¹ Nao Galatiana Adala! Ia ro namoriky anareo? T'ambany masonareo teo mihintsy ro nagnatoroan'i Jesosy Kristy voafantsiky. ² Zao avao ro teako hianara nareo:" Nandramby gny Fanahy tamin'gny asa gny lily sa tamin'gny finoa zay kasanareo nareo? ³ Nareo vasa adala toka? Nanomboky tamin'gny Fagnahy nareo, hiafara amin'gny nofo va? ⁴ Niharitry raha maro tamin'gny tsy misy fotony va nareo, fa laha tena rah tsisy antony vatany raha zay? ⁵ Moa va ze magnome gny Fanahy anareo voho gny manao asa mahatseriky aminareo ro manao azy amin'gny lily, sa amin'gny fijigna gny finoa? ⁶ Manahaky an'i Abrahama" nino an-Dragnahary sady nandiniky gny fahamarignany" ⁷ manahaky an'izao, haiko, fa reo ze amin'gny finoa ro anak'Abrahama. ⁸ Gny Soratra Masina, nahajery fa Ndragnahary ro hagnamarina reo Jentilisa amin'gny finoany, nitory gny filazantsara tamin'i Abrahama, nivola hoe:" Bakaminao ro hitahia gny firenea iaby." ⁹ Ka, reo ze amin'gny finoany ro ho voatahy miaraky amin'i Abrahama, olo gny finoa. ¹⁰ Gnazy ze mianky amin'gny asa gny lily ro ambany gny hozo; fa voasoratry hoe:" Voahozo ze tsy magneky gny raha iaby ze fa voasoratry agnatin'gny bokin-dily, voho gny manao azy." ¹¹ Henaniky io ro mazava fa tsy misy olo hagnamaryagnatrehan-Dragnahary amin'gny lily, fotony gny marina ro ho velo amin'gny finoa, ¹² Gny lily ro tsy araky gny finoa, fa gnolo ze manao gny asa gny lily ro tsy maintsyvelo amindreo." ¹³ Kristy nagnavotry antsika tamin'gny hozo gny lily nahavy azy ho hozo hoantsika, fa voasoratry hoe:" Voahozo ze gnolo mihanto amin'gny hazo", ¹⁴ ho avy amin'gny Jentilisa gny fitahian'i Abrahama ao amin'i Kristy Jesosy, amin'gny finoa ro azahoantsika gny fampagnantenan'gny Fanahy. ¹⁵ Rahaly, engao zaho hivola arakay gny fanaon'gnolo. Amin'gny fifagnaraha ataon'gnolo, tsy misy afaky magnafoa ndre magnampy ze ao, laha tafapetraky gny lily. ¹⁶ Reo fampagnantena ro nvolagniny tamin'i Abrahama voho gny taranakiny. Tsy mivola hoe:" ho gnany taraky," manondro olo maro, fa olo raiky avao, " ho gnany taranakinao," i Kristy. ¹⁷ Manahaky an'izao gny teako ho volagny:" Gny lily, avy telo-polo sy efa-jato tao tafara tatoy, ro tsy hahafoa gny fagnekea ze fa napetrakin-Dragnahary taloha sandrany. ¹⁸ Fa laha avy amin'gny lily gny lova, zay ro tsy avy baka amin'gny fampagnantena koa. Fa Ndragnahary nagnome an'i Abrahama tamin'gny lilim-pagnantena. ¹⁹ Ino, sady gny tanjo gny lily? Nasiany an'izay noho gny fandikan-dily, paraky iavia gny taranak'Abrahama amin'ze nanaova gny fampagnantena. Gny lily ro natao gny mana gny lily raiky ho manan-kery tamin'gny alala gny Anjely. ²⁰ Fa gny mana lily ro ahaiza fa mihoatry gny raiky, kanefa Ndragnahary ro raiky. ²¹ Moa va gny lily ro manohitry gny fampagnantean-Dragnahary? Sagnatria malakilaky! Fa laha nisy gny lily nagnomea ze afaky nagnome fiaina, baka amin'gny lily vatany gny fahamarigna. ²² Fa gny Soratra Masina nagnagadra gny raha bevata ambany gny fahota. Nanao anizay Ndragnahary mba hagnomezany ze mino gny fampagnantena gny hagnavota antsika amin'gny finoa an'i Jesosy Kristy. ²³ Sady taloha gny niavia gny finoa, tsika ro tinanjaky hanjary babo t'ambanin'gny lily, ginadrany paraky ahita hiboa gny finoa. ²⁴ Gny lily ro lasa mpiamby antsika paraky iavian'i Kristy, mba ho voamarina amin'gny finoa tsika. ²⁵ Fa ho avy io finoa io, ka tsy ambanin'gny mpiamby koa tsika. ²⁶ Fa nareo iaby ro Anaky Ndragnahary amin'gny finoa an'iKristy Jesosy ²⁷ Maro aminareo gny natao batisa tamin'i Kristy, ro nandramby an'i Kristy. ²⁸ Tsy misy koa ndre Jiosy ndre Grika, ndre andevo ndre olo hafa, ndre johary ndre ampela, fa raiky avao i Kristy aminareo. ²⁹ Ka laha gnan' i Kristy nareo, ro taranak'i Abrahama, voho gny mpandova araky gny fampagnantenanareo.