¹ Gu ngoyi yi gilumbu gi guhululuga,mu gilumbu gi lumingu mu musuga-musuga,Madiya magadala ye Madiya wuna weega bendi dala madjamu. ² Tswalu,manu manigagani ngolu;wandjio wu moshi wu fwumu Gahungu wu dugi gu yilu,gi tshi gulumuga,ga gadudi daadi dina di gadi gu ganu di madjamu,bwoona ga gadi ye londi di daadi. ³ Ga moniga nga nzatshi,miledi miandi keega mi gadi pembi shela. ⁴ Dangu ba pumbulu di ba mudadi,ba yandigi gu degida ye booma bu vula,bwoona ba gumi nga baadu ba gu fwaa. ⁵ Wandjio ga ledi bakedu mbi:''loo gu yugani booma,mudiambu yi bayaba mbi lu ba dinga Yesu wuna wu ba shi ye londi di kulundji. ⁶ Loo geedi yaa,Gahungu wu mu niamugishi mu lufwaa nga bu gayagudi.Yi zaa lu dala gihani gi ga gadi wu gunimba. ⁷ Ndani lu lela balongogi bandi mbi:'Gahungu wu muniamugishi mu lufwaa,bwoona dangu di,wu lu deedigidi gu gadileya;'lu mu dalagi gwooguna!''Maa meedi mapandi ma yi gadi Maa mu gu lu lela. ⁸ Bwoona ba gadugi tswalu ye madjamu;ba gadi mu booma,haa ba gadi mu gieshi gi vula keega,bendi tswalu mudiambu yi gu yabigisa balongogi bandi. ⁹ Mu mbala yi moshi,Yesu gi tshi bawanina;ga ba ledi mbi:''mbodi yi binu bakedu ba finamani gwedi ndi,ba gami milu miandi,bwoona ba musambidi. ¹⁰ Dangu di,Yesu ga ba ledi mbi:''loo gu yugani booma.Ndani lu lela ba pangi ba binu mbi benda gu gadileya;ba talagi guna. ¹¹ Dangu di gadugi bakedu ye madjiamu muni gwenda,ba pumbulu bana ba dalaga madjiamu,beega mu kadi ga baa bitshi vuduga gu bula,bwoona ledi ba mbuda nganga ba Gahungu mapandi mana mootsu mabii. ¹² Ba mbuda ba ngangi ba Gahungu ye ba mbuda beega ba wanagani;dangu di ba wanagani gu hwii,ba fudi ba pumbulu bana mbongu dji vula, ¹³ bwoona baa ba ledi mbi:"lu fani yagula mbi:'Yesu'balongogi bandi bitshi yiba mvumbi mu kadi ga piba,dangu di du nimbi.' ¹⁴ Bwoona mbi bu ga yugi mpandi maa,bu du mudendudila pimbu-pimbu;buna loo lu dala buulu.'' ¹⁵ Ba pumbulu beeni ba sendi mbongu,ba hangi bu ba ledi ba mbuda.Dji djiedi tsangu dji bayuda dji ba mwangaga tii leelu di. ¹⁶ Balongi bana ba gumi wu moshi bendi gu manu ma Gadileya,gu mundonda wuna wu ba ledi Yesu mu gwenda. ¹⁷ Dangu di bitshi mudala,ba musambidi,haa beega mu kadi ga baa gaba godi mu mbundu moodi-moodi. ¹⁸ Yesu ga finamani gwedi baa mbi:''Gahungu wu peegi giyega gwootsu gu yilu ye yaa yelondi di manu. ¹⁹ Ndani,lu hanga mu gifudi giootsu,lu bodiga baadu mu djina di dada,wu mwaana ye wu muhunga wu gedila. ²⁰ Longi wu gu mbudi gambudi biootsu bi ga ba lela mu gu hanga. Ye dala,yedi ye binu gilumbu giootsu,tii gutsuga yi gifudi.