¹ Paoly, le Silasy, naho Timoty, ho amy ty fiangona iareo Tesaloniana aman'Andrianagnahare Raentika naho Jesosy Kristy Tompo. ² Loniky hoama areo ty fitahiantsoa naho ty fiadanagne boaka an'Andrianagnahare Raentika naho Jesosy Kristy Tompo. ³ Zahay le tokoe hagnome fisaoragne an'Andrianagnahare hoanareo, ry rahalahy. Fa soa hatao zay,, satria mitombo vatae ty finoa areo, le ty fitiava areo tsiraidraiky le mitombo hoe ty hafa. ⁴ Naho zay le zahay ambata'ay le mirehake aman-drebeke ty mikasiky anareo eo amy ty anjomban'Andrianagnahare. Zahay le mirehake anareo mikasiky ty fahareta areo naho ty finoa areo tamy ze kila raha nagnejehagne anareo.Mirehake mikasike ty fijaleagne ze niareta areo. ⁵ Zay le famantaragne ty fitsarà maren'Andrianagnahare. Ty voake le horaesegne ho evà ty fanjakan'Andrianagnahare ze nijalea areo nareo. ⁶ Maregne amin'Andrianagnahare ty hamale fijaleagne hoe ze nampijale anareo, ⁷ le hagnome fitofagne anareo ze nampijalegne nindre tama'ay. Hatae zay amy ty fiboaha i Jesosy Tompo boake andagnitse miaraka amy iareo anjely ty herie. ⁸ Agnate ty afo mirebareba ty hanoae valefate amy iareo ze tsy mahay an'Andrianagnahare naho amy iareo ze tsy nanoigne ty talily soa i Jesosy Tompontika. ⁹ Iareo le hijale amy ty amy ty hmoeza ty fandrebahagne mandrakizay lavitsy ty fagnatreha i Andriantompo naho ty voninahy ty herie. ¹⁰ Hanao zay reke naho fa avy amy andro zay mba hagnomezagne ty oloe voninahitse aze naho hilatsa iareo aby ze nino. Fa ninoagne ty nitsangana'ay vavolombelogne ama areo. ¹¹ Naho zay le mivavake sanandro avao hoanareo ka zahay. Mivavake zahay mba ho evà ty ho raesen'Andrianagnaharentika amy ty fitokavae nareo. Mivavake ho anareo zahay mba ho lefese'e amy ty hery ty fagniria areo ty hasoa naho ty asa ty finoagne aby. ¹² Mivavake hoe o raho reo zahay mba home areo voninahitsy ty agnara i Jesosy Tompontika. Mivavake zahay mba hagnomezae voninahitse anareo, noho ty fitahiantsoan'Andrinagnaharentika naho Jesosy Kristy Tompo.