¹ Yesu lugadogo yana, lugagie gu bulu bwana. Balongogo baana lubalebe. ² Mu bufugu bu Saba, lugabulusu golongo mu nzo-Nzaama. Baada bavulu bamuwuga bagele munu bamono guwibigene, badoda ni gunu biwamudugu bimi bibi we nduungu we bipa? ³ Lo ge ni musala-mabayi, mwan'a Madiyi, pang'a Jagi we Joses we Jude we Simoni? Bapanga baana lo bagele we bisi yaya? Lubananga gumugwili. ⁴ Yesu lugabalele ni muudu bamugumunaaga gu bulu bwana. ⁵ Si Yesu lugabelele ni muudu bamugumunaaga gu bulu bwana. Lo gasele si gipa gimoso, gasi bakaasa miogo, lugabazunusu. ⁶ Yesu gamono guwibigeene, lugayaalonga mu mabulu mabela-bela. ⁷ Lugademene balongogo baana, lugabadumusu bolo-bolo, gabawe ngolo yata mihungu mifa. ⁸ Gabalele ni gusene si gimi gimoso lo mutula nzili, kaga gamudi, lumpa lo, mupa lo, nzimi se lo. ⁹ Vadana sabadi we gikudu gimoso pele. ¹⁰ Gabalele ni mu manzo mabatunu yamba, lemenana, ma batununanga, bedegaana mili nudigi. ¹¹ Ni batununanga, dudana mili, nudigi. ¹² Lubagie, benalongo gubolomono midimi ¹³ Bayida mihungu mifa we gusa bakaasa masa, babazunusa. ¹⁴ Luwugu mfumu Elodi, kum'a Yesu yiluma tsili ni Yawani Mbodigi wufudumugu, sa gasala bipa mu kum'ande. ¹⁵ Bamoso ni Elia, bamoso ni mbigudi. ¹⁶ Si luwugu Elodi, nde ni Yowani wuyigiese mudwe wufudumugu. ¹⁷ Gisi ndege Elodi wugemese Yowani, wumusi mu bologo mutul'a mugesana Elodia, wugele wu pangana Filipe. Yowani lu gamenene ni lo guge pimi mu gudwala muges'a pangaga. ¹⁸ Yowani lugamungene ni lo guge pimi mu gudwala mugees'a pangaga. ¹⁹ Elodia lugamuwugeene kobo, gasaga gamuzwe si lo gaguga. ²⁰ Elodi gawuga Yowani bomo, bu gagele muudu wu Nzaama, bu gamugeba. ²¹ Elodi gaselese fedi lu gubudugu gu nde; ²² Mwan'a muges'ana gagini pimi tsili, Elodi lugamuwufulu ni ki wumazolo ni yiguwe? ²³ Lugalala Nzaama ni yiguwaya gigiosogo gi wuloma si gidini gi maana ma gimfumu gimeme. ²⁴ Mwana lugawufulu maana ni ndomo ki? Maana ni lomo mudwe wu Yowani. ²⁵ Lugaya fudugu tini guge mfumu ni wuyapa mudwe wu Yowani yat'a longo. ²⁶ Mfumu lugawugu kiene, bu galala Nzaama ya misi mi baada bu gunanga lo. ²⁷ Lugalomo mudwe wu Yowani guge suda wumoso; ²⁸ Suda lugayadwala mudwe wunu, mwana'mukaada lugawe maana. ²⁹ Balongogo ba Yowani lubawugu, lubaya sene mvumu lu bayasa mu gumalumu. ³⁰ Balongogo lubawanagana wen Yesu, basileene Yesu muzimi. ³¹ Yesu ni twenana mu tsege, nuhululugu bitsi. Baada bagele bavulu bu gudia lowo. ³² Bawingini mu bwada, lubagie mu tsege. ³³ Baada bavulu babamono we gubayabeene, mu mabulu manene mamosogo bayabalaba gu mili bena bazili gu bamagana. ³⁴ Yesu lugadugu mu bwada, gamono pasi mutulu baada bagele nga bana ba mameme mama kono mudwalasa; lugabulusu gubalongo. ³⁵ Pibi yizola gubwa, balongogo ni Mfumu yaya dugele mu tsege, ³⁶ bafudulu baada bamana sumu madia mu mabulu ma bela-bele, pibi se yibwaya. ³⁷ Yesu nu nubadisi bini beene; si lubamuleele ni nzimi yigele yitsisi, twaya sumu madia matala kwe? bunu twabadisi? ³⁸ Gawufulu balongogo ni nugele we mampa makwe? bambisi bakwe? Biwi ni: Mampa madana we bambisi bolo. ³⁹ Lugaleele balongogo ni baada babwanzana mu bibugu yat'a bididi. ⁴⁰ babwanzana mu bibugu bi baada kama (100) we baada magumu madana (50). ⁴¹ Lugasene mampa maana madana we bambisi bolo, gadono Nzaama, lugawe balongogo baana ni bagabeene baada. ⁴² Baada babosogo badi, bu babayugudu, ⁴³ bayulusu bidungu guma-biolo we bidini bi mampa we bisenge bi bambisi. ⁴⁴ Badi baada mili midana (5 000). ⁴⁵ Mbal'moso gadumusu balongo mu gwen'aga ya simi lu nzele, gu ndam'a Bethsaida, nde gasal'a fudulu baada; ⁴⁶ lugabafudulu, gayasama gu musele. ⁴⁷ Mu masisigi, bwaada bugele ya keme ga nzele, Yesu gasala ya simi. ⁴⁸ Bamono pasi mu gusabala bwaada, muhungu wugele wubadwala mu lugala lumbana, ya gwatsia bwisi, Yesu lugawiya gugele biwi yat'a nzele, ngande wubadigi. ⁴⁹ Lubamumono, banunga ni muhungu wufa, lubawabaga; ⁵⁰ babosogo bu bamumono, bawuga boomo, Yesu wuwu meeme, guwugu boomo lowo. ⁵¹ Lugawingini mu bwaada, muhungu luwuwi; babosogo bamono guwibigeene; ⁵² nde bunu se lo babagisi gipa gi mampa mutul bagele midimi bwidi. ⁵³ Lu babwili ya simi lu nzele, bagie gu Genezareti. ⁵⁴ Ya simi, baada lubayabene ni wuna Yesu, ⁵⁵ bawiya tini mugudwala bakaasa. ⁵⁶ Mu mabulu mamosogo mabadula mansisi we mamanene basamene bakaasa mu gimvuga, balamana kag nsongo yi mulele wunde lubazuna.