¹ La nirehitsy tamin'Israely ndraiky gny fahatezeran'i Yaveh, ka nataony nanohitsy gnan-drozy i Davida nanao hoe:" Mandehana , isao Israely voho Joda." ² Nivola tamin'i Joaba mpifehy gny tafiky, zay niaraky taminy gny mpanjaka hoe:' mandehana manerana gny fokon'Israely manontolo, manomboky agny Dana ka hatragny Beri-sheba, sady isao gny olo manontolo, mba hahaizako gny fitambaran'ny isan'ireo johary sahaza ho gnan'ny aly." ³ Hoy i Joaba tamin'ny mpanjaka hoe:" Afaky mampitombo gny isan'ny vahoaky injato va Yaveh Ndranagnaharinao, sady afaky mijery gny fitrangan'io va gny mason'ny mpanjaka tompoko. Nefa nagnino ro magniry gnan'io gny mpanjaka tompoko? ⁴ Ndra la io aza, gny safan'i mpanjaka la nanohitsy gnan'i Joaba voho nanohitsy gny mpifehy gny tafiky gny farany. Ka niboaky teo amin'ny fagnatrehan'ny mpanjaka i Joaba voho reo mpifehy mba hagnisa gny vahoakn'Israely. ⁵ Niampita gnan'i Jordana sady nitoby tao agnilan'i Aroera,antimon'ny tana agny an-dohasaha rozy. La nandroso hatragny Gada ka hatragny Jazera rozy. ⁶ Avy tagny Gileada voho tagny amin'ny tanin'i Tatima-hodsy ozy, bakeo la tagny Danajana sady nagnodidy hatragny Sidona. ⁷ Avy tagny amin'ny fiarova mafin'i Tyro voho gny tanana'ny Hivita voho gny Kananita rozy. Bakeo la niboaky nagnagny Negeva agny Joda ao Beri-sheba rozy. ¹⁰ La nampahory gnazy gny fon'i Davida lafa baka nagnisa reo johariry ie. Ka nivola tamin'i Yaveh ie hoe:" Nanota tanteraky tamin'ny fanaova gnan'io aho. Amizao, ry Yaveh, alao gny heloky gny mpanomponao, fa fa nanao fahadala tokoa aho." ¹¹ Lafa nifoha i Davida gny ramay, la avy tamin'i Gada mpaminany , mpahitan'i Davida gny safan'i Yaveh, nanao hoe:" 12 Mandehana lazao amin'i Davida hoe:" Zao ro lazain'i Yaveh :" Magnome safidy telo gnanao Anao . Ka misafidiana raiky amin'ireo." ¹³ La nagnagny amin'i Davida i Gada ka nivola taminy hoe:" Mosary telo tao va ro ho avy aminao ao amin'ny taninao? Sa handositsy telo vola reo fahavalonao va iha laha magnenjiky gnanao rozy? sa hisy areti-mandringa telo andro ao amin'ny taninao? Amizao manapaha hevitsy gny amin'izay valiny tokony havaliko Gnazy lay nagniraky gnahy." ¹⁴ La hoy i Davida tamin'i Gada hoe:" Ao agnaty fikorontagna tanteraky aho. Ao isakaho lavo eo an-tagnan'i Yaveh manahak'izay eo an-tagnan'ny gn'olo, fotony tena bevata gny famindram-pony." ¹⁷ La niresaky tamin'i Yaveh Davida lafa nahita gny anjely zay namely gny vahoaky, sady nanao hoe:" Fa nanota aho, sady raty fitondran-tena. Nefa reo aondry reo, ino ro nataony?" Ao lahy mba zaho voho gny avorohotan-draiko ro ho sazian'ny tagnanao!" ¹⁸ Bakeo la avy teo amin'i Davida taminio andro io i Gada sady nivola taminy hoe:" Miakara sady magnamboara alitara ho gnan'i Yaveh eo am-pamoloan'i Araona lay Jebosita." ¹⁹ La niakatsy araky zay nandidian'i Gada gnazy hataony Davida, araky zay nandidian'i Yaveh. ²⁰ Nijery tagny ivelany Araona sady nahita gny mpanjaka voho reo mpanompony nanota. La niboaky i Araona sady nampiankohoky gny vatany teo amin'ny tany teo amin'ny mpanjaka. ²¹ La hoy i Araona hoe:" Nagnino ro avy eto amiko , mpanompony, gny mpanjaka tompoko?" Namaly i Davida hoe:" Hivily gny famoloanao, mba hahafahako magnamboatsy alitara ho gnan'i Yaveh, mba hialan'ny areti-mandringa eo amin'ny vahoaky." ²² Hoy i Araona tamin'i Davida hoe:' Ataovo manahaky gnanao io, ry mpanjaka tompoko. Ataovo amin'io zay soa eo imasonao. Ingo, ndreto misy aomby atao fagnatitsy dorana voho fevelezam-bary sady ziogana'aomby atao kata. ²³ Reo iaby reo, ry mpanjakako, zaho , Araona , la hagnome gnanao gnan'io." La hoy ie tamin'ilay mpanjaka hoe:" Hagnenky gnanao anie Yaveh Ndranagnaharinao." ²⁴ Hoy gny mpanjaka tamin'i Araona hoe:" Tsia, hoviliko amin'ny viliby io. Tsy hanolotsy fagnatitsy dorana ho gnan'i Yaveh amin'ny raha zay tsy nisasarako aho." Ka novilin'i Davida sekely volafoty dimampolo gny famoloana voho reo aomby. ²⁵ Nagnamabara alitara ho gnan'i Yaveh tao Davida sady nanolotsy fagnatitsy dorana boho fagnati-pilongoa teo amin'io , La nitalaho tamin'i Yaveh ho gnan'ny tany rozy, ka nampijano gny areti-mandringa narenana gnan'Israely Ie.