¹ Ondjiagni me, oshin ome otsamendjie Kristu. ² Ndokumisagni oshin ontsagnu nkana ne vii ankum. Ndokumisagni djwi n'oshin otsagnu nkangama penza ne vii a bunkoko oshin oyoyegnagni me. ³ Opean, nding onkabagni memen Kristu ali nkum ompeam onkum ye ompeam ali nkum onkear, ye mpi Nzeam ali nkum e Kristu. ⁴ Ompeam onkum osambila to obikula ote ngidzub apipii Nkum ende lukumu ve. ⁵ Kansi onkear onkum osambila to obikula nkatu na ndzub ote onde, apipii nkum ende lukumu ve. Eli oshin omog kesi atikwo ote. ⁶ Djwi yug onkear atitun ndzub ote onde, wuo abag awuu kesi ompeam. Kansi ojiagni gnugnun eli nsogn djwi na onkear na mbag awuu to na nkwo ote. Yo yina, elomo adzub ote onde. ⁷ Ompeam apikug ndzub ote onde ve , djwi ali kifwanisu to ignigning mpe lukumu e Nzeam. Kansi onkear ali lukumu ompeam. ⁸ Djwi Nzeam akapur ompeam, Adamu ne djung onkear, Eva ve, kansi apurnde onkear, Eva ne djung ompeam, Adamu. ⁹ Nzeam akakie ompeam djwi na nsadisa onkear ve, kansi akii nde onkear djwi na nsadisa ompeam. ¹⁰ Wog enagn, djwi na banzio, onkear afwete ndzub ote onde djwi eli kidimbu ekub e nkum nde n'ote. ¹¹ Kansi oshin olisu ngikangama sa Nkum, onkear apinayiaka ve yug kaku ompeam, ompeam ku apinayiaka ve yug kaku onkear. ¹² Djwi na wo, onkear s'opurwo ne djung ompeam, ye ompeam s'owurwo ne djung onkear. Kansi wankum wali bikelamu iyum na Nzeam. ¹³ Zonzagni vii ane gnu gnemie : nge eli wuo djwi na onkear na nsama Nzeam nkatu na ndzub ote onde? ¹⁴ Okir ndemie apisuselong ve ndenden eli nsogn djwi na ompeam na ngwum awuu entsign n'ote ? ¹⁵ Kansi okir ku along ndenden djwi n'onkear awuu atitey eli oshin o ngiegne wuo onde o djung. Nzeam opinde awuu djwi na ngiegne kitoko to wuo ende. ¹⁶ Kansi yug, ne tii evur e Nzeam, wur aling mpur oshur djwi na vii ane, so kakusu n'oshin omuu kiy otsasu nkie ve, kaku oshin omuu o nkie ata ne mvur i Nzeam imuu ikiy. ¹⁷ Ne kati enkwon opeagnime ine, epa ndokumisagni ve djwi na vii ankum akiegnu djwi na olio o Nzeam. djwi yug otikutanagni ondii omog djwi na nda, ondii o ndendisa ti o nsadisa gnug na gnug, gnu olekiagni ne kati evur e Nzeam bimvuka i nkie vii apwo. ¹⁸ Djwi inteang, ntiyug wuwun yug otikutanagni n'evur e Nzeam, oleyagni akab n'akab, olagni ngikabwana. Ene eli oshin ominkabawo, ndjia memen ikab i vii aminkabawo eli viavi. ¹⁹ Elomo akab ayi ne kati egnu djwi oveagni mpila e ndjia akab ankagn akug na lokumu mpe ankagn apikug na lukumu ve. ²⁰ Ntangu etsagnu nsanga gnankum, opitsu ndagi olio o Nzeam ve. ²¹ Ntangu etsagnu nda, wur na wur ko ntangu emikumnde, abanda ko nda vim ayivarinde, apikug nkwung wur emuu ikiy ve. Wur emuu n'ondu ali na nzea, emuu nompign atiyuy vean. ²² Olekiagni kesi vear amizanga mvur i nda ti gnwa le ti. Opipeagni evur e Nzeam luzitu ve, ye otwagni kikuma elekutanignu. Oywagni vear ali emva two. Kaku vii awuo asikugme ntuba djwi na wo ve. Eli vii a nsogn. ²³ Djwi vii amokabagnime, eli vii ayivime ya Nkum ; eli Nkum Yezu, n'otshuu oyosarwo ya wambeni inde, aveynde mampa, ²⁴ ntangu emishirnde nkeara ntsag na viye na Nzeam, s'abagnde itign itign ye s'atubinde ngean : "Ene eli djung ime, imipeame djwi na gnu, kiagni ngean djwi na nkana me." ²⁵ Oshin omog,ne ntangu emishirwo nda, avey mbungu mpe atuba ngean : "Mbungu ene luwawanu empa n'alung ame." Kiagni ngean ntangu enkum eyagnwakagnu wog djwina nkana me. ²⁶ Djwi mbala enkum eyalakagnu mampa ene ti eyagnwakagnu mbungu ene, ayasamunakagnu ewa e Nkum tii ko ntangu eyakeande diaka. ²⁷ Wur enkum esiyia n'ola e Num afwete mpea lukumu na Nzeam n'oshin okug. Vear ankum ayala mampa ti ayagnwa mbungu wafwete nkie wog n'oshin ompea lukumu ya Nkum. Wur enkum eyazanga luzitu ya mampa ti ya mbwung (mbungu) asivarande disumu e djung ti alung a Nkum. ²⁸ Wur na wur alir ndemie ne kati ende, mbiy ale mampa ye agnwi mbwung e vean. ²⁹ Wur enkum esila ti esignwa ola o Nzeam nkatu na ndjia oshin oli djung i Nkum, ala ye agnwa lusambisu to ewu ende ndemie. ³⁰ Ensign ne kati egnu walekon nkeang, ye mingi nkutu wamiwa ko djwi na oshin oveyikignu djung i Nkum. ³¹ Yug similir su semie n'itura isu, Nzeam apasesamisa ve. ³² Kansi yug Nkum amisesamisa mpe amisepea ndola, asisekearande ne mbug, djwi na wo, apayasebaga ewu olwong na vear a buu ayi kolami wa Nzeam. ³³ Iwur ime, wandimi, ntangu esangagnu djwi na nda, kwungagni vear ankum wakug. ³⁴ Yug wur kati egnu ayug nzea, wuo ale ne evuru ende - djwi ntangu esisangagnu n'evuru e Nzeam, okwon mbinagni ndola e Nzeam. Ye ntangu eyakum me etay egnu, ayopeagnime enkwon elir vii ayimfugnignu.