¹ Zey mitoatsa eo ambany fiaofan'ny Avo Indrindra de hitoatsa eo amin'ny aloky ny Tsitoha. ² Hilaza ny amin'i Yaveh aho hoe: "I ro fialofako sy fiarovako ,Andriamagnitso, zey hitokiako." ³ Fa I ro hamonjy anao amin'ny fandriky ny mpihaza sy amin'nmy areti-mandoza mahafaty. ⁴ Hanafotsa anao amin'ny elany I , ery ao ambany elany ro hahitanao fialofana. Ny fahatokiany de ho ampinga sy fiarovana. ⁵ Tsa hatahotsa ny horohoro ny aligna agnao, leko ny tsipika mitsidigna amin'ny andro, ⁶ leko ny loza mihaodihaody amin'ny migna [maizigna],leko ny aretina avy sy toandro. ⁷ Leko arivo roo ho lavo eo agnilanao eko iray aligna eo amin'ny tagnanao ankavagnana, feny tsa hahatratsa anao zay. ⁸ Fa handinika sy hizaha ny sazin'ny ratsy fagnahy fotsiny Agnao. ⁹ Fa Yaveh ro fialofako! Ataovy fialofana hiany koa ny Avo indrindra. ¹⁰ Tsa hisy ratsy hahazok anao; tsa hisy fahoriana handriny ny fonegnanao. ¹¹ Fa hitarika ny anjeliny I mba hiaro anao, hiambigna anao aby amin'ze lalanao. ¹² Hanandratsa anao amin'ny tagnany reo mba tsa ho voan'ny vato ny tongotsa. ¹³ Hanorotoro ny liona sy reo menaragna ambany tongotsao; hagnitsaka reo liona tanora sy bibilava agnao. ¹⁴ Satria efa nanolo-tegna ho Anahy i, de hamonjy anazy Aho. Hiaro anazy Aho satria tsa mivadika aminahy i. ¹⁵ Sy mangaika Anahy i, de ho valeko. Hombako i amin'ny fahoriana; hagnome fandresena anazy Iaho sady hagnome voninahitsa anazy. ¹⁶ Hagnome fahafaham-po anazy amin'ny fiaignany Aho sady hatoroko anazy ny famonjeko.