefa hitany izà da niresaky momban'gne fitsangananan'i Kristy tamè fahafatesa, 'sady izy tsy navela amè Fiainan-tsy hita, gne tsy nagnano gne nofogny ho tratrin'gne fahaloavany.' ³² Io Jesosy io-Andriamanitry gne nanangany Anazy, ka vavolombelon'izà iahay agnaby. ³³ Noho izà rehefa nasandratry gne tagnana ankavagnan'Andriamanitry Izy da nandray gne Fanahy Masina nampagnantenainy avy tamè Ray, efa narotsany izà, izay hitanareo sy renareo. ³⁴ Fa i Davida da tsy niakatry tany an-danitra, fa izy nizàka hoe: 'Gne Tompo nagnambara tamè Tompoko, "midoboa eto an-tagn'ankavagnako, mandra-pamboarako ³⁵ gne fahavalonao ho fitoeran-tombonao.''' ³⁶ Noho izà, aoka ho fantatry gne rehetra indrindra gne tranon'Israely fa Andriamanitry gne nagnano Anazy ho Tompo sy Kristy, ilay Jesosy izay nofantsianareo.'' ³⁷ Ary raha naharè izà indreo, voatsindrony gne fondreo, ary nizàka tamin'i Petera sy indreo apostoly ambiny hoe: ''Rahalahy, ino gne tokotry ho ataonay?'' ³⁸ Avy teo Petera nizàka tamindreo hoe: ''Mibebaha mamboara batisa, anareo agnaby, amè anaran'i Jesosy Kristy ho famelà gne fahotanareo, sy handraisanareo gne fanomezan'gne Fanahy Masina. ³⁹ Fa gne fampanantenagny da ho anareo sy gne zanakareo ary indreo rehetra izay lavitra, ka ho betsaka ireo olo izay ho angian'i Tompo Andriamanintsika.'' ⁴⁰ Niaraky tamè zakà maro hafa gne nijoroany ho vavolombelony sy nandrisihany andreo; nizàka izy hoe, ''Vonjeo gne tegnanao amin'ity taranaky ratsy fagnà ity.'' ⁴¹ Ary indreo nandray gne zàkany ka nanigny batisa, ary tokotry fagnan'olo teo amè telo arivo teo ho eo gne nampiany tamin'io andro io. ⁴² Nanova sy niharitry gne asa fitoria sy gne fampianaran'gne apostoly indreo, teo amè fanapà gne mofo sy gne fivavà. ⁴³ Tonga teo amè fanahin'gne tsirairay gne tahotry, ary fahagagà sy famantaragny maro gne vita tamè alalan'gne apostoly. ⁴⁴ Ireo rehetra nino da nivavaky ary nanagny zavatry nitovy, ⁴⁵ ary indreo da nivarotry gne taniny sy gne fanagnany ka nizara izà tamin'izy rehetra, arak'izay nilainy agnaby. ⁴⁶ Ary isan'andro isan'andro da nitohy nagnompo tamè fomba fijery mitovy tao am-piangonagny indreo, sy nanapaky gne mofo tao an-dragno, ary nizara sakafo tamim-pifalia sy fo feno fanetren-tegna; ⁴⁷ Nidera an'Andriamanitry ary nahazo fankasitraha tamè olo rehetra. Isan'andro gne Tompo da nagnampy gne isandreo izay voavonjy.