¹ Anito, ry rahalahe, mivavaha ho anay, mba ho deraegne naho homeam-bolonahetse ty Saontsy i Andriantompo, le manahak'izay ka ty ama'areo. ² Mivavaha mba ho afake am'iareo raty tsereke naho ndaty raty zahay, fa tsy iareo abike ro manam-pinoagne. ³ Fa i Tompo le matoky, ze magnamafe oregne naho miambegne anareo ami'ty raty. ⁴ Managne fahatokisagne am'i Tompo mahakasike anareo zahay, naho mba hanova'areo naho hanohiza'areo raha ze nandiliagne anay nareo. ⁵ Lonike ty Tompo hitarike ty fo'areo ho ami'ty fitean'Andrianagnahare naho ty fiareta'i Kristy. ⁶ Anito mandily anareo zahay, rahalahiko, ami'ty agnara'i Jesosy Kristy Tompontika,mba hiala ama'areo rahalahe iaby ze miaigne agnate ty hakamoagne na ty arake ty fomban-drazagne ze niraese'areo t'ama'ay. ⁷ Fa inareo am-bata'areo le mahafantatse fa mete ama'areo ty mangala tahak'anay. Tsy niaigne t'agnivo'areo manahak'iareo tsy nanagne lily zay. ⁸ Tsy nihinagne hane'ondaty tsy niloa vola zahay. Fe ie ka, niasa andro aman'alegne tami'ty asa sarotse naho ty raha sarotse zahay, mba tsy ho enta mavesatse ho ey ty kirairaike ama'areo. ⁹ Tsy hoe ty tsy fanagna'ay fahefagne ro nanova'ay zay. Fe ie, nanao izay zahay mba ho fitaratse ho anareo, le mba hanahak'anay nareo. ¹⁰ Naho nindre t'ama'areo zahay, le nandily anareo te hoe: ''Naho misy raike tsy te hiasa, le tsy tokoe hihinagne reke.'' ¹¹ Fa naharey zay fa miraverave tagnagne ty ilae ama'areo. Tsy miasa iareo fa mpijoy. ¹² Anito ze ndaty manahake izay le lily'ay naho hanare'ay am'i Jesosy Kristy Tompo, mba hiasa am-pahangignagne naho hihinagne ty hane'iareo irereke. ¹³ Fa nareo, rahalahiko, ko mamoe fo amy ty fanaovagne ty maregne. ¹⁴ Naho misy tsy magneke ty rehan-tika amy ty taratasy toy, fanataro imaso'ondaty reke le ko managne fifandraesagne amae, le mete ho megnatse reke. ¹⁵ Ko raesegne ho fahavalo reke, fa manahake ty rahalahe. ¹⁶ Fa lonike ty Tompo ty fiadagnagne hagnomey fiadagnagne anareo am'o fotoagne'o naho ami'ty fomba iabike. Lonike ho ama'areo iabike ty Tompo. ¹⁷ Intoy ty fanoako veloma, iraho Paoly, tami'ty tagnako, ty famantaragne amy ze taratasy. Izao ty soratse. ¹⁸ Lonike ty fahasoava'i Jesosy Kristy Tompontika ty ho ama'areo iabike.