¹¹ Mu muganda wu Gahungu ba yagula mudiambu ye Yesu mbi daadi di binu ba maasho di lu matshi di gidugi daadi di fwunu. ¹² Baadu ba fani guluga kaga gwedi ndi,mudiambu Gahungu loo ga hegi baadu djina di muudu wega aya mugifudi dina di fani gu ba gulusa. ¹³ Gimvuga gi neeni gi bayuda ba yidugi ngolu dangu di ba daadi gigesa gi Piela ye Yoani,mudiambu loo ba bagisagi mbi beedi baadu ba Fwunu yi vula kega mbi ba longugi kega.Gu ngoyi bitshi yaba mbi bendagagi luda ndjila yi moshi ye Yesu. ¹⁴ Haa,bu badadi muudu wuna wu gindi,ga niamugi pena-pena ye baa,bwoona loo ga gadi shi pandi yi moshi yina yi ba fani yagula. ¹⁵ Dangu di,ba ba dushi gu djigu dina di ba yagudila mapandi,ya yena ba yandigi gu yagula baa ye baa. ¹⁶ Mbi:"kii du fani hnga baadu baa?"Mudiambu baadu bootsu ye Yelusalemi ba yabi pimbu-pimbu mbi baadu baa ba hangi mapandi ma moshi ma gu yiduga.Bwoona pidu loo du fani gu ma duna. ¹⁷ Haa du ba hemina ngolu lu delegu shi muudu wu moshi kega.Mapandi mu djina di Yesu.Bwoona tsangu di mapandi mana maa magonda pasagana gwedi baadu. ¹⁸ Dangu di,ba mu legi kega ya yena ba ba leshi mbi:"loo gu longa kega,loo gu yagula kega mapandi mu djina di Yesu. ¹⁹ Haa,Piela ye Yoani ba baleshi mbi:"yindulani teegu,gu misu ma Gahungu pidu kii du fani hanga,du fani lemvuga gwedi binu,mbi loo gwedi Gahungu. ²⁰ Haa pidu,loo du fani yambula mu gu yagula mudiambu ye mapandi maa ma du yugi ye ma du dadi. ²¹ Dangu di mvuga gi neeni gi baadu ba badungigi kega gi vula,ye yaa ba bayambudi mu gwenda ye loo ba badadi pila yi gu ba hega ndola,mudiambu baadu bootsu ba hegagagi lugumu gwedi Gahungu.Mudiambu ye mapandi mana ma ba hangi. ²² Muudu wuna ga gindi mu pila yina yi gu yiduga ga gadi ye mvula magumi maya ye ndambu. ²³ Dangu di bambudi Piela ye Yoani gwedi ba pangi ba baa,ya yena ba bayabishi mapandi mana mootsu ma ba leshi ba mbuda badibundu ye bana bega. ²⁴ Dangu di ba yugi mapandi mana ma baleshi Piela ye Yoani,ba bootsu ba sambidi Gahungu mu gimvuga mbi:"Fwumu,ndji muudu wu hangi yilu ye manu ye nzadi mungu,ye bima biootsu bina bi biaa. ²⁵ Ndji wu leshi muhunga woogu mu gu du lesa kaga Davudi,muudu wuna wu sadila mu gu yagula mapandi maa:mudiambu di kii baadu bana ba gondi bayuda ba badisaa?Mudiambu di kii baadu ba ganaga mapandi ma pamba-pamba mudiambu di baadu bega? ²⁶ Ba todila ba gifudi gi ba yilami mudiambu di gu nwana bidumba.Ba fwumu ba wanagani gi hani gi moshi mudiambu di gu nwanisa Fwumu Gahungu ye Mesiya wandi. ²⁷ Mu mukiediga Erodi Antipashiye Posu Piladu ba vugani ye bula dina ye banzendji baadu ba biganda bi Yishiledi mudiambu di gu hanga mapandi ma mbi gwedi muudu woogu wuna Yesu wu sadilaga ye wu wusoodi mu gu gala Mesiya. ²⁸ Ya yena ba hangi mapandi mootsu mana ma wu gani tegu gu twala mu ngolu djagu ye luzolu lwoogu. ²⁹ Bwoona,Fwumu,dala pila yi ba ba dubangiga bwoona,du hega gi gesa giootsu gi guyabisa tsangu djiagu gwedi baadu. ³⁰ Dandumuna googu diagu mudiambu di gu gidisa baadu ye ba hanga mapandi ma gu yiduga mu djina di muudu woogu Yesu wu sadilaga. ³¹ Dangu di lu sambi Gahungu gu hwii,gi hani gina gi ba wanaganaga gu nigani.Ba bootsu ba yudi ye muhunga wu Gahungu,ya yena ba yandigi gu yabisa tsangu dji Gahungu ye gigesa giootsu. ³² Baadu ye gi mvuga gi ba kishidu mabanza ma moshi ye mbundu yi moshi.Shi muudu wu moshi loo ga yagudi mbi bima biandi kaga,haa ba gabaga bima bi baa biootsu mu kadi ga baa. ³³ Mu ngolu dji vula ba tumwa ba hangisagi pila Gahungu ga niamugishi Fwumu Yesu mu lufwaa.Ya yena Gahungu ga ba hegi lu sagumu lu neeni. ³⁴ Shi muudu wu moshi loo mu kadi ga baa wu gadi tsugami,mudiambu baadu bootsu bana mu kadi ga baa ye londi di gifudi gi baa,mu manzu ma baa ba degagagi mbongu djiootsu ba needagagi. ³⁵ Ya yena ba hanagan gwedi ba tumwa.ba gaba gosu muudu mu pila yandi yi gedi yaa fwunu. ³⁶ Gu gadi muudu wu moshi djina diandi Yizefu,wuna wu ba tumwa wu balendigagi kega Badinabashi:di songa mbi muudu wuna wu hegagagi baadu gi gesa.Ga gadi muudu wu giganda gi Levi,ga budugi ye yanga di Shipre. ³⁷ Ga gadi ye ngundu,ga degi ya yena ga hani mbongu gwedi ba tumwa.