¹ Ze miomba anareo, le maty amy ty hakeo areo naho ze raha niota ama'areo. ² Ama ty raha niota ro nisy anareo te taólo manahake ty fomba ty tanebey toy. ³ Nitsikombe ty fia'i ty mpandily an-drivotse ey nareo, izo ty fagnahy miasa ho'e ty ana ty tsy magnorike ható. Sambe ndaty nanao ho'e zay iabike ntika te taólo, sambe nila ze raha raty ty vatantika, nanao ze raha tea ty vatantika naho ty saintika hatao. Ndra hoe nasamake hanosotse, manahake ty ndaty hinane ntika. ⁴ Fie miferenaigne ndaty Adrianagnahare fa lako ty hatea'e antika. ⁵ Te intika mbe maty reketse ty ota, le vinelo'e nindre amy Kristy_ ty hasoa ro nandrombahagne antika. ⁶ Vinelon'Andrianagnahare nindre ntika, le nampindreze'e ka ty tobontika an-danitse agne am-po Kristy Jesosy ao, ⁷ hagnoroa'e amy ty andro hoavy ty habey ty fitahia'e naho ty hasoa fagnahi'e amy Jesosy Kristy ao. ⁸ Fitahiantsoa ro nandrombaha'e anareo amy ty finoagne, tsy boake ama'areo izao, fa fitahian'Agnahare. ⁹ Tsy boake amy ty asa ty fitahiagne tsy ho eo ka ty hitregne aze. ¹⁰ Asan'Agnahare ntika, finoro amy Kristy Jesosy ao hanao ze asa nolaharin'Agnahare te taolo agne ho antika, hiaviantika amizay agne. ¹¹ A tiahivo fa inareo ro Jentilisa nofotse te taolo. Tinoka te "tsinasavatse" nareo amy iareo tokavigne te "Sinavatse" amy ty nofo natao ty tagna ondaty. ¹² Fa toe mbe tsy tama i Kristy nareo tamo zao andro zao. Niambahiny nareo amy ty tariratse Israely le mbe niambahiny anareo ty tsara nifampitintihigne. Tsy nanan-draha tamagne amy ze ho avy nareo. Tsy niharine an'Agnahare amy ty tanebey toy. ¹³ A hinane zao fa amy Kristy Jesosy ao nareo nilavitse an'Agnahare te taolo, le nanpiharineagne Aze amy ty lio i Kristy. ¹⁴ Fa toe Ie ty hivavahantika. Ie ro nampitraoke ty roe ho raike. Ty vata'e ro nandrava'e ty fifandrafesagne nampivibike antika. ¹⁵ Tsy nisia'e lily naho sata hampitraofa'e ndaty vao ho raike Amae ao, naho hanoa'e fampilongoagne. ¹⁶ Kristy ro nampilongo ty ndaty roe sambe hafa ho nofotse raike amin'Agnahare boake amy ty hazonajaly, magnafake ty fandrafesagne. ¹⁷ A niavy Jesosy nitalily filongoagne ho'e ze lavitse filongoagne naho ze marine. ¹⁸ Fa ama i Jesosy ro hafahantika miroefoko miharo fagnahy raike amin'Agnahare. ¹⁹ A izao, le tsy ambahiny naho mpizaha sasa nareo Jentilisa hinaneo. Fa hitraoke tany raike mindre amy ty ndaty masin'Agnahare nareo naho ho afo raike amin'Agnahare. ²⁰ Fa natsangagne amy ty fototse finoro ty Apostoly naho ty mpitoky nareo, le i Kristy Jesosy vatae ro ho zorombato. ²¹ Amae ao ro hivoria ze fototse le hionjogne hanjary anjomba fivavahagne amy Andriantompo ao. ²² Hindre hatroatse Amae ao avao nareo ho anjomban'Agnahare amy ty Fagnahy