¹ No 'zany, za Paoly, de gadran'i Kristy Jesosy ho an'nareo Jentilisa. ² Atôko fa nareigny ny fitantanana ny fasoavan'Andriamanitra ze namena anà ho an'nareo anareo. ³ Manoratra araka ny fagnambarana nampafantarina anà zà. Zany no marina misitrika momba an'ze nosoratako foihy taminareo. ⁴ Rafa mamaky an'izany anareo, de ho afaka ny hafantatra ny fomba fazaôko an'izany marina misitrika momba an'i Kristy zany. ⁵ Tam-reo taranaka hafa de tsy natao fantatry ny zanak'olombelona zany marina izany. Fa am-zao kosa zany de nambara tamin'ny alalan'ny Fagna tam-reo Apostôly sy reo mpaminagniny ze vôtokagna ho am-ty asa ty. ⁶ Zany marigna misitrika zany de milaza fa reo Jentilisa de mpiara-mandova, sy mpiara-miombona amin'ny vatagna, ary mizara ny fampanantegnana akao amin'i Krisy Jesosy amin'ny alalan'ny filazantsaran-jareo. ⁷ Fa lasa mpanompon-zany filazantsara zany zà tamin'ny fasoavan'Andriamanitra namena anà tamin'ny alalan'ny fiasan'ny heriny. ⁸ Namen'Andriamanitra anà zany fagnomezana zany, na de zà aza no farany kely indrindra am-reo ôlo-masin'Andriamanitra. Zany fagnomezana zany de ny mba hitoriko am-reo Jentilisa ny filazantsaran'ny haren'i Kristy saro-tadiavina. ⁹ Ny fagnomezam-pasoavan'Andriamanitra ho anà de ny hitondrako fagnazana amin'ôla daôly ny fandaharan'Andriamanitra. Io fandaharana io de nasitrikan'Andriamanitra, le nahary ny ra daôly, nandritra ny taona maro talô. ¹⁰ Nampafantarina tamin'ny fengonana zany fandaharana zany mba hatonga an'ireo mpanapaka sy reo manam-pahefana aigny an-dagnitra hahalala ny toetra maron'ny fahendren'Andriamanitra. ¹¹ Nitranga araka ny fandaharana mandrakizay ze notanteràny takao amin'i Kristy Jesosy Tompontsika zany. ¹² Fa akao amin'i Kristy no anagnantsika fasahina sy lalana am-patokina no ny finontsika an'Azy. ¹³ No zany mengavy an'nareo zà mba tsy ho kivy no ny fijaliko ho an'nareo, ze voninahitrareo. ¹⁴ No 'zany de mendohalika akeo agnatrehan'ny Ray zà, ¹⁵ ze nagnome agnarana ny fianakavena daôly aigny an-dagnitra sy aketo an-tany. ¹⁶ Mivavaka zà mba hagnomezany an'nareo, araka ny haren'ny voninahiny, mba hatanjaka amin-kery amin'ny alalan'ny Fagnahy Masina, ze akao aminareo. ¹⁷ Mivavaka zà mba hipetraka akao am-ponareo amin'ny finona an'i Kristy, mba hifototra sy hiorina akao amin'ny fitiavany anareo. ¹⁸ Hahazo hery ane nareo ka ho afa-matakatra, miaraka am-reo mpino daôly, ny sakany, ny alavany, ny ahambony, ary ny alaligny, ¹⁹ ary mba halala ny fitiavan'i Kristy, ze mba mihôtra ny falalagna daôly, ka mba ho fenon'ny fafenoan'Andriamanitra daôly nareo. ²⁰ Ary ho an'Azy ze mavita magnano mihôtra ze daôly angatantsika na eritreretintsika, araka ny hery ze miasa akao agnatintsika, ²¹ ho an'Azy ny voninahitra akao amin'ny fengonana ary akao amin'i Krity Jesosy hatramin'ny taranaka daôly mandrakizay doria. Amena.