¹ Gu gadi gilumbu gi guhululuga Yesu galuda mu mangundu ye balongugi beenda dabula ndumba dji ble beenda dji bulaa ye gue dji dia. ² Haa bafadishi beega ba yufudi mbi:<> ³ Yesu ga ba vudidi mbi:< ⁴ Ga godi mu nzu yi bisambu yi Gahungu,ga boongi ma paa ma magabu,ga di ye baadu baandi,ma paa mana mudu wedi ye giyega gi gudia mbuda di bundu buna.>> ⁵ Ga baledi:muana mudu gedi fumu wu gilumbu gi guhululuga. ⁶ Gilumbu giega gi guhululuga,Yesu ga goodi mu nzu yi bisambu yi ba yuda guna ga yandigi gulonga baadu.Gu gadi guna ye mudu wu moshi googu diandi di gi Dada digaadi gifu. ⁷ Ba longi ba tsigu ye ba fadishi ba dinga pila yi gufunda Yesu mbi bu ga gindishi mudu wuna mugilumbu gi guhululuga,ya yena ba dinga gi guma gi gumufu ndila mbi wu hangi mapandi mambi. ⁸ Bugayabi mabanza ma baa,ga lendigi mudu wuna wu gadi gogu di gifu mbi:niamuga ma nina ye kadi ga baadu bootsu.>>Ya yena mudu weni ga niamugi ga manani ye kadi. ⁹ Yesu ga ba ledi:<< yi ba luyufula guedi pimbu guhanga ma pimbu mu gilumbu gi guhululuga mbi loo guhanga ma mbi, mugu hulusa moni wu mudu mbi loo gu yambula wu fwii?>> ¹⁰ Ga balumuni misu guedi baadu bootsu,ga leshi mudu wuna wu gogu di gifu mbi:< ¹¹ Baadu ba yugi kabu,ba yandigi gu nguna-nguna baa ye baa mugu dala mbi kidu fani hanga guedi mudu wu Yesu? ¹² Gu gadi gilumbu gi Yesu gi genda mu mundonda mu gusamba Gahungu,ga hangi piba yotsu mu gusambila. ¹³ Dangu guma dii gutshii,ga lendigi balongogi bandi ga yandigi gu ba sola ga soodi gumi ye boodi ga bahegi ndjina batumwa. ¹⁴ Madjina ma batumwa magadi:Shimoni wuna wu ga hegi djina di pedelu,Andele,pangi wandi,Yagobu,Yowani,Badidolomi, ¹⁵ Matayi,Tomashi,Jagi,Yagobu mwana Alufeyi,Shimoni,wuna wu balendigaga zelodi. ¹⁶ Yudashi,mwana ya gobu,ye Yudashi ishikadi yoodi wuna wu gumi mutsubi. ¹⁷ Buoona,Yesu ga gulugi mu mundonda ye batumwa ga manani ye gi bwishi.Guna gu gadi ye ba longugi bandi bavula ye baadu beega bavula ba yudeya,ba yeluzalemi ye bena ba dugi gu ndambu di mayanga matidi ye Shidoni. ¹⁸ biitshi muguyuga ye mugu ba gindisa bikashi bi baa.Bena kega bagadi ye mihunga mi mbi bu bagindi. ¹⁹ Baadu bootsu ba dinga gugama shi muledi wandi mudiambu guedi ye ngolu di dugaga guedi ndi ba gindi bootsu. ²⁰ Dangu di ga niamugishi mbunzu guedi ba longugi,Yesu ga baledi mbi:< ²¹ Gieshi,guedi binu luedi nzala dangudi bu liquidation.Gieshi guedi binu lu badila dangu di,bu luseya. ²² Gieshi guedi mbi baadu ba balugulumisa ba mbeni ba baa,mbi ba baluduna mugimvuga gi baa,mbi ba baluduga,ye mbi ba balulendiga baadu ba mbi mu gi guma gi muana mudu. ²³ Yangalalani mu gilumbu gina lemugani ye gieshi,mudiambu lufudu lu binu lu gala lu neni gu yilu.Mupila ya yina ba kaga ba baa ba hanga guedi ba mbigudi. ²⁴ Haa kenda guedi ba mvuama!mudiambu gieshi gi binu ludadi gumuaga. ²⁵ kenda guedi binu luyugudi dangu di mudiambu nzala yi lugama.Kenda guedi binu lu baseya dangu di!mudiambu lu gala ye mafua buludila. ²⁷ Haa yi ba lulela binu baadu luba nzuga,dzola ganani ye bambeni ba binu,hangani mapimbu guedi baadu beena ba luyinaga. ²⁸ Sagumunani bana ba lushinzaga,sambani mudiambu ye bena ba luniogulaga. ²⁹ Mbi mudu bugagubudi mudama di moshi,mu hega kega dama diega.Mbi bugadudi muledi,loo gu mudunisa mugu bonga loobu diagu. ³⁰ Heganani wuna wu baludinga.Mbi mudu bugabongi gima giagu mungolu,loo gu dinga kega mu gu guvududila. ³¹ Hanga mapandi ma pimbu mana mawudzolaga ba guhanga. ³² Mbi ludzolaga buna baadu ludzolaga ki lusenda guedi baa? Mudiambu baadu bamasumu bahangaga buoobuna. ³³ Mbi lubanga mapimbu guedi baadu bana luhangaga mapimbu ki lufudu luedi luoo?Shi baadu ba masumu kega bahangaga kega bwoobuna. ³⁴ Mbi buludefishi guedi baadu bena buna bayilundulagagi mbi ba duvududila maguda mena ki fwunu yi gudinga matabishi?Shi baadu ba masumu kega ba defisagagi maguda guedi baadu bamasumu ba bavududilaga. ³⁵ Haa dzolani ba mbeni ba binu,ba hangani mapimbu.Ba defisani maguda,gu gonda gu yindula mbi ba duvududila;Mudiambu lubonga matabishi maneni binu lugalakega bana ba Gahungu.Mudiambu ndi kega gedi pimbu guedi baadu bana bavudulaga madonda ye guedi baadu ba mbi. ³⁶ Galani baadu nga Dada binu mweni kenda. ³⁹ Buoona Yesu ga ba dedi gingana gi moshi:"gi fwa misu gi fani neda gi fwa misu?Mbi bu gahangi,loo fani bwa ba boodi mu wulu? ⁴⁰ mwana nzu kanda loo ga fani luda longi waandi.Haa mwana nzukanda wuna wu longugi pimbu-pimbu mbi wu mani ga gala nga longi wandi. ⁴¹ Mudiambu di ki gudala gima gina giedi mudisu di pangiagu,haa loo wu badala fududu yina yedi mudisu diagu? Buni wu fani yagula guedi pangiagu mbi:pangi wami,ginga yi gugadula gima gina giedi mu disu diagu!>> ⁴² Haa mbi loo wu badala gima gina gi neni giedi mudisu diagu ndji mueni bupala!gadula tegu mudi wedi mudisu diagu haa wu dala pila yi gu gadula mudi wuna wedi mudisu di pangiagu. ⁴³ Loo gwedi ye mudi wu pimbu wuna wu dagaga ndumba dji mbi,loo kega gwedi ye mudi wu mbi wu dagaga ndumba dji pimbu. ⁴⁴ Gosu mudi ga yabaganaga mu ndumba djiandi ga mudi ga ngangu loo ga dagaga ndumba dji mudi dji ba fiije mbi loo wa ndumba dji vinu. ⁴⁶ Mudiambu di ki lubandiga:"Fumu,Fumu"haa loo lubahanga mana ma yi ba lu lela. ⁴⁷ Mudu wootsu wu guitsa guedi mi,wu ba yuga mapandji ma mi,wu ba masadila, yi lu ledi mbi gedi nga mi. ⁴⁸ Ga fanagani nga mudu wuna wu dungi ndzu,ga shimi wulu di leya.Dangu di noga mvula mwetshi wuna wu yulagagi shi buga budi mu ndzu yina,loo yi fani gu nigana mudiambu ga yi dungi pimbu.