¹ Nivola tamin'i Mosesy voho Arona i Yaveh.Hoy Ie hoe: ² "Magnanova fagnisaha gnan'ireo joharin'i Kehata eo amy reo Levita,magnaraky gny fokon-drozy voho gny razamben'ny havorohotan-drozy. ³ Isaho reo johary iaby ze telopolo zisiky dimampolo tao.Reo johary reo la tsy maintsy magnatevin-dahara gny antoko mba hanompo ao amin'ny tragno-lay fihaogna. ⁴ Reo havorohotan'i Kehata la tsy maintsy mikarakara reo raha masy mare natoka ho Gnahy ao amin'ny tragno-lay fihaogna. ⁵ Lafa mioma hifalo toera gny toby,la tsy maintsy militsy ao amin'ny lay i Arona voho reo anakilahiny,mampijotso gny lama fanakogna ze magnasaraky gny toera masy mare voho gny toera masy voho misaro gny fiaran'ny vavolombelo miaraky aminjay. ⁶ Tsy maintsy magnaro gny fiara amin'ny holi-takasy rozy.Tsy maintsy mamelatsy lamba manga agnambon'izay rozy.Tsy maintsy apetany reo joko mba hilanjany gnazy. ⁷ Tsy maintsy mamelatsy lamba manga agnambon'ny latabatsy gny mofon'ny fagnatreha rozy.Rozy la tsy maintsy mamelatsy finga reo gny sotro,reo finga golobo,voho sihoa fandraraha agnambon'izay.Tsy maintsy misy mofovao agnambon'ny latabatsy eo. ⁸ Tsy maintsy sarognan-drozy amin'ny lamba jaky voho amin'ny hili-takasy reo.Tsy maintsy apetaki-drozy joko reo mba hilanja gny latabatsy. ⁹ Tsy maintsy mangalaky lamba manga rozy voho magnaro gny fasian-jiro,miaraky amin'ny jirin'izay,hety reo,fagnasia laveloky reo,voho reo fasian-tsoliky iaby ho gnan'ny jiro reo. ¹⁰ Tsy maintsy apetraki-drozy agnatin'ny faragnona vita amin'ny hili-takasy gny tahon-jirony voho reo fitaova iaby miaraky aminjay,voho tsy maintsy apetraki-drozy egnambon'ny rafitsy filanja gnazy. ¹¹ Tsy maintsy mamelatsy lamba manga agnambon'ny alitaravolamena rozy.Tsy maintsy magnaro zay ami-gny fagnarona vita amin'ny holi-takasy rozy.Tsy maintsy amin'ny holi-takasy,voho bakeo mametaky reo joko filanja. ¹² Tsy maintsy mangalaky reo fitaova hiasa iaby agny ami-gny toera masy rozy voho mamono zay agnatin'ny lamba manga.Tsy maintsy magnaro gnanizay ami-gny holi-takasy rozy voho mametraky reo fitaovam-piasa eo amin'ny rafitsy filanja. ¹³ Tsy maintsy mangalaky reo lavenoky amin'ny alitara rozy voho mamelatsy lamba voloparasy amin'ny alitara. ¹⁴ Tsy maintsy apetraki-drozy gny rafitsy filanja reo fitaovam-piasa iaby ze ampiasan-drozy amin'ny asan'ny alitara.Reo fitaova reo la gny fagnandesa bolo ,fitrebiky,lapely,finga famafaza,voho reo fitaovam-piasa hafa iaby ho gnan'ny alitara.Tsy maintsy magnaro gny alitara amin'ny holi-takasy rozy voho bakeo mametraky reo joko filanja. ²¹ Nivola tamin'i Mosesy ndraiky Yaveh.Hoy Ie hoe: ²² "Magnanova avao koa fagnisaha gny havorohotan'i Gersona reo,magnaraky gny hasaveregnan'ny razamben-drozy,magnarakygny fokon-drozy. ²³ Isaho ze telopolo zisiky dimampolo tao.Isaho ze hagnatevin-dahara gny antoko iaby mba hanompo ao amin'ny trano lay fihaogna. ²⁴ Zao ro asan'ireo fokon'i Gersonita,lafa manompo rozy voho manday enta. ²⁵ Tsy maintsy manday reo lamba fagnarona gny tabernakely,gny tragno-lay,gny fagnarona gnazy,gny fagnarona viata bakamin'ny holi-takasy zay eo aminjay,voho reo lamba fagnarona gny filira ao ami-gny tragno-lay rozy. ²⁶ Tsy maintsy manday reo lamba fagnarona gny fitsara rozy,gny lamba fagnakona gny vavahadin'ny fitsara, azy agnilan'ny tabernakely eo igny voho agnilan'ny alitara,gny talin'ireo,voho reo fitaova iaby ho gnan'ny fanompoan-drozy.Ze raha tokony ho vita amy reo raha reo iaby,la tsy maintsy ataon-drozy. ²⁷ Arona voho gnanakilahiny la tsy mantsy magnatoro reo asan'ny havorohotan'ireo Gersonita iaby,am y ze raha andesin-drozy iaby,voho amin'ny fanompoan-drozy iaby.Tsy maintsy tondroanano amin'ny andraikitsiny iaby ie. ²⁸ Zay ro fanompoan'ireo fokon'ireo havorohotan'i Gersonita ho gnan'ny tragno-lay fihaogna.Itamara anakilahin'i Arona mpisoro la tsy maintsy mitariky an-drozy amin'ny fanompoany. ²⁹ Tsy maintsy magnisa reo havorohotan'i Merary magnaraky gny fokon-drozy nareo,voho mandahatsy gnazy magnaraky gny hasaveregnan'ny razamben-drozy, ³⁰ mamototsy ami-gny telopolo tao ka zisiky dimampolo tao.Isaho iaby reo ze handeha hagnatevin-dahara gny antoko voho hanompo ao amin'ny tragno lay fihaogna. ³¹ Zao ro andraikitsin-drozy voho gny asan-drozy amin'ny fanompon-drozy iaby ho gnan'ny tragno lay fihaogna.Tsy maintsy mikarakara gny entan'ny tabernakely,gny hilin'izay,reo toha,voho reo faladia, ³² miaraky amy reo tohan'ny fitsara magnodidy gny tabernakely ,gny faladian'ireo,miaraky amy reo fitaovany iaby rozy.Sorato magnaraky gny agnarany reo fanaky ze tsy maintsy andesin-drozy. ³³ Zao ro asan'ireo fokon'ny havorohotan'i Merary,ze ataon-drozy ho gnan'ny tragno lay fihaogna,eo ambany fitarihan'Itamara anakilahin'i Arona mpisoro." ³⁴ Mosesy voho Arona reo mpitariky gny fivondroagna ro nagnisa reo havorohotan'i Kehatita magnaraky gny fokon'ny razamben-drozy. ³⁵ Nihisahin-drozy mamototsy amin'ny telopolo tao ka zisiky dimampolo tao rozy.Nignisaky ze hagnatevin-dahara iaby gny antoko mba hanompo ao amin'ny tragno lay fihaogna rozy. ³⁶ Olo 2750 ro voaisaky ndrozy magnaraky gny fokony. ³⁷ Mosesy voho Arona la nagnisa olo iaby tamy reo foko reo voho reo hasaveregnan'ireo Kehatita ze manompo ao amin'ny tragno lay fihaogna.Tamy zay fotoa zay,la nagnaraky ze nandidian'i Yaveh hataon-drozy tamin'ny alalan'i Mosesy rozy. ³⁸ Reo taranak'i Gersonita la nihisahy tao ami-gny fokon-drozy,magnaraky gny hasavergnan-drozy, ³⁹ mamototsy amin'ny telopolo tao ka zisiky dimampolo tao,ze hilitsy ao amin'ny antoko iaby mba hanompo ao amin'ny tragno-lay fihaogna. ⁴⁰ Gn'olo iaby,la nihisahy magnaraky gny fokon-drozy voho gny hasaveregn'ny razamben-drozy iaby,2630 isaky. ⁴¹ Mosesy voho Arona la nagnisaky reo fokon'ny havorohotan'i Gersona ze hanompo ao amin'ny tragno-lay fihaogna.Tamy zay fotoa zay,la nagnaraky ze nandidian'i Yaveh hataon-drozy amin'ny alalan'ni Mosesy rozy. ⁴² Reo havorohotan'i Merary la nihisahy tao amin'ny fokon-drozy magnaraky gny hasaveregnan'ny razamben-drozy, ⁴³ mamototsy amin'ny telopolo tao ka zisiky dimampolo tao,ze iaby hilitsy ao amin'ny antoko mba hanompo ao amin'ny tragno-lay fihaogna. ⁴⁴ Gn'olo iaby,la nihisahy magnaraky gny fokon-drozy voho gny hasaveregnan'ny razamben-drozy iaby,3200 isa. ⁴⁵ Nagnisaky olo iaby reo Arona voho Mosesy,la reo havorohotan'i Merary.Tamy zay fotoa zay,la nagnaraky ze nandidian'i Yaveh hataon-drozy tamin'ny alalan'i Mosesy rozy. ⁴⁶ Ka nagnisa Levita iaby reo magnaraky gny fokon-drozy tao amin'ny hasaveregnan'ny razambeny ⁴⁷ namototsy amin'ny telopolo tao ka zisiky dimampolo tao i Mosesy,Arona,voho reo mpitariky gnan'Israely.Nihisahin-drozy ze hiasa ao amin'ny tabernakely iaby ,voho ze handay ka hikarakara reo fanaky ao amin'ny tragno lay fihaogna. ⁴⁸ Olo 8580 ro voaisaki-drozy.