¹ Yezu alim kog, akea ntsa wia nde, ye wantumwa inde wodjie. ² Ntangu ekum saba, abana ndong ne sinagoge. Vear ensign eyoyugiki wayituka mpi watuba: " Vi ane ayum n'onkagn?" Wagni oshin onkagn emopeawo, mpi oshin nge bikamwa e mpila ene ilesalamiwo le mbwo inde?" ³ Epa wur otshia abaya, mon e Marie, otwung o Zaki, e Zose, e Zude ti e Simoni? Mpi atwung a nde ankear, kakuwo n'a su nendien?" Mpi ayinde djwa la wo mbug e ndog ibag. ⁴ Kansi Yezu atuba ndawo: "Profeta atsawontun ku le wia nde, ondi oli bibuti inde ye mpi l'evur e nde." ⁵ Akakug nkie kog ata dikamwa emog, lima ko mbwo itsugikinde avear ankeang mpi elavugikinde. ⁶ Ayitukinde oshin okwon vear anagni lukwikilu. Ye mpi s'etshwinde ndong along ne via e pipi. ⁷ Mbiy avie wantumwa inde djum n'ipe mpi abana antum ape n'ape, ye apea kiyeka ne dzug i mpeve ipwo, ⁸ ye mpi apum na mvey ata vim emog djwi la mbug eletsuwo, lima ko etign oshung : wakwon mvey eyi dimpa, eyi ibwomo, eyi ekr n'okor ikin, ⁹ kansi akaba na ndwer sandali, ye mpi apum na ndwer nzabala ipe. ¹⁰ Mpi atuba ndawo ngean: " Evur esishwe gnu, yiagni tii ko ntangu eyakiengnu. ¹¹ Ye mpi wia enkum esitun ongyamagni to ongyugagni, limagni le wia enagni, pupulagni mbin i nkuu djwa esayia oshong djwi la wo. ¹² Watshen wo, pe wansandong tshimagni itura. ¹³ Apurikewo mpeve ipwo, apakuliki aviar vir djula nkeang wo. ¹⁴ Nkumu Erode ayug watuba djuna Yezu, mpe zin nde etay inkuima, nde atuba:''Yoan avutumuka lewa, djula nge a kie bikamwisi engning.'' ¹⁵ Amwu watuba''eli, amwu ali utumwa ke si amvu. ¹⁶ Ntang Herode ayuk, atuba:eli Yoan ebak me ote, nde afutumuka. ¹⁷ Djula Herode nde mien atshung nde Yoan otshwung nkor le bolok. Djula Herodiasi wuyar e Filipo, otwung nde, mpi djula akim akum nde. ¹⁸ Ndepi Yoani otubibile nde,''kaku wur eypiy mbuk djula ovey wiar otwunn yie''. ¹⁹ Herodiasi ayunde nkier na Yoani, alingi kinde mpila ondjak. Kasi akaviaka mbuk. ²⁰ Djula Herode alwangikinde Yoani, agikinde Yoani ali wur masonga, apea masumu, mpe Herode alowumekinde, lembiy ayunde otuba, ayinde na ngindu etir entin,mpi ayukinde na kiese . ²¹ Djungn nge, ehuwu ewuo akum wo, Herode , mpi eeshwu eyo wur nde, akinde ikagn la shwunu ande, ankuma iyernkwu ankuma a anGalilea. ²² Mon ankear Herodia atswe n'ondi ikang, akangn mpi epea osiang na Herode ti aviar nde otshia. Nkum ayuwe mon onker:'' wingna vim enkuma, ata ndamu ekub eme. ²³ Abakisa mpi abak ndefi enkuma esiwingna yie ndo pea, ata eting ekub eme. ²⁴ Lembi emipwo atuba nda miande, vim nge esi kuma me na ngwiande mpi mea nd opiy ote o Yoani mbotika. ²⁵ Akie eviang djula nkea etay linkum, mpi okaba ngean:'' na ling ompi le ntango ote e Yoani mbotika. ²⁶ Nkum ayug ngiyi, kansi, djula nkefi mpi djula aviar ali nde wo ntangu enkuma kaku mpila entun. ²⁷ Lentangu enagn aviye wur emog etshwo nkwung , opa mitindu avari ote o Yoani mbotika, atsa mbag ote nde le bolok. ²⁸ Mpi avara ote lilongo. Apea na mon'onker mpi mon'onker apea miande. ²⁹ Nsadi e Yoani ntangu emiyukwo, watsha mvey djung inde, watshuk lekati ipuk. ³⁰ ''Watoma wayia etay Yezu, wayonkaba viankuma mpi along ayilong nde,'' ³¹ Yezu akaba yaragni pembeni ondilekaku aviar, keande fioti mpi ayikiwo l'aviar mingi atshwuu mpi wakeya wakavia ntangu enda ve. ³² Wasui le war djula nsa ondi eli kaku aviar. ³³ Aviar mingi woyen aletshu mpi wojie. mpi wiankuma wakim aviang mpi woleng wakum nteang nde l'ondi wo. ³⁴ Ntango eker wo le bwatu, Yezu ayen aviar mingi, ayuk ngyi djula wo djula ayiwo kesi aman amikwang ngungudi; Abana na ndong vum etshing. ³⁵ Ntangu emilak vuna, wa yekoli nde wa vanga linde mpi watuba, ondiene kaku aviar, ntangu enak mingi. ³⁶ Kera wo, djula wa tshuk le via, mpi le via eli pembeni, djula nsatshum vim anda. ³⁷ Yezu apea mvutu, peagni wo vim anda. Mbiy wa ywe:''atshasu mvia lonkagne vim anda'', wo watuba atsasu mvia amung endiye ipe lonkang mpi sapwi madia? ³⁸ Ayaywe wo, olagne mampa kwe? Tshok olingagni djula oyiani la djwi ntuba nawo, itean mpi ntse ipe. ³⁹ Mbiy apea mitindu djula wavey aviar ankuma wapi ondi onkeantsi ndamu ndamu le tshug inkaya. ⁴⁰ Watshuk olwong onkam emok mpi kam itian. ⁴¹ Avay mampa itean mpi ntshi ipe, mpi alir dzug etay olung, apea ngrasia. Mpe,amorho lipa, mpi apea wayekoli inde djula wakabuli aviar. Wakab ntshi ipe. ⁴² Wakum wala mpi wayur. ⁴³ Watongnon isak djum l'ipe emiliye wo l'intin mampa mpi ntsi sathwua. ⁴⁴ Aviar ayili wali awuru atea aviar ⁴⁵ Lentangu enagn, atuba nda bantumwa nde wamati le war mpi walak lenteangne l'opagne vay, etay Betesaida, ntangu ekearande aviar. ⁴⁶ Ntangu mokeande, atsha l'ombium djula nsama. ⁴⁷ Epeo kwo, war ekum le kati kati evay mpi Yezu astshuu nde mien le buu. ⁴⁸ Ayiwo la mpay na nduka nkey, djula opepe elekey etay elisu. ⁴⁹ Ntangu oyen wo alekien le vay wandima mpi ali imona, watshuk elie. ⁵⁰ Kansi wayen wiankuma, mpi wa kwang ngia pwo. Djula Yezu atubile kinde mpe atuba:ziani wuo eli muk, ya yiagni la womo ve. ⁵¹ Mpi akum etay liwo le war opepe eyima. Wakum wemien pe ngituka. ⁵² Wakazia bikamwa imapa, djula itura iwo nge tshwung. ⁵³ Ntango emibak wo vay, wayen lekati ewiya genesare, wa bana ngwiye. ⁵⁴ Ntango emipweye wo le war, aviar, ntangu emoziawo nde. ⁵⁵ Wa kien etay enkuma, wavara aviar ankeang le mbeto, etay ikuma eyukiwo atiyia. ⁵⁶ Ondi emwu ekumnde, lekati ewiya via ener, etay enkuma, wakey aviar nkiang, woliang kaka wakir nsor eliama. Wankuma okiriki wavuk.