¹ Opean, atwung ame ampeam n'ankear, seangagni molongagni vii alir makabu i Mpeve. Nding ojiagni oshin onsadila wo. ² Ojiagni gnugnun ntangu eyikignu ampakana, atsikignu nsama wanziam i biteke ipitsuntuba ata ngogo emog. Nzeam iwo ovearagniwo ne mbug ipwo. ³ Mpeve e Nzeam alosadisagni na ntuba gnugnun " Yezu Kristu ali Nkum." Kaku wur emog ve eli, yug atuba na Mpeve e Nzeam akug ntuba ndenden: Yezu wamotsig nkuu ! " ⁴ Makabu i Mpeve na vear ali wa Kristu eli eshin n'eshin, kansi Mpeve eli k'emog. ⁵ Eshin e nsadila Nzeam eli k'ensign, kansi Nkum eli k'emog. ⁶ Etshia efwete nkie vear ne dibundu e Nzeam eli k'eshin n'eshin, kansi eli Nzeam wur epea biuu na vear ande na nkie djwi na nde. ⁷ Mpeve atsande monisama na mundimi enkum, oshin o biuu o Mpeve eyivinde djwi na mfunu e vear ankum. Nzeam atsande nkie ngwign djwi na nsadisa wandimi inkum na nkwikila ya nde mpe n'onkumisa. ⁸ Yo yina, wur emuu asiveande otuba o waagn to ontiegn oyum na Nzeam djwi na mpea eseang na dibundu, mpe wur emuu asiveande kabu e nkaba vear amuu mazaya iyum na Nzeam. ⁹ Na mundimi emuu, Mpeve asipeande kabu e lukwikilu ya Nzeam. Na mundimi emuu diaka, Mpeve asipeande kabu e mvug to mbikisa vear. ¹⁰ Ya mundimi emuu, ikab i nkie bidimu, ya mundimi emuu diaka ikab i mbikula vii ayum ya Nzeam. Ya mundimi emuu, ikab i njia mpeve e wuo na mpeve epwo. Na wandimi imuu, ikab etuba eshin n'eshin etsamveawo oshong oyum ya Nzeam. Ya wandimi imuu, ikab i njia ntendula oshong owo n'otuba osu. ¹¹ Silayen makabu eshin n'eshin, kansi eli ko Mpeve emog enagn wur elepii makabu iwo ya wur emog emog oshin oleangnde. ¹² Djwi, oshin oli djung i wur eli kimvuka ilim ensign, mpe konso elim e djung ekie djung opfugn o wur, oshin omog oli Kristu. ¹³ Djwi aveysu mbotika ne mbug e Mpeve e Kristu, sili sankum wur na wur ngikangama ne djung i Kristu. Kaku luswaswanu ve n'etay eyumsu, eyi Muyuda,eyi Mugreki, eyi ompfum to mpika, eyi mon e wia, kansi emog emog kati esu aviinde kabu e Mpeve Santu. ¹⁴ Yo yina, djung epa eli ko n'elim emog ve, kansi eli n'ilim entsign ikie wankum djwi na djung iyi emog. ¹⁵ Yug ekuu eyie emituba nayie ndenden " epa nde ewuo ve, djwi na wo epa nde elim e djung iyie ve," kog ekuu esiseangawo na ngya elim e djung djwa epa eli oshin omog n'ekuu ve ? ¹⁶ Mbiy yug itii imituba ndenden "Me epa nde dziy ve. Djwi na wo kakume n'ondii ne djung ve, " itii epa seanga na ngya elim e djung ve djwa epa eli dziy ve. ¹⁷ Yug djung iyie inkum itoyia ko dziy, epanayiaka na vim esepia mpila e ngyug ve. Yug djung iyie inkum eyi itii, epanayiaka ne vim esepia mila e ngyug nsuu ve. ¹⁸ Kansi Nzeam amitsug elim emog emog ne djung opfugn n'oshin oyileangnde. ¹⁹ Yug ilim inkum itoyia k'oshin omog, djung anayiande nonkagn ? ²⁰ Sili n'ilim entsign kansi djung k'emog. ²¹ Ne djung iyie, dziy epikug ntuba nd'ewuo, "Kakume na mfunu eyie". Ote mpi apikug ntuba ve n'ekuu "Kakume na mfunu eyie ve." ²² Ata ilim iyen su kamesi kaku biuu ve ili mfunu entsign ne djung opfugn. ²³ Ata ilim itsasu ngyen susun eli nsogn djwi vear walir, sifwete nzub to mbatela wo na bokebi. Oshin onagn, asiyegnesu nde sijia mpea lukumu mpe nzitisa ilim iwo. ²⁴ Kansi Nzeam amitshib ilim imonana na ilim ipimonani kibeni ve. Ye Nzeam amipea lukumu n'ilim ipimonani penza ve djwi ilim iwo ili ikab i djung. ²⁵ Nzeam apea lukumu nadjung inkum ne mpila nde dibundu ekwon nkabula akab akab, mpe aman a djung i Kristu wayi na lutondo kati ewo, nkatu na ndir mfunu to otshia kabu to vim ejia nkie wur. ²⁶ Djwi sili ko na djung imog, yug elim emog eli na mpay, su sankum sili na mpay. Yug okristu omog ativea lukumu djwi na vii amikiende djwi na Kristu, akristu ankum wafwete ngya n'oseang. ²⁷ Opean, olagni djung i Kristu ye olagni, omog n'omog elim e djung inagn. ²⁸ Nzeam amipea wur emog emog ondii onde ne dibundu. Atsugnde nteang nteang wantumwa, mbiy, ozole satsugnde wangunsa (waprofeta), otatu atsugnde walongi, mbiy vear ali na kabu e nkie bidimu, vear ali na kabu e mvug vear ne nkeang, vear ali na kabu e nsadisa atwung, vear ali n'odzur o mvara ekub n'evur e Nzeam, vear ali n'etuba eshin n'eshin eyapii Mpeve. ²⁹ Epa sili sankum wantumwa ve. Epa sili sankum waprofeta ve. Sankum epa sili walongi ve. Su sankum sipitsu nkie bidimu bikumbwa ve. ³⁰ Sankum epa sili vear atsambikisa vear ve. Sankum sipitsu ntuba etuba eshin n'eshin ve. Sankum sipikug ntendula eshon n'etuba imuu ve. ³¹ Kansi nding olingagni mingi mingi akab akoluta wuo. Ye opean, ndoyegnagni mbug emuu ewuo.