¹ Dangu di yagudi Yesu mapandi mana ma hwii,ga gadugi gu gifudi gi gadileya,gendi gu gifudi gi yudeya gu mashina ma nzadi yi yuludani. ² Gi baadu ba vula beendagi mu gu landa ye mu gu ba hulusa. ³ Bafadishi beega bitshi mu gui meega ba mu ledi mbi:"landila mitshigu mi pidu,muudu wu fani shisa mukedu handi mu gosu mapandi mana mambii ma ga hangi?" ⁴ Yesu ga yagudi mbi:"loo gedi lu dangi mu miganda mbi muudu wuna wu yidigi yandiga lu yandigu,ba gadi mukedu ye bagala? ⁵ Ye gayagudi mbi:"mu giguma giagina,bagala ga shisa dada ye ngudi wandi ye ga gangamana ye mukedu wandi,ye ba boodi ba giduga luudu lu moshi?" ⁶ Diadina,loo bedi keega baadu boodi,haa luudu lu moshi lwooluna,bina bi vugishi Gahungu,muudu loo ga fani gabula.'' ⁷ Ba mu ledi:"haa mudfiambu di kii Mososhi ga du ledi mu gu hana miganda mi gu zuwa wala ye mu gu heega muganda?" ⁸ Ga ba ledi mbi:"mudiambu lwedi mbundu bu guba Mososhi ga lu hegi ndjila mu gu gabulagana ye bakedu,haa mu gu yandiga loo gu gadi buna.'' ⁹ Yi ba lu lela mbi:"gosu wuna wu yambudi mukedu wu gu gonda pandi yi binzumba mu kadi ye wu mooni mukedu weega,muudu wuna wu hangi binzumba.Ye muudu wu mooni mukedu wu ba yambudi keega wu hangi binzumba.'' ¹⁰ Ba tumwa ba ledi Yesu mbi:"mbi gwedi bwoona gwedi ye bagala ye gwedi ye mukedu,loo gwedi pimbu mu gu moona.'' ¹¹ Haa Yesu ga ba ledi mbi:"loo gwedi mbi baadu bootsu ba fani gumbusa malongi mana,haa mudiambu ye bana beedi manunga ma gubagisa mapandi. ¹² Mudiambu gwedi ye ba gobu ba budugi yandiga mu mazumu ma ba ngudi ma baa,ba gobu beega ba bagidudi gwedi baadu beega,gwedi ye beega ba di gidudi bagobu ba beeni mu giguma gi gifwumu gi yilu.Yambula mbi wuna weedi ye fwunu gi guyaba ga yaba. ¹³ Dangu di bitshi mu nedila baana ba bageegi mbi ga ba saa mioogu ye gu basambila,haa ba tumwa loo ba zolagi. ¹⁴ Ye Yesu ga yagudi mbi:"hanani ndjila gwedi baana loo gu ba gangani ndjila,mu gwitsa gwedi mi,mudiambu gi fwumu gi yilu giedi nga baadu bana ba baba fani.'' ¹⁵ Ga ba shi mioogu gu ngoyi ga gadugi yana. ¹⁶ Dala muudu wu moshi gitshi gwedi Yesu ye ga yagudi:"longi,buni yi fani hanga mu gu bonga mooni wu mvula ye mvula?" ¹⁷ Yesu ga mu ledi mbi:''kii wu ba nzufudidi gima gi pimbu buna?Wu moshi buna weedi pimbu,haa mbi bu zodi gu senda mooni,djidisa mitshigu.'' ¹⁸ Muudu wuna ga mu ledi mbi:''kii mitshigu?''Yesu ga yagudi mbi:"loo gu zuwa,loo gu hanga gindumbu,loo gu yiba,loo gu yagula pandi yi bu pala,loo gu yindudila muudu pandi yi ga gondi hanga, ¹⁹ djidisa dada ye ngudi woogu,ye zola ba pangi bagu nga bu wu di zolaga ndi beeni.'' ²⁰ Ngunza wuna di ga mu ledi:'bima bina biootsu biedi bi mbii hangaga.Kii keega biega yi fani hanga?" ²¹ Yesu ga mu ledi:"mbi bu wu zodi gu giduga muudu wu pimbu,dangu di deega bi wu fugi ye hana bongu di wu deegi gwedi ba tsugami bwoona wu gala gimvwama gu yilu.Gu ngoyi,yi zaa witsa wu ndanda mi.'' ²² Haa,ngunza wuna di ga yugi bu yagudi Yesu,gendi mu kenda,mudiambu ga gadi ye bima bi vula. ²³ Yesu ga yagudi gwedi ba tumwa bandi mbi:''yi ba lu lela gu mukiediga,gwedi pashi gwedi muudu wuna weedi ye gi mvwama mu gu goda mu gifwumu gi yilu. ²⁴ Yi ba lu lela mbi,loo gwedi pashi gwedi mbitshi wuna wu neeni mu gu goda mu ndjila yi shindani,loo nga muudu wuna wu mvwama mu gu goda mu gifwumu gi yilu gi Gahungu. ²⁵ Dangu di ba tumwa ba yugi bima bina,ba yidugi ye ba yagudi mbi:"naa wu fani huluga.'' ²⁶ Yesu gaba dadi ye ga yagudi mbi:"pashi gwedi baadu,haa gwedi Gahungu bima biootsu bihangamanaga.'' ²⁷ Diadiana Piela ga vududi mbi:''dala,pidu du yambudi biootsu mu gu gulanda ndji,kii du senda baa?" ²⁸ Yesu ga ba ledi mbi:"yi bas lu lela gu mugiediga,binu lundandi mu mvula magwitsa.Mbi mwaana Gahungu ga shigumuga ye gidi giandi gi lugumu,binu keega bu lushigumuga ye londi di bidi gumi ye boodi,bidi bi gifwumu,muni sambisa biganda bi Yishiledi. ²⁹ Muudu wootsu wu yambudi nzu yandi,ba pangi bandi ba ba bagala,ba kedu,dada wandi,ngudi wandi,ye baana bandi mbi loo lupangu lwandi mu gi guma giami,ga senda bima bivula ye ga senda mooni wu mvula ye mvula. ³⁰ Haa bavula bendi bateegu ba guma ba wu tsuga,ye bavula beedi ba wu tsuga ba guma ba teegu.