1 Naho intoa reo mpanjaka ty tane, rese reo lahilahy Israely. Nalae reo Israelita ty harea ty tane tane amity ilane antignana Jordana ty hivakia ty andro, nanomboke teo amity baibon-driake Arnona zisikamity vohitse Hermona, naho ty ArABA iaby zisikagne antignana. 2 Sihona, mpanjaka ty Amorita, le nitoboke tagne Hesbona. Nanjaka zisikagne Aroera, ze eo amity sisy Harambato Arnona bakeo agnivo ty baibo re, naho ty antsasa Gileada mitsororoke zisikagne amity rano Jaboka agne amity sisin-tane Amonita. 3 Nanjaka tamy Araba zisikagne amity riake Kinerota kea ty Sihona, zisikagne antignana, zisikagne amity riake Araba (Rian-tsira) antignana, ty lala iaby zisikagne Beti-jesimota vaho antimo, am-poto ty Vohitse Pisga. 4 Oga, mpanjaka i Basana, raike amity Refaima sisa, le nitoboke tao Astarta vaho Edrehy. 5 Nanjaka tamity vohitse Hermona, Saleka, naho Basana iaby, zisikamity faritane ty vahoake Gesorita vaho ty Makatita re, naho ty antsasa Gileada, zisikamity faritane Sihona, mpanjaka Hesbona. 6 Nandrese iereo Mosesy mpanompo Yaveh, vaho ty vahoake Israely, naho Mosesy mpanompo Yaveh, ro nanolotre ty tane ho fanagna reo Robenita, vaho Gadita, naho ty antsasa-poko Manase. 7 Toa reo mpanjaka ze rese Josoa vaho ty vahoake Israely tagne ahandrefa Jordana, nanomboke tao Bala-gada ao amity baibo agnila Libanona zisikagne ambohitse Halaka agnila Edoma. Nagnomea tane ho ahy reo foko Israely Josoa mba ho fanagna iereo. 8 Nameane iereo ty tane tazoa, reo tane gebo, ty Araba, reo sisy reo vohitse, ty tane efetre, naho ty Negeva__le ty tane reo Hetita, Amorita, kananita, Perzita, Hivita, naho reo Jebosita. 9 Reo mpanjaka le ahisaha ty mpanjaka Jeriko, ty mpanjaka Ay ty eo agnila Betela, 10 ty mpanjaka Jerosalema, ty mpanjaka Enaima, 11 ty mpanjaka Jarmota, ty mpanjaka Lakisy, 12 ty mpanjaka Eglona, ty mpanjaka Gazera, 13 ty mpanjaka Debira, ty moanjaka Gadera, 14 ty mpanjaka Horma, ty mpanjaka Arada, 15 ty mpanjaka Libna, ty mpanjaka Adolama, 16 ty mpanjaka Makeda, ty mpanjaka Betela, 17 ty mpanjaka Tapoa, ty mpanjaka Hefera, 18 ty mpanjaka Afeka, ty mpanjaka Lasarona, 19 ty mpanjaka Madona, ty mpanjaka Hazora, 20 ty mpanjaka Simrona-merona, ty mpanjaka Aksafa, 21 ty mpanjaka Tanaka, ty mpanjaka Megido, 22 ty mpanjaka Kadesy, ty mpanjaka Jokneama, 23 ty mpanjaka Dora, ty mpanjaka Goyema agne Gilgala, 24 naho ty mpanjaka Tirza. Raike ambifolo ro isa ty mpanjaka iaby.