¹ I Paoly, naho Silasy, naho i Timoty hoe ty fiangonagne Tesaloniana aman' Andrianagnahare Rae naho i Jesosy Kristy Tompo. Le ho ama areo ty Fiadanagne naho ty Fahasoavagne. [ Fagnamarignagne: Ze dikan-drehake ila'e ntaolo le vakiegne te hoeke: "Ho ama areo ty fiadnagne naho ty fahasoavagne boake aman' Andrianagnahare Rae navaho Jesosy Kristy Tompo."] ² Magnomey fisaoragne aman' Andrianagnahe isan-kariva zahay noho ty ama areo iaby, naho le magnomey anareo vavake. ³ Tsy mitsahatse ty mahatiahy anareo aman' Andrianagnahare Raen-tika zahay naho ty asa ty finoa areo, ty asa ty fitiava areo, ara fatokisa areo maharetse ho avy ama i Jesosy Kristy Tompon-tika ao ⁴ Ry roahalahy nisohen' Andrianagnahare, fanta'ay fa Jinobo'e nareo, ⁵ naho le tsy niavy ama areo an-drehake avao ty fitoria ay, fa tama ty hery ka, naho le tama ty Fagnahy Masigne, ara ty fahatokisam-bey. Manahake izay, inareo ka le mahafantatse te ie ndaty manao akore izahay io te ama areo naho ama areo. ⁶ Nanjare nanahake anay naho vaho i Tompo nareo, tama ty nandraesa areo ty saontsy ama ty aly soratse bey naho tama ty fifaleagne avy ama ty Fagnahy Masigne. ⁷ V Voka izay, nanjare ohatse hoe ty maro ze mino a Makedonia naho Akaia ao iareo. ⁸ Fa nipoetse ama'areo ty nampiboahagne ty saontsy i Tompo, naho le tsy ta Makedonia naho Akaia ao avao. Fe ie, tama hene tanagne ty nieleza ty saontsy naho ty finoa areo aman' Andrianagnahare. Ty voka izay, le tsy mila mirehake tika ndre ino ndre ino. ⁹ Fa iareo avao ro magnambara ty fahazoagne niazo'ay tama iareo. Iareo le nagnambara ty fomba nitoliha'e aman'Andrianagnahare naho le nisintaha'e ty aoly mba hanompoa'e an' Andrianagnahare velogne naho maregne. ¹⁰ Iareo le ninday fa inareo le mandigne ty Ana'e boake an-dagnitse, ie nivagnom-belogne. Le i Jesosy, ie ty nagnafake antika ama ty havigneragne ho avy.