¹ No zany, zà, amin'ny maha gadra ho an'ny Tompo anà, de mandrisika an'nareo mba hande am-pamendrena amin'ny kaika ze nagnantsovana an'nareo. ² Mamporisika an'nareo za mba hanana fagnetren-tegna leibe sy fatsorana ary faretana, mifandefitra amin'ny fitiavana. ³ Magnôva ze faran'ny herinareo mba hitehirizana ny firaisan'ny Fagnahy amin'ny fatoran'ny fihevanana. ⁴ Raika iany ny vatagna ary raika iany kô ny Fagna, ôtran'ny nagnantsovana an'nareo takao amin'ny fanantenan'ny fagnantsovana an'nareo raika fôgna kô. ⁵ Ary raika iany ny Tompo, raika ny finona , raika ny batisa ⁶ ary raika fôgna Andriamanitra sy Rain'ny daôly, ze agnambon'ny ra daôly ary amin'ny alalan'ny ra daôly sy akao amin'ny ra daôly. ⁷ Tsika tsiraikaraika avy de namena fasoavana araka ny hagedan'ny fanomezan'i Kristy. ⁸ Araka ny koragnin'ny Soratra Masina izany hoe: "Rafa niakatra tagnambo Izy, de nitondra reo babo ho amin'ny fababôgna,ary nanolotra fagnomezana ho an'ny vahôka Izy. ⁹ Ino no hevitry ny hoe: "Niakatra Izy," ra tsy hoe nidigna takaigny amin'ny faritra ambanin'ny tany fôgna kô Izy? ¹⁰ Izy le nidigna iany le ôla niakatra agnambo taigny an-dagnitra, mba afany mameno ny ra daôly. ¹¹ Kristy de nanolotra ny sasagny ho apostoly, ny sasagny ho mpaminagny, ny sasagny ho evanjelistra, ary ny sasagny pasitera sy mpampiagnatra. ¹² Nagnome reo asa reo Izy mba hanampiana reo vahôkany masina ho amin'ny asa fanompôgna, amin'ny fananganana ny vatan'i Kristy. ¹³ Manohy manorina ny vatagny Izy mandra-patratra antsika daôly ny firaisam-pinôna sy ny fahafantarana ny Zanak'Andriamanitra, ary mba hatônga antsika ho matotra ka mba hahatratra ny hagedan'ny fafenon'i Kristy. ¹⁴ Manorina antsika Kristy mba tsy ho salan'ny zaza ze atopatopan'ny onja tsony tsika, ary ho ndesin'ny rivotry ny fampegnarana sy ny hafetsen-reo ôla amin'ny tetika feno fitaka. ¹⁵ Fa tsika kosa, amin'ny filazana ny fahamarinana amin'ny fitiavagna, de tokony hitombo amin'ny fomba daôly akao amin'Izy ze loha , zany hoe, Kristy. ¹⁶ Kristy de managana ny tegna daôly, ary nakambana sy natambatra tamin'ny isan-tonony zany,ary rafa miasa miaraka reo, de mahatlnga ny vatagna hitombo mba hampiorigna ny tegnany amin'ny fitiavana. ¹⁷ No zany, de milaza sy manindry mafy zany akao amin'ny Tompo za, mba tsy hiaigna ôtran'ny Jentilisa tsony nareo, amin'ny fahafoanan'ny fisainan-jareo reo. ¹⁸ Mizigna ny fahalalan-jareo, tafasaraka amin'ny fiainan'Andriamanitra non'ny tsy fahafantarana akao amin-jareo, non'ny hamafisampon-jareo. ¹⁹ Tsy malala megnatra zareo ary nagnolotra ny tegnan-jareo ho amin'ny filan'ny nofo, ary manohy magnano zao karazam-pahalotôgna daôly zao. ²⁰ Fa salan-zany ny fomba nenaranareo ny momban'i Kristy. ²¹ Inoko fa nareigny ny momba an'Azy nareo, ary nampenarina takao amin'azy, satria ny famarinana de akao amin'i Jesôsy. ²² Nampenarina anareo mba hagnary ny fomba fiaignanareo talô, mba hagnary ny toetra talô. Le toetra talô ze simba non'ny fitaky ny filany. ²³ Nampenarina nareo mba hiavao akao amin'ny fagnan'ny saignareo, ²⁴ ary hitafy le olom-bôvao ze noharina araka ny bikan'Andrimanitra_ akao amin'ny tegna famarinana sy famasinana. ²⁵ No zany, elao ny lainga, ary ôka ny tsiraikaraika aminareo ifampilaza ny marigna amin'ny namany, satria samy isan'ny rantsan'ny daôly tsika. ²⁶ Mitezera fa aza manota. Aza avela ho tratran'ny masoandro mody ny hatezeranao. ²⁷ Aza magnome hirika ho an'ny devoly. ²⁸ Ze nangalatra de tsy tokony hangalatra tsony. Tsy maintsy miasa izy, magnano asa tsara amin'ny tagnany, mba hagnanany ra ho zaraigna ho an'reo akao agnatin'ny tsy fahampegna. ²⁹ Aza avela hisy teny maloto hivôka avy amin'ny vavanareo. Mampesà teny ze ilaigna amin'ny fanoregnana ny hafa, araka ze ilain-jareo, mba tegna hanampy reo ze mandreigny anareo ny teninareo. ³⁰ Ary aza mampalaelo ny Fagnahy Masin'Andriamanitra, fa avy Aminy no nanôvagna tombo-kase an'nareo ho amin'ny andron'ny fagnavotana. ³¹ Elao ny lolom-po daôly, haromontana, ny hatezerana, ny fifamalina, ary ny fifampitenenan-dratsy, miaraka am-reo karazan'asa ratsy daôly. ³² Magnàna falemem-pagna amin'ny tsiraikaraika avy, fahatsoram-po, mifamelà heloka, ôtran'ny namelan'Andriamanitra anareo takao amin'i Kristy.