¹ Paoly, apostoly Kristy Jesosy amy ty zotom-pon'Agnahare, hoe ty ndaty masin'Agnahare Efesosy agne, ze miantoke amy Kristy Jesosy ao. ² [Fanamarihagne: "Agne ty sinoratse ilae magnafake tihoeke: "Efesosy ao" fie vae amy ty taratasy Paoly voalohae zao.] Ho ama areo ty fitahiantsoa naho ty fiadanagne boake amin'Agnahare Raintika naho Jesosy Kristy Andriantompo. ³ Deraina anie ny Andriamanitra sy Rain'i Jesosy Kristy Tompontsika, izay nitahy antsika tao amin'i Kristy tamin'ny fitahim-panahy rehetra avy any an-danitra ao amin'i Kristy. ⁴ Andriamanitra nifidy antsika tao aminy hatramin'ny fiantombohan'izao tontolo izao, mba ho masina sy tsy manan-tsiny eo anatrehany isika. ⁵ Jinibon'Agnahare ntika hiaolo ty fagnisiagne Jesosy Kristy ho anake, amy ty fagniria'e. ⁶ Ty nagnisiagne antika ro hiavia ty hasin-kasoa am-boninahitse nafo'e antika avao tamy Raike kiso'e. ⁷ Ho ty amy Jesosy Kristy avao le ho trà-drombake naho halio tahegne amy ty lio'e ntikagne, fa tsy lany ty hasoa'e. ⁸ 8Nanjotsoa'e hilala naho fahaiagne ze kila raha ntika, izao ty hasoa'e. ⁹ Nataon'Agnahare fohintika ze raha mietake amy ty zotom-po'e, amy ze iri'e le naboa'e tamy Kristy, ¹⁰ nolaharegne nindre ama ty andro jinibogne, hampitraofagne loha raike ze kila raha an-tany eto naho ty an-danitse agne, le ndre Kristy zao. ¹¹ Amy Kristy ao le jinibogne ho mpandova ntika. Jinibogne hey hiaolo ty laha i mpanampake ze kila raha amy ty zotom-po'e ntika. ¹² Jinobon'Agnahare ho mpandova ntika le ho ntika ka ro ho loha ty hiantoke Aze amy Kristy ao, ho fihasiagne ty voninahi'e. ¹³ Amy Kristy ao vao ka nareo, naho fa maharey ty saontsy to vatae, le zao ty talily soa hagnavotagne anareo, le hiantoke Aze nareo nanomboke amy Fagnahy Masigne nampitamagne ey, ¹⁴ hagnamaregne ty hahazoantika lova hatra ty hilefesa izay, hagnavohavo ty hasi'e. ¹⁵ Ama ty raha manao hoe izao, hatra ty nahareizako ty fiantofa'areo Andriantompo Jesosy naho ty fitea'areo ty ndaty masigne iabike, ¹⁶ le nisaotse Anagnahare lomognandro raho le hilalilaliako amin'Agnahare nareo. ¹⁷ Mivavake raho, ho lonike Andrianagnahare i Jesosy Kristy Ragnandriantika, Rae ty hasigne, hagnomey anare fagnahy mahilala naho fagnombara ty ho fohigne Aze. ¹⁸ Mivavake raho hagnilo ty maso ty fo areo, hahafohigna'areo ty titike nitokava'e anareo naho hamaro ty hasi'e ty lova'e amo ndaty masin'Andrianagnahare iabike reo. ¹⁹ Amy ty fivavahako le mihalale ama'areo raho hahafohigna'areo fa lako ty heri'e amantika ze miantoke Aze, amy ty fampiasa'e ty heri'e bey. ²⁰ Zaho hery zao avao ro nataon'Agnahare amy Kristy ao naho fa natroa'e ho velogne Reke le natobo'e an-kavanae tan-danitse agne. ²¹ Nala'e ty Kristy handily naho hanampake, meagne hery ho mpitsara, naho ze kila raha managn'agnaragne. Kritsy ro handily, tsy ho amizao fotoagne zao avao, fa ndre ty fotoagn-ko ho avy. ²² Nataon'Agnahare ho ambane ty fandia i Kristy iabike ze kila raha, le nata'e ho loha ze kila raha agn'anjomba fivavahagne ao Reke. ²³ Ty anjomba fivavahagne ro vatae, Ie ro larofampitomboagne amy ze raha iaby.