¹ Baada ba gisala bamafedi guzidisi guvulu bamfumu babiwi; lowo si muudu wumoso wumafana gubeye Mfumu Nzaama, ² wesele ni baada ba gisala bigi ande bamfumu babiwi babaklisto babazidisi nga bapanga babiwi ba luzolo. ³ Longo mapaana maama. Ni we muudu wuya duugeene mapaana ma musomo wu Mfumu Yesu, wulonga mapaana mambana, lowo gigi mu lugwigili lubisi, gigi luleene, wubili nzili yi musomo, ⁴ gigi we makaasa ma miaga we ma gudodagana; miaga nde mini mibadwalga mu buhala, mu masawala, mu manunginini, mu bupal, miaga mibiwi miwaaga. ⁵ Banunguga ni mu giklisto bubini vaama. ⁶ Mu nzila-giklisto gimvama gigi ni muudu wutululeede mu mpili yipimi, wumazolo ndaama-bimi yigigabiwi gukono gusaga manzili ma gisi gigi, ⁷ bibiosogo bi gisi gigi buduya biwaneene, gugele milele, gugele madia, gugele manzo maguyama, dubi moneene kiesi. ⁸ Asi baada bana basagaga gimvama gi gisi gigi Sadana gababwisiga mu manzili mande, wubazwaga se, gababwisiga mu pasi; ⁹ ndelunu babilisiga lugwigili lubiwi, bena yangaganaaga. ¹⁰ Asi nze muuda-Nzaama lowo gulaba mapaana mana, gama lugwigili, leese gimbangi giwude ya misi mi Nzaama we mi baada, ganga mudimi, gala muudu wu pwede we wu luzolo, ¹¹ saga moono wukono nsugu mu bisala biaga tii bufugu bwini yafudugu Mfumu Yesu nga bugade gimbangi ya misi mi Pilaada. ¹² Gugala si gifu gimoso gifa lowo. ¹³ Nzaama gigi wumoso peele, nde se Mfumu wu bamfumu, bubini gugusu bufugu bunu bwibi monogo Mfumu Yesu wunu wukono yana gumonogo si gugele muudu wumoso, ¹⁴ wesele ni lugugu we ngolo yinde bigele mvulande mvulu. Amen! ¹⁵ Baleele bamvama ba gisi gigi baswege gimvama gibiwi gu miogo mi Nzaama. ¹⁶ wunu wuleedega bimi bibiosogo. ¹⁷ bini bileedega kiesi; baleele basele mapimi, badogolo midimi mibiwi mu bimi, bagabaaga se gugelebaada bambana; ¹⁸ mu bufugu bunu bubini baga moono wukono nsugu. ¹⁹ Mwana-meeme Timote, wigili mapaana mawu longogo, gulaba lowo mapaana magisaga-saga gi baada bambaana, ²⁰ gulaba miaga mi bazobo lowo, dala bavulu babilisi lugwigili lubiwi. ²¹ Nzaama ganudele mu disi lupimi.