¹ Mu dangu di lungishi Tibedi sezadi mavula gumi ye danu mu gifwumu giandi,posu Piladu ga gadi fwumu wu gidini gi Yudeyo,Elodi ga gadi fwumu wu gidini gi Gadileya,pangi wandi Filipi ga gadi fwumu wu Yitidi ye wu Dalagodi,Luzaniashi ga gadi fwumu wu gidini gi Abideni, ² gu gadi mu dangu Hana ye Kayifa ba fwumu ba banganga ba Gahungu,ndaga yi Gahungu yitshi gwedi Yowani mwaana wu Zebedeyo mu gifudi gi maganga. ³ Gendi mu gidini gina gi gadi nzadi wu Yoludani,ga longagi gi bodamana,gu balumuna gu mbundu ye gu dinga pila yi gu matsa masumu. ⁴ Nga bu ba sonigi mu muganda wu mbigudi Yizayi mbi:"ndaga yi muudu wu ba saa milolu mu gadi ga tsegi:'yidigani ndjila dji fwumu ma nani djiga mawulu mootsu mu ndila yandi! ⁵ Biwanda biootsu bu biyudi sama ye manu,mi ndonda mi neeni ye mi digi-digi bu mi gulumuga,ndjila yi gondamani bu yi danduluga,ndjila yina yedi ye madadi bu magaduga, ⁶ Bwoona baadu bootsu bu badala buni ba sagumuga gwedi Gahungu.''' ⁷ Diadina Yowani ga yagula gwedi bana bitsa senda mbodiga ndi mbi:''binu ba talatshi baa naa wu ledi mu gu dina kabu dji ba gwitsa? ⁸ Budani kuna djina dji ba leshigisa mbi lubalumuni mbundu ye loo gu yindulani mbi:''dwedi ye dada wu pidu Abalahamu,''mudiambu yi ba lu lela mbi Gahungu wu fani gidula madadei baana wu hegi gwedi Abalahumu. ⁹ Wu yidigi gu mwaga soga mudiambu ye gu gesa migashi mi mudi.Bwoona mudi wootsu wu gondi buda ndumba dji pimbu,bu gesuga ye gu lumbamana gu mbaa.'' ¹⁰ Gu ngoyi gi diga gina gi yufudi Yowani mbi:"buni du fani hanga?'' ¹¹ Ga ba ledi mbi:"wuna wu fugi masumishi mioodi ga hega wuna wu gondi,wuna keega wu fugi madfongu ga hega keega wuna wu gondi madongu.'' ¹² Ba fudishi bitshi bodamana ye ba muyufudi mbi:"fwumu,pidu baa du hanga buni?" ¹³ Ga yagudi mbi:"loo gu sendani mbongu dji vula di ba kondi lu lela mu gu dinga gwedi baadu.'' ¹⁴ Bi pumbulu keega ba muyufudi mbi:"haa pidu baa?Du hanga buni?"Ga ba ledi mbi:"loo gu bongani mbongu dji baadu mu gi ngolu-ngolu,loo gu geshilani baadu mapandi mu bupala.Galani gieshi mu gi desu gina gi ba lu fudilaga mu gi desu gi binu.'' ¹⁵ Dangu dina baadu ba gi ngilagi gwitsa gu Kidishidu,ba yandigi gu diyufula gu mbundu mbi Yowani gedi Kidishidu. ¹⁶ Yowani ga ba ledi mbi:"yi ba luvidigisa mu mwetshi haa wuna wu ba gwitsa,wu ndudi mu ngolu,ye loo yi fani shi mu gu gangula biladu biandi.Ga luvidigisa mu muhungu wu gedila ye mu mbaa. ¹⁷ Gedi ye giyungulu mu googu diandi mu gu sola ndumba dji pimbu dji bule ye gu sega ndumba dji pimbu mu gi punga diandi.Haa mulengi,ga lemisa ye mbaa dwandi du gondaga djima. ¹⁸ Gu gadi keega ye malongi mavula ma pimbu malongagi,Yowani gwedi baadu. ¹⁹ Bwoona ga gadi muni yagula mapandi mambi ma hangi Elodi ma ga mooni mukedu mbuda wandi wuna wu fwii,ye mudiambu Elodi ga hangagi keega mapandi ma vula ma gondi pimbu. ²⁰ Ga lundi keega pandi yi gondi pimbu ga gangi Yowani mudangu mbada. ²¹ Yowani,di bodigi baadu bootsu ba hwii,ga bodigi keega Yesu.Dangu di sambagi Yesu,yilu di gangugi yiootsu. ²² Muhunga wu gedila wu gulumugi ye londi di mudu wandi nga dipombu.Ye ndaga yi dugi gu yilu mbi:"ndji wedi mwaana wami wu yi zolaga,yi dalaga gieshi gwedi ndji. ²³ Yesu ga yandigi gisalu giandi ye mamvula gumi ye dji dadu.Ba yaba mbi Yesu geedi mwaana wu Yizefu,Yizefu ga gadi mwaana wu Ediya,Ediya mwaana wu Mada, ²⁴ Mada wu Levi,Levi mwaana wu melegia,Melegia mwaana wu Nazaya,Nazaya mwaana wu Yizefu, ²⁵ Yizefu mwaana wu Madadiashi,Madadiashi mwaana wu Amoshi,Amoshi mwaana wu Nawomi,Nawomi mwaana wu Eshilia,Eshilia mwaana wu Nagayi, ²⁶ Nagayi mwaana wu Mada,Mada mwaana wu Madadiashi,Madadiashi mwaana wu Simeneyi,Simeneyi mwaana wu Zozegi,Zozegi mwaana wu Zodash, ²⁷ Zodashi mwaana wu zowana,Zowana mwaana wu Deza,Deza mwaana wu Zolobabele,Zolobabele mwaana wu Salatieli,Salatieli mwaana wu Edi, ²⁸ Nedi mwaana wu Mediki,Mediki mwaana wu Adia,Adia mwaana wu Gosami,mwaana wu Elimadayi,mwaana wu Edi, ²⁹ Mwaana wu Yesu,mwaana wu Eliyezedi,mwaana wu Zoremi,mwaana wu Mada,mwaana wu Levi, ³⁰ Levi mwaana wu Shimoni,Shimoni mwaana wu yuda,Yuda mwaana wu Yizefu,Yizefu mwaana wu Yonamu,Yonamu mwaana wu Ediyakimu, ³¹ Mwaana wu Meleya,mwaana wu Mena,mwaana wu Matata,mwaana wu Natamu,mwaana wu Davidi, ³² Mwaana wu Jese,mwaana wu Yobedi,mwaana wu Bowazi,mwaana wu Saala,mwaana wu Nasho, ³³ Mwaana wu Aminadabu,mwaana wu Adimini,mwaana wu Adini,mwaana wu Yezron,mwaana wu Perezi,mwaana wu Djuda, ³⁴ mwaana wu Djiagobu,mwaana wu Yisagi,mwaana wu Abalahamu,wu Tera,mwaana wu Nahodi, ³⁵ mwaana wu Sedugi,mwaana wu Rewu,mwaana wu Pelegi,mwaana wu Ebedi,mwaana wu Shelahi, ³⁶ Mwaana wu Kayinani,mwaana wu Adifazadi,mwaana wu Semi,mwaana wu Nowa,mwaana wu Lamegi, ³⁷ mwaana wu Matusalemi,mwaana wu Enoki,mwaana wu Yadeti,mwaana wu Mahaleleyeli,mwaana wu Kayinani, ³⁸ mwaana wu Enoshi,mwaana wu Seti,mwaana wu Adamu,mwaana wu Gahungu.