¹ Tafaran'io la nagnontany gnan'i Yvaeh i Davida sady nivola hoe:' Tokony hiakatsy agny amin'ny raiky amin'ireo tananan'i Joda va aho?" Namaly gnazy i Yaveh hoe:'Miakara." Hoy i Davida hoe:" Agny amin'ny tana aia ro tokony handehanako?" La namaly Yaveh hoe:" Agny Hebrona." ² Nohon'io la niakatsy nisondry tamin'ireo valiny roe i Davida , la i Ahinoama bakagny Jezirelita, voho Abigaila bakagny Karmela, lay mpitondratena nengan'i Nabaa. ³ Nanday reo olo zay niaraky taminy, zay samby nanday gny avorohotany iaby, ho agny amin'ireo tanan'i Hebrona. zay nanomboky nipetrahan-drozy i Davida. ⁴ Bakeo avy reo johary bakagny Joda sady nagnositsy gnan'i davida ho mpanjaka eo amin'ny Avorohotan'i Joda. Hoy rozy tamin'i Davida hoe:'reo olon'i Jabesi-gileada ro nandevy gnan'i Saoly." ⁵ Nohon'io la nagniraky mpanday hafatsy ho agny amin'ireo olon'i Jabesi-gileada i Davida sady nivola tamin-drozy hoe:" Tahin'i Yaveh nareo, fotony nareo la nampiseho gnan'io tsy fivadiha io tamin'i Saoly tomponareo voho nandevy gnazy. ⁶ Amizao haneho fanenkem-pilongoa voho fahatokisa aminareo anie Yaveh.Zaho avao koa la haneho gnan'io hasoa io aminareo fotony nanao gnan'io raha io nareo. ⁷ Ka amizao ary, ao hatanjaky gny tagnanareo; mana herim-po fa maty i Saolyt omponareo sady gny fokon'i Joda nagnositsy gnahy ho mpanjaka eo amin-drozy." ⁸ Fa Abnera anaky lahin'i Nena, mpifehy gny tafik'i Saoly, la nangalaky gnan'Isboseta anaky lahin'i Saoly sady nanday gnazy tagny Mahanaima. ⁹ Nanao gnan'Isboseta ho mpanjakan'i Gileada, Asorita, Jezirela, Efraima, Benjamina, voho amin'Israely manontolo ie. ¹⁰ Efapolo tao Isboseta anaky lahin'i Saoly ro nanomboky nanjaka teo amin'Israely, sady nanjaka nandrintsa gny roe tao ie. Fa nagnaraky gnan'i Davida gny fokon'i Joda. ¹¹ Fito tao voho enim-bola gny fotoa nanjakan'i Davida tamin'ny fokon'i Joda tao Hebrona. ¹² Abnera anaky lahin'i Nera, voho reo mpanompon'Isboseta anaky lahin'i Saoly , la niala tao Mahanaima ho agny Gibeona. ¹³ Sady Joaba anaky lahin'i Zeroia voho reo mpanompon'i Davida la niboaky sady nihaona tamin-drozy teo amin'ny farihin'i Gibeona. Tegny rozy ro nipetraky, gny vondro raiky teo ankilan'ny farihy sady vondro raiky hafa ateo andaniny. ¹⁴ Hoy Abnera tamin'i Joaba hoe:' Ao hitsanga voho hifanina eo anoloantsika reo tovolahy." La hoy i Joaba hoe;' Ao hitsanga rozy." ¹⁵ La nitsanga voho niara-nivory reo tovolahy, folo roamby bakamin'i Benjamina voho Isboseta anak'i Saoly, sady folo roamby bakamin'ireo mpanompon'i Davida. ¹⁶ Gny johary kirakiraiky la samby nanambotsy gny mpifanandry taminy tamin'ny lohany voho nagnatsatoky gny sabany teo amin'ny andilan'ny mpifanandry taminy, sady la niara-lavo rozy. Ka la nikaihy tamin'ny teny Nebreo hoe:" Helkata-hazorima" na Sahan-tsabatsy' io toera io , zay agny Gibeona. ¹⁷ Tena mahery gny aly tamin'io andro io sady resy teo agnatrehan'ireo mpanompon'i Davida i Abnera voho reo joharin'Israely. ¹⁸ Teo reo anak'i Zeroia telo lahy:" Joaba, Abisay , voho Asahela. Gny tombok'i Asahela la malaky mandeha manahaky gny gazela-dia. ¹⁹ Sady Asahela nagnenjiky agnilan'i Abnera voho nagnaraky gnazy tsy niodaky tamin'ny lalany manontolo. ²⁰ Nanenty gny tao afarany Abnera sady nanao hoe:' Iha va io ry Asahela? Namaly ie hoe;' Zaho toy." ²¹ La hoy Abnera taminy hoe;' Miodaha agny amin'ny ankavananao na ankavianao, sady manambora raiky amin'ireo tovolahy ka alao gny fialiny."Fa tsy niodaky Asahela. ²² La hoy ndraiky Abnera tamin'i Asahela hoe:" Ajanogno gny fagnihagna gnahy. Nagnino aho ro tokony hamely gnanao amin'ny tany? ataoko akory gny hagnati-tava gnan'i Joaba, rahalahinao?" ²³ Fa tsy nagnenky gny hiodaky i Asahela, sady la notrobaran'i Abnera gny antsin-defony gny vatan , ka niboaky bakao an-dambosiny lay lefo. Nikarapoky sady maty teo Asahela. Ka zay olo avy teo amin'ilay toera zay ampikarapoky voho nahafaty gnan'i Asahela, la nijano voho tsy nihetsiky teo. ²⁶ Bakeo la nikaiky gnan'i Joaba i Abnera sady nivola hoe:" Tsy maintsy handrapaky mandrakizay va gny sabatsy? Tsy hainao va fa hafaitsy io agny amin'ny farany? Mandra-pahoviana iha vao hivola gny olonao mba hijano tsy hagnia gny rahalahiny rozy? ²⁷ La namaly Joaba hoe:' Laha mbo velo koa Ndranagnahary , laha mbo tsy nivola gnan'io iha, la ho nagnenjiky reo rahalahin-drozy mandra-mparay ny gnandro reo miaramilako!"