¹ Nisy lihilahy raika hatagny Ramataima an'i Zefotita, tany havoan'ny Efraima; ny agnarany de elkana zanaka lahin'i Jeroama zanaka lahin'i Eliho zanaka lahin'i Toho zanaka lahin'i Zofa, ny Efraimita. ² Nanagna vady roa i, ny voalohany de i Hana, de ny agnarany faharoa de i Penina. Nanan-janaka i Penina, fa i Hana tsamba nanagna. ³ Io lihilahy io de isan-taogna ro niala avy hatagny amin'ny tanànany mba hanompo sy hanao sorogna ho an'i Yaveh tompon'ny maro ao Silo.Tao ny zanaka roalahin'i Ely, Ofnia sy Finehasa, mpisorgn'i Yaveh. ⁴ Sy efa avy ny anjara andro hanaovan'i Elkana sorogna isan-taogna, de nagnome ampahana hena an'i Penina vadiny lalandava i, de ho an'ny zanany lahy sy ny zanany vavy aby. ⁵ Fa ho an'ny Hana de apahany roa hiany ro homena anazy, satria tàny i Hana, neko de efa nataon'i Yaveh momba aza i. ⁶ Nila ady tamin'azy ny rafivaviny sady mandrangitsa anazy, satria Yaveh nahamomba anazy. ⁷ Ko isa-taogna, sy efa niakatsa tagny an-dragnon'i Yaveh i miaraka amin'ny fianakaviany, de nila ady taminazy hiany ny rafivaviny. sy zay de nitomagny sy tsa nihinanana na ina i. ⁸ Fa i Elkana vadiny nitarogna taminazy mandrakariva hoe: "Hana, nahoana agnao ro mitomagny? Nahoana agnao ro tsa mihinak'anina? Nahoana ny fonao ro malahelo? tsa soa aminao mihoatsa ny zanaka lahy folo ve Aho? ⁹ Ndraik'andro, de nandeha i Hana sy efa avy nihinana sy nisotro tao Silo reo. De i Ely nitoatsa teo amin'ny Sezany teo agnilan'ny vavahadin'ny tempolin'i Yaveh. ¹⁰ Ory tanteraka i; nivavaka tamin'i yaveh i sady nitomagny mahery. ¹¹ Nanao voady i sady nanao hoe: "Ry Yaveh tompon'ny maro, lehe hitanao ny fahorian'ny mpanomponao de tsarovo aho, de aza magnadigno ny panomponao, fa omeo zanaka lahy ny mpanomponao, de atolotsa an'i Yaveh i amin'ny androm-piaignany aby, sady tsa hisy hareza hikiasika ny lohany." ¹² De lehe nanohy nivavaka teo agnatrehan'i Yaveh i, de nojireny Ely ny vavany. ¹³ Nitarogna tao am-pony i Hana. Nihetsiketsika ny vavany, kanefa tsa reny ny feony. Ko de nieritseritsa i Ely fa mamo i. ¹⁴ de zao ro nataon'i Ely taminazy: "Hafiriana agnao ro ho mamo? Mialà amin'ny divainao." ¹⁵ Hana namaly hoe: "Tsia tompoko, apela ory ampagnahy aho. Tsa nisotro aho na divay na raha-mahamamo, fa mamboraka ny ato agnatiko eto agnatrehan'i Yaveh aho. ¹⁶ Aza hiverina ho apela tsa misy hegnatsa ny mpanomponao; nitarogna tamin'ny heben'ny fahoriako sy ny fapijaliana nahy aho." ¹⁸ Zao ro nataon'ny apela: "Aoka hahita sitraka eo imasonao ny anomponao.'' De nandeha tamin'ny lalany rakialavavy ko nihinana; tsa nalahelo; tsa nalahelo koa ny endriny. ¹⁹ Nandeha vo mangiran-dratsy ereo ko nanompo teo agnatrehan'i Yaveh, de nipody tagny an-dragnony tagny Rama ndraika reo sy avy teo. Niara-natory tamin'i Hana vadin'i Elkana, de Yaveh nahatsiaro anazy. ²⁰ Sy efa avy ny fotoagna, de nitoejaza i Hana de niteraka zaza lahy. Nangaika ny agnarany hoe: Samoela i, nanao hoe: "Satria avy hatamin'i Yaveh ro nangatahako anazy." ²¹ Elkana sy ny ankohognany aby de niakatsa ndraika mba hanolotsa ny sorogna isan-taogna ho an'i Yaveh ko nagnefa ny voadiny. ²² Fa i Hana tsamba nandeha; efa nitarogna tamin'ny vadiny i hoe: "tsa handeha aho mandra-pisara-nono ny zazakely; de ho feriko i, mba hahafahany miseho eo agnatrehan'i Yaveh de hitoatsa agny mandrakizay. " ²³ Zao ro nataon'i Elkana vadiny taminazy hoe: "Ataovo ze hitanao fa soa aminao. Miandraza mandra-pisarahanao nono anazy; fa zao, Yaveh hiany ro hagnamafy ny tarony." De niegnina ny apela de nitaiza ny zanany lahy mandra-pagnasarahany nono anazy ²⁴ Sy efa nisarahany nono i, de noferiny niaraka taminazy, niaraka tamin'ny zanak'ômby kely telo taogna raika, hanina raika efaha, de tavoahangin-divay raika, ko noferiny tao an-dragnon'i Yaveh tao Silo i. De vo kely zay zaza zay. ²⁵ Novonoan- dreo ny zanak-ômby, de noferiny tamin'i Ely ny zaza. ²⁶ Zao ro nataony hoe: "O, ry tompoko! Lehe vona velogna koa agnao, ry tompoko, iaho ro apela ze nitsangagna teo agnilanao nivavaka tamin'i Yaveh. ²⁷ Fa ity zaza ty ro nangatahako tamin'i Yaveh de nameny anahy ny fangatahako taminazy. ²⁸ Efa nameko an'i Yaveh i, lehe vona velogna koa i de hatolotsa an'i Yaveh. "De nanompo an'i Yaveh teo i.