¹ Tafarane nahafaty en'i Saoly, da nipody avy tagny ame fanafiha gn’Amalekita i Davida ary nagnety tao Ziklaga nandritry gne roy andro. ² Tame gn’andro fahatelo, da nisy lelah raiky nindray tame fisikinany rotidrotiky sy loto tame lohany gne tonga avy tagny ame tobin'i Saoly. Lefa tonga tam'i Davida izy da niankohoka tame tany ary nagnondriky gne tegnany. ³ Da hoy i Davida taminenazy se: "Avy aia enao?" Namaly izy hoe: "Nitsoaka avy tany ame tobin'Israely iah." ⁴ Da hoy i Davida taminenazy se: "Rohono aminah ro gne fisehoan'iza raha iza." Namaly izy hoe: "Nilefa tame gn’ady gne vahoky. Maro e lavo ary maro e maty. I Saoly sy i Jonatana zanany lah evakoa da maty." ⁵ Da hoy i Davida tam’iza koraolah za se: "Akoingaia gne hahafantaranao fa maty i Saoly sy i Jonatana zanany?" ⁶ Namaly iza koraolah za hoe: "Kisendrasendra gne naha-teo ame Tendrombohitr'i Gilboa enah, ary igny i Saoly nitehy tame lefony, ary gne kalesy sy gne mpimpitiky enenazy da tam-pisambora anenazy. ⁷ Nihodikody i Saoly ary nahita enah ka nangaiky mafy enah. da namaly iah hoe: 'Inty iah.' ⁸ Da hoy i izy tamiko hoe: 'Iza enao?' Namaly enenazy iah hoe: 'Amalekita iah.' ⁹ Da hoy izy taminah se: 'Mitsangàna ro akekiko etoa ary vonoy iah, fa fahoria zakabe gne mahazo enah, kanefa ambola aminah atoa gne fegnena.' ¹⁰ Noho iza da nagnato taminenazy iah ary namono enenazy, satria fantatriko fa tsy ho velo izy tafarane nahalavo enenazy. Avy teo da nalaiko gne satro-boninahitry tame lohany sy gne fehin-tagna tame sandriny, ary gne nindesiko etoa aminao iza, ry tompoko." ¹¹ Avy eo da nandrivatry gne fisikinany i Davida, ary nagnano akoiza koa gn’olo aby nindray taminenazy. ¹² Nisaona indreo, notagny, ary nifady hany ho an'i Saoly mandrapa-hariva, ho an'i Jonatana zanany lah, ho ane vahokan'i Yaveh, ary ho ane ankohonan'Israely satria lavo tame sabatry indreo. ¹³ Da hoy i Davida tam’iza koraolah za se: "Avy aia enao?" Namaly izy hoe: "Zanaky gne vahiny raiky tame tany iah, Amalekita raiky." ¹⁴ Da hoy i Davida taminenazy se: "Nahoa enao gne tsy natahatry namono gne mpanjaka vahosotr'i Yaveh tame tagnanao evao?" ¹⁵ Nangaiky gne raiky tame koraolah i Davida ary niroho hoe: "Mandihana ary vonoy izy." Da nandeha iza lelah za ary namango enenazy, ka maty gn’Amalekita. ¹⁶ Avy eo da niroho tame fatine gn’Amalekita i Davida hoe: "Eo ame lohanao gne rànao satria gne vavanao evao gne vavolombelo nanohitry enao ary nagnano hoe: 'Namono gne mpanjaka vahosotr'i Yaveh iah.'" ¹⁷ Avy eo da nihira ity hira fisaona momban'i Saoly sy i Jonatana zanany lah ity i Davida. ¹⁸ Nibeko gne vahoky izy mba hampianatry eniza Hirane Tsipîka iza ane zanaky lahan'i Joda, izay voasoratra ao ame Bokin'i Jasara. ¹⁹ "Gne voninahitrao, ry Israely, da maty, voavono tame toerao avo! Endrey gne fahalavòne mahery! ²⁰ Ka rohony ao Gata iza, kambara eny ame lalan'i Askelona, ba tsy ho afaky hifaly gne zanaky vavine Filistina, mba tsy hankalaza gne zanaky vavine tsy vafora. ²¹ Ry Tendrombohitr'i Gilboa, engany ba tsy hisy ando sy rekandro gnaminao, na saha magnome voa ho fagnatitry, satria teo gne fiarovane mahery gne valoto. Gne ferovan'i Saoly da tsy vahosotry ame menaky koa. ²² Avy ame ràne vavono, avy ame fatine mahery, da tsy nipody gne tsipîkin'i Jonatana, ary tsy nipody fotsiny gne sabatr'i Saoly. ²³ I Saoly sy Jonatana da tia sy mpamindra fo tame fiaina, ary tsy nosarahindreo tame fahafatesandreo. Malaika nohone voromahery indreo, natanjaky nohone liona. ²⁴ Enareo ry anaky vavin'Israely, mitomagnia an'i Saoly, izay nampitafy jaky mena sy firavaky enareo, ary izay nagnisy firavaky volamena tame akanjonareo. ²⁵ Endrey gne fahalavone mahery tagnelagnelane gn’ady! Novonoy tame toerao abo i Jonatana. ²⁶ Ory nohone gnaminao iah, ry Jonatana rahalahako. Tena malala taminah enao. Mahagaga gne fitiavanao enah, mihotry nohone fitiavane viavy. ²⁷ Endrey gne fahalavone mahery, sy gne fahalevonane fitaovampediane gn’ady!"