¹ Noho zay, ry rahalahy malalako nahamany Ahy, fifalia ho ahy voho satro-boninahitsiko, aminizay la mijoroa soa Amy Tompo, nareo namako malala. ² Miangavy an' i Eodia Zaho, miangavy an'i Syntyke, mifandresa say amy Tompo. ³ ka mangataky aminao avaokoa aho, ry namako mpitambatry zioga: Ampio ampela reo. Fotony reo ro niaraky niasa tagnamiko tamy fagneleza gny filazantsara niaraky tamin'i Klementa sy reo sisa nama mpiaraky miasa amiko iaby,ze fa aminy bokiny fiaina gny agnarandreo. ⁴ Mifali avao amy Tompo. Hoy avao aho, mifalia. ⁵ Engao ho haign'olo iaby gny fahamoram-ponareo. ⁶ Fa akaiky gny Tompo. Ka magneky na amign' ino na amign'ino. Fe koa, amy raha iaby aminy alalany vavaky sy fangataha, miaraky amy fisaora, engao gy fangatahinareo ho hain-Dragnahary. ⁷ Gny fiadagnan-Dragnahary, zay mihoatsy gny fahalala iaby, hiaro gny fonareo voho gny fisaignanareo iaby aminy Kristy Jesosy. ⁸ Farany, ry rahalahy, na ino na ino marina, na ino na ino manan-kaja, na ino na ino gnara- drariny, na ino na ino ro malio, na ino na ino mahafinaritsy, na ino na ino gnambara fa soa, laha misy na inona ino ro tegna soa, laha misy na ino na ino tokony ho deray, ro mihevitry any raha iaby regny. ⁹ Reo raha reo ze nianaranareo sy nirambesinareo sy nijanjigninareo sady hitanareo tagnamiko, ataovy raha regny ,gny Zagnahariny fiadana hiaraky aminareo. ¹⁰ Mifaly mare amy Tompo Aho fotony navaozindreo avao hananikizao gny fiheveranareo Ahy. Fa nihevitry ahy tokoa nareo taloka teo, fa tsy nisy fahafaha ho anareo mba hagnampy. ¹¹ Tsy mivola anizay aho fotony agnatiny tsy fahampia. Fa nianatry hifaly aminze toe-jaha miseho iaby aho. ¹² Haiko gny hoe mijaly sady haiko koa hoe mana maro. Amy fomba iaby sy amy raha iaby ro nianatsy gny tsiambarantelo gny fihinanam-be sy gny mosary aho, sady gny hoe mana maro sy gny hoa agnatiny tsy fahampia. ¹³ Afaky manao gny raha iaby aho aminy alalany gnazy mampatanjaky ahy. ¹⁴ Kanefa, nareo nanao gny soa tagnamiko tamy fasahiragnako. ¹⁵ Nareo Filipiana mahay fa tamy fagnombohany filazantsara, lafa nagnenga any Makedonia zaho, tsy nisy fiangona nanoha ahy laha gny mikasiky gny fagnomeza voho fandrambesa ankoatsy gnanao raiky. ¹⁶ Na tamy zaho tagny Tesalonika aza, nandefa fagnampia ho gnan'izay nilako mihoatsy gny ndray mandeha nareo. ¹⁷ Tsy hoe mila fagnomeza zaho. Fe, mila gny vokatsy ze mampiakatsy gny voninahitsy nareo zaho. ¹⁸ Nandramby any raha iaby reo zaho, sady mana maro. Fe feno zaho. Voaraiko baka amy Epafrodito reo raha iaby baka aminareo . Reo hagnatitsy magnim-pofo, ze fagnatitsy azo eke voho ankasitrahan-Dragnahary. ¹⁹ Gny Zagnahary hameno ze iaby ilanareo araky gny haregny voninahitsy amy Kristy Jesosy. ²⁰ Sady ho an-Dragnahary ro Babantsika lehy gny voninahitsy mandrakizay doria. Amena. ²¹ Manaova veloma amy mpino iaby amingny Kristy Jesosy. Reo lelahy ze miaraky amiko ro manao veloma anareo. ²² Reo mpino iaby ze eto manao veloma anareo, indrindra reo ze baka aminy ankohonan'i Kaisara ao. ²³ Gny fahasoavagny Tompo Jesosy Kristy lehy ho amigny fagnahinareo. [ Fagnamariha: Misy gny fandika sasany magnampy hoe: " Amena."]