1 Tamity tao niavia Tartana tao Asdoda, laha fa nagnirake aze ty Sargona mpanjaka Asiria, le nialy tamy Asdoda re naho nangalake zay. Tamize andro zay Yaveh le nirehake tamy Isaia anadahy Amoza naho nanao ty hoe:" Mindehana naho afaho ty lamba fandala egne amity andilanao vaho ty kapa egne atombonao." Ka nataone zay, nindeha tsy nisiky vaho tsy nikapa. 3 Hoe Yaveh ty hoe:" Manahake ty nindeha Isaia tsy nisiky vaho tsy nikapa zisike ty telo tao, le famantara vaho talily mikasike i Egypta vaho mikasike i Etiopia zay__ 4 amize fomba zay ro hitariha ty mpanjaka Asyria reo babo Egypta, vaho reo sesen-tane Etiopia, kolo vaho antetre, tsy misiky vaho tsy mikapa, naho miarake amity voly tsy misaro, ho amity hamegnara Egypta. 5 Hatahotre vaho ho megnatre iereo, satria nalae Etiopia ty fagnategna iereo naho nalae Egypta ty hasy iereo. 6 Amize andro zay ty vahoake reo sisin-tane reo le hanao ty hoe:'Loharano ty fagnategnanay kea zay, ze nilaisanay mba hipay fagnampea ho voaavotre amity mpanjaka Asyria, naho amizao, akore ro hahafahanay milay?"'