¹ Amizao mahakasike i fotoagney naho i tognon-taogney, ry rahalahy, tsy mipay ndra ino ndra ino voasoratse ho anareo nareo. ² Fa nareo ambata areo mahafantatse soa fa ty andr o i Tompo le hoavy manahake o'mpangalatse halegneo. ³ Naho fa mirehake nareo, "Miadagne le milamigne," le fahapotehagne tampoke ty hoavy amy iareo. Hanahake o ampela mivesatse eo naho fa msamake aze. Tsy ho afake milay zane iareo. ⁴ Fa nareo, ry rahalahy, le tsy agnate ieke ao, le hahatratse anareo tampoke manahake o mpangalatseo ty andro. ⁵ Fa nareo aby le ana ty mipelapelatse naho ana i androy. Tsy ana ty halegne tika ndra ty maieke. ⁶ Naho zay andao tika tsy hiroro manahake o'ila'e reo. Fa teie, ao tika hiambegne le hamboa-piaigne ka. ⁷ Fa iareo miroro le manao zay amy ty halegne, le iareo mamo le manao zay avao ka amy ty halegbne. ⁸ Fa naho mbe ey iandroy tika, le tsy maintsy mamboa-piaigne, le miakanjo finoagne naho fiteavagne ho aro-tratra, le ty anto i famonjeagney amy ty hoavy ho fiarovagne ty lohantika. ⁹ Fa Andriagnanahare tsy nijibogne antika amy ty habosehagne, fa fahazoagne ty famonjeagne amy ty alala i Jesosy Kristy Tompontika. ¹⁰ I Reke nivilasy ho antikay, ndre mifoha tika ndre miroro, le afake mindre miaigne ama'e. ¹¹ Le naho zay nifampitretre nareop, manahake ty fa natao areo. ¹² Mangatake ama'arepo zahay, ry rahalahy, mba hagnekea'areo ze mikele aigne ama'areo naho ka ze mitondra anareo amy i Tompo le ze magnanatse anareo ka. ¹³ Mangatake anareo avao ka zahay mba hagnaja iareo am-piteavagne naho ty asa iareo. Milongoa amy ty vata'areo nareo. ¹⁴ Magnorike anareo zahay, ry rahalahy, mampitandrema o fikorontagnagneo, tambetambezo ze tsy mahefa, ampeo ze maleme, miareta amy ze kila raha. ¹⁵ Io tsy misy ndaty mamale raty ndra ama ia ndra ama ia. Faie, paiavo ty soa naho ze fanjaka hoy ty ndaty iabike. ¹⁶ Mifalea lomogn'andro. ¹⁷ Ko ajanogne ty mivavake. ¹⁸ Isaoro ze kila raha. Fa zay ty sitrapon'Andriagnanahare am'i Jesosy Kristy ao ho anareo. ¹⁹ Ko vonoegne ty fagnahy. ²⁰ Ko atao raha fahatane ty fiotokiagne. ²¹ Andramo abike ze kila raha. Tano mafe ze soa. ²² Afaho ty fiboaha ze raty aby. ²³ Andriagnahare ty fiadanagne lonike hagnamasigne azo vata'e. Ao soa ty fagnahy areo aby, ty aigne, naho le ty vatagne le hajao tsy hanan-tahigne amy ty fiavia i Jesosy Kristy Tompontika. ²⁴ Matoky reke mitoka azo, i Reke raike avao ty manao zay. ²⁵ Ry rahalahy, mivavaha ho anay avao ka. ²⁶ Salamao amy ty oroke masigne ty ze rahalahy aby. ²⁷ Mangatake ama'areo am'i Tompo raho mba ho vakiagne amy ze kila rahalahy ty taratasy toy. ²⁸ Lonike ho ama'areo ty fitahiantsoa i Jesosy Kristy Tompontika.