¹ A izao le manahafa an'Agnahare, manahake anakisoke ey. ² Mandenà aman-kasoa hanahake ty fitea i Kristy antika avao ka nahafoe ty vatae hoantika, raha magnitse nasese naho sorogne hoan'Agnahare. ³ Fa tsy fagneva ty mbe ahareizagne fandikagne filagne naho karazan-draha ota naho tsy fahambenam-batagne ty ama'areo, fa tsy fagneva ty ndaty masin'Agnahare zao. ⁴ Ao tsy hampiboake raha faly, reha negne, tsikike lako _ fa tsy fagneva ty maro zao. Fa soa naho sitrahegne. ⁵ Fa afake miantoke izao nareo, te tsy hisy mpandika filagne, ho ota, hiheregne ndaty _ ho'e mpanompo sampe _ mipaia lova amy fanjakà Kristy naho Andrianagnahare ao. ⁶ Ao tsy hampitama raha tsy misy, fa o raha iaby zao ro hiavia ty havigniran'Agnahare amy ty anake tsy magnorike ható. ⁷ A izao, le ko miharo ama izao raha zao. ⁸ Naiegne nareo te taolo, a izao nareo le ho ilo ama i Andriantompo ao. Mandenà manahake ana ty mazava, ⁹ (Fa ty vokatse amy fahazavagne le ama ty raha soa iabike.) ¹⁰ Paio ze tea i Andriantompo. ¹¹ Ko miharo asa maiegne amy ty raha tsy vete'e, fie tevatevao. ¹² Fa mahamegnatse ndre ty ho tonogne ty raha atao iareo ndre ty amy ty tane tsy manam-pahatrea agne. ¹³ Fa naho fa ilovy ty raha mazava ty raha raike, le hoe ambane maso. ¹⁴ Fa ze raha iaby ambane maso le fahazavagne. Ama izao le magnombara te: "Mifohaza ihe miroro, mitsangàna amy ty fisiagne ty mate, le hamirapiratse amao ty Kristy." ¹⁵ Manoa soa amy ty lalagn-kavelo'o _ tsy hanahake ty tsy mahilala fa ze mahilala. ¹⁶ Manoa soa amo mbe ho io fa zao andro zao le andro raty. ¹⁷ A izao, le ko misary gege, fa fohigno te inogne ty zoto ty arofo i Andriantompo. ¹⁸ Ko manao mamo ty divae, fa magnimba ty fagnahio zao. Fie manoa sao ho feno Fagnahy Masigne, ¹⁹ mifampirehafa nareo sambe nareo amy ty salamo naho ty fihiragne le ty hiram-pagnahy, mihirà amy Andriantompo amy ty fo areo vatae. ²⁰ Mahaia misaotse lomognandro amy ze kila raha, amy ty tahina i Jesosy Kristy Andriantompontika hoan'Andrianagnahare Raentika, ²¹ magnolora vatagne aman-kasigne hoe i Kristy. ²² Magnekea ty valiareo nareo ry ene, hanahake ty amy Andriantompo. ²³ Fa ty lahy ro ho loha ty ampela, manahake Kristy loha ty anjomba fivavahagne, le Kristy vatae ro mpandrombake. ²⁴ Hanahake ty fagneke ty anjomba fivavahagne i Kristy, le ho heneke izay ka ty hagneke ty ampela ty valie amy ze kila raha. ²⁵ Teavo ty vali'areo lahireo, hanahake ty fitea i Kristy ty anjomba fivavahagne naho nagnolora'e ty fiai'e. ²⁶ Nagnolobatagne hoe ty anjomba fivavahagne Kristy hahafaha'e magnamasigne aze, niliove'e ama ty rano fisasagne amy ty saontsi'e. ²⁷ Hahafaha'e manoro ty vatae ho manan-kasigne amae eo, tsy hisy raha raty halangy ty amae fa ho masigne tsy misy ota. ²⁸ Hoe zao avao ka ty lahilahy ho tea ty valy iareo manahake ty vata'iareo. Ze tea ty valie ho tea ty vatae ka. ²⁹ Tsy mbe nisy nalaigne ty vatae, fa le mamahagne naho manao ze hisoa izao avao, manahake Kristy mamahagne ty anjomba fivavahagne naho manao ty hisoa'e avao ka, ³⁰ fa toe rambom-bata'e ntika. ³¹ Ama ty raha manao hoe izao ty lahilahy le nienga ty rae naho ty rene'e le hiharo amy ty vali'e, hanjary ho nofotse raike iareo avao iareo." ³² Bey zao raha maregne avony izao _ Fie le ataliliko ty raha miomba i Kristy naho ty anjomba fivavahagne. ³³ Fie, ty tsikiraike ama areo avao ka le fagneva ty ho tea ty vali'e manahake ty vatae, le ty ampela ka fagneva hihasy ty vali'e.