¹ Noho izay le ario ze raty iaby, ty fahadisoam-panantenagne iaby, ty fiatsaram-belatsihy, ty fagniriagne, naho ty fagnenjekenjehagne iaby. ² Manahake ty ajaja vao nasamake, magniro ronono ara-pagnahy malio, mba hahafaha'areo mitombo amy ty fagnavotagne ao amy ty alala'izay, ³ naho mahatsapa nareo te soa fagnahy ty Tompo. ⁴ Magnantogn'Aze i vato velogne'y ze naria'o ndaty, fe ie voajobon'Andrianagnahre ho manan-danja Ama'e. ⁵ Inareo avao ka le manahake'o vato velogne'o ka ze voaoregne ho tragno ara-pagnahy, mba ho mpisorogne masigne ze manolotse ty sorogne ara-pagnahy eken'Andrianagnahare amy ty alala'i Jesosy Kristy. ⁶ Ty Soratse Masigne leahatreavagne izao: "Ingo, Iraho mipetrake amy ty Ziona vato fehizoro, voajobo naho manan-danja. Ze iaby mino azy le tsy ho megnatse." ⁷ Ty volonahitse noho izay le ho anao ze mino. Nefa, "ty vato naria'o mpagnorigne tragno, izay le lasa loha'ty fehizoro" ⁸ naho, vato mahatafintohigne naho vatolampy mahatonta. Tafintohigne iareo, tsy nagnarake ty saontsy, ze voatokagne hoe iareo ava ka. ⁹ Fa irehe le ndaty voajobogne, mpisoro'ty mpanjaka, firenena masigne, ndaty hoe ty fanagnan'Andrianagnahare, mba ho afake hitalily ty hasoa'o asa'i raike ze nitoka azo'y boaka tamy ty iegne tao ho agne amy ty fahazavagne mahalatsa rehe. ¹⁰ Tsy ndaty rehe taloha, nefa henanik'izao rehe le ndatin'Andrianagnahare. Tsy nandrambe famindram-po rehe, fa henanik'izao rehe nandrambe famindram-po. ¹¹ Ry mameko, mitoka anareo manahake'o vahiny naho mpirererere raho mba hifaly ty filà'ty nofotse, i ze mahavy aly manohetse ty fagnahi'areo. ¹² Toko'e hanagne fagnahy soa nareo ama'o Jentilisa reo eo, mba ho, naho mirehake mahakasike anareo ho nanao rah raty iareo, le toko'e hahatrea o asa soa'areo reo naho hankalaz an'Andrianagnahare amy ty andro ze hiavia'e. ¹³ Ekeo ty fahefa'ty olombelogne iaby noho ty ami'i Tompo. Ekeo manahake ty ambony vata'e ty mpanjaka, ¹⁴ naho'o goverinora reo ka, ze nalefa mba hagnasaze o mpanze raty reo naho hankalaza o manao ty soa reo. ¹⁵ Fa izay ty sitrapon'Andrianagnahare, amy ty fanaovagne ty soa anareo le nampitsigne ty rehake tsy mahafntatse fomba'ondaty gege. ¹⁶ Manahake ty maha'o-ndaty vototse, ko ampiasagne hanahake ty fanarognagne fahalemeagne ty fahafaha'o, fa ao mba hanahake ty mpanompo n'Andrianagnahare. ¹⁷ Omeo volonahitse ze kila'o ndaty. Tiavo ty firahalahiagne. Matahora an'Andrianagnahare. Omeo volonahitse ty mpanjaka. ¹⁸ Ry mpanompo, mimetia hagneke ty tompo'areo amy ty kila fagnajagne iaby. Ko magneke ho mpanompo'ty soa naho ho tompo soa fagnahy, fa hoe'o raty fagnahy reo avao ka. ¹⁹ Satria mendri-pideragne ze raha misy miaritse fanaintaignagne naho fa mijaly amy ty tsy rari'e noho ty fagnantena'e an'Andrianagnahare. ²⁰ Fe ie hoatriano ty vola naho manota nareo naho miaritse tagnate ty fagnasaziagne anao boakeo vao? Fe ie naho nanao ty soa rehe naho miaritse tagnate ty fagnasaziagne anao, le mendri-pideragne amin'Andrianagnahare zay. ²¹ Fe ie noho itoy ro nitokavagne anao, satria i Kristy avao ka le nijale ho azo. Nagnenga ohatse ho azo Reke mba hagnarahagne ze lala'e. ²² Tsy nanota Reke, na hoe nisy fitaka ty tam-palie'e teo. ²³ Naho fa nirehafagne raty Reke, le mba namaly raty. Naho fa nijaly Reke, le tsy niboseke, fa nanolotse ty tegna'e tama'ty raike ze Mpitsara am-pahamaregnagne. ²⁴ Ireke le nanday ze hakeontika tamy ty tegna'e tao ho ambony hozo eo, mba tsy hanagne anjara amy ty hakeo sasa tika, naho mba hiaigne hoe ty fahamarignagne. Tamy ty alala ty ratse'e ro nahasitragne anareo. ²⁵ Nirererere manahake ty aondry montso nareo iaby, fe ie henanik'izao nareo nimpoly tamy ty mpiarake aondry naho mpiambegne ty fagnahi'areo.