³ Ka hoy lihy reo taminy: " Aha, ka mandeha mialy miaraky aminay iha, Fotony laha zahay ro lomay amin-gny aly io, tsy raha haniriry gn'olo tea gn'anany rozy, laha maty gny ambakimiranay, tsy ahoan-drozy ino. Ka ndra iha raiky avao henanikio mitovy amin-gny mpialy raialy aminay. Dikan'izay, aleo avao iha miamby an-tana ao." ⁴ Ka hoy ndraiky mpanjaka igny: " Hataoko ze mety hahasoa anareo." La nitsanga ambavahady ao mpanjaka igny zisiky niboahan'olo rey kizatozato noho ki-arivoarivo. ⁵ La nivolagniny Abisay, noho Joaba, voho Itahy hoe: " Mifagnaraha amin'i Absaloma avao nareo nohon-gny gn'amiko. Vahoaky iaby teo rey samby nahare fa hoe nibaiko an-gny kapeteny reo gny mpanjaka mikasiky an'i Absaloma. ⁶ Lasa amin'izao mpialy reto niparitaky nagn'ambanivohits'Israely agny hialy, niparitaky mbamin-gny alan'i Efraima agny iaby gn'aly. ⁷ Resy tagny amizao maramilan' Israely reo, resin-gny maramilan'i Davida rey; olo roaly gny vinono tamin'andro io. ⁸ Niely eran-gny faritsy io gn'aly, maro gn'olo trobo mbagn'aty ala mbao, fa tsy volagny gny maratsy. ⁹ Kojy gny sasany amin-gny maramilan'i Davida reo Absaloma. Niondra an-tsovaly ie aminio, fe nilitsy agnatin-gny hazo terebinta be korofotsy zay ao sovaliny igny ka tinanjaky vahy an-kazo egny rey gny lohan'i Absaloma la nihanto egny ie. Tavela nihanto teo agnelagnelan-gny tany voho gny lagnitsy ie ka namokon-day avao soavaly igny. ¹⁰ Nisy olo raiky zay nahitaky gnazy ka nivola tamin'i Joaba agny malaky hoe: " Mihanto an-kazo aroa Absaloma ie" ¹¹ Ka hoy joaba taminy: " Ka nagnino tsy vinangonao ie soa ho tonta an-tany eo? Ho nanemeako volafoty folovoho santira iha." ¹² La namaly an'i Joaba olo igny hoe: " Ndra zaho nameanao volafoty arivo raiky, tsy ho nahasahy namango gny anaky gny mpanjaka aho fotony renay iaby fa gny mpanjaka namepetsy gnanao voho Abisay noho Itahy gny mpanjaka hoe: " Tsy azo kasiky Absaloma. ¹³ Laha zaho ro navandy( sady tsy misy raha mivony amin-gny mpanjaka),la mety ho nagnary gnahy iha zay ¹⁴ La zao ndraiky gny nataon'i Joaba: " Tsy handigny ela aho". La nalany lefo telo tan-tagnany egny rey, nalentiny am-pon' Absaloma agny amin-gny ie mbo mihanto egny igny. ¹⁵ Bakeo amizao, johary folo mpilanja gny kobain'i Joaba rey, nagnodidy an'i Absaloma sady nagnabokaboky gnazy, la namono gnazy koa. ¹⁶ Nitsioky antsiva amizay Joaba, la nimpoly bak'amin-gny aly natao amin' Israely rey gny tafiky iaby, fotony Joaba gny lehiben-drozy. ¹⁷ Nalan-drozy amizao Absaloma ka nalatsan-drozy agnatin-gny kintsy agny, la nalevin-drozy ao lafa milay Israely voho gn'olo iaby tagnaty ala ao rey. ¹⁸ Ka Absaloma ie mbo nivelo igny nananga vato bevata tambaibon-gny mpanjaka ao ho gnazy, fotony tsy mana gn'anakilahy handay gn'agnarany ie. La nampandesiny gn'agnarany vato natrangany io ka tamin'andro io amizay, natao hoe: Tsangam-baton'i Absaloma gnagnaran-draha io. ¹⁹ Ka zao gny nataon'i Ahimaza anak'i Zadoka hoe: " Engaonareo aho handeha hivola vaovao soa amin-gny mpanjaka agny, tsy ino zay fa gny fomba namonjean'i Yaveh gnazy tamin-gny mpialy aminy reo. ²⁰ La namaly gnazy Joaba: " Tsy iha ro mpagnambara vaovao androany fa amin-gny magnaraiky vo gn'anao. Tsy mpagnambara vaovao iha androany fotony anak'i mpinjaka maty ao io". ²¹ La nivola tamin-gny Kosita raiky zay Joaba hoe: " Ndagny, volagno amin-gny mpanjaka agny ze raha hitanao. La nihohoky alohan'i Joaba eo Kosita igny, la nandeha amizay. ²² La mbo nivola tamin'i Joaba ndraiky Ahimaza anak'i Zadoka igny hoe: " Ndra ino ino gny raha hiseho, engao koa aho hilay hagnoriky an'i Kesita igny." Ka hoy Joaba: " Ino raha manahira anao mahatonga anao tahilay avao toy anaky, nefa tsy mba misy valisoa ho azonao amin-gny vaovao zay? " ²³ Ndra ino ino mimpoaky, zaho tsy maintsy lomay androany, hoy Ahimaza. Ka hoy Joaba: " lomaisa!" La namon-day ie ka la nanjary talohan'i Kosita igny. ²⁴ Sady i Davida aminio mipetraky agnilan-gny vavahady eo. La nandeha tambavahady egny mpiamby igny ka hitany fa igny misy olo raiky misiziky. ²⁵ Nitoroetoroe mpiamby igny vo nivola tamin-gny mpanjaka. Fa hoy mpanjaka igny: " Laha olo raiky avao zay ampiliro bakao fa misy vaovao ho volagniny zay". La nisiziky avao lihy igny. ²⁶ Bakeo koa nahita olo hafa lomay ndraiky mpiamby igny, ka la nivola ie hoe: " Igny ndraiky any misy olo hafa lomay magnatoy". Ka hoy mpanjaka hoe: " Engao avao fa misy vaovao ho volagniny koa zay." ²⁷ Mba manahaky gny lain'i Ahimaza anakilahin'i Zadoka igny koahy fahitako gny lain'-gny lihy aloha ty, hoy mpiamby igny. Fa namaly gnazy mpanjaka igny hoe: " Olo soa igny sady handay vaovao soa koa lainy bakao zay. ²⁸ La nivola mare Ahimaza lafa nariniky eo hoe: " Mety iaby gny raha natao". La nihohoky an-tany eo, tagnilan-gny mpanjaka eo ie ro nivola hoe: " Ho Tompoe magnaraky andro igny lahy Yaveh Ndranagnahariko! Niaro antsika tamin-gny gn'olo magnenjiky antsika ie. ²⁹ Ka namaly gnazy gny mpanjaka hoe: " Nilamy soa va gny mikasiky an' Absaloma? ". Ka hoy Akimaza hoe: " Lafa Joaba ro nandefa gnahy aminao atoy, nahitaky korantaky bavata aho fe tsy haiko hoe ino raha io". ³⁰ Fa hoy mpanjaka igny tagnaminy hoe: " Mitoliha bakao mitsangana amizay." La nitoliky ie vo nitsanga. ³¹ Tampoky gnazy gny fiavian'i Kosita igny eo, la nivola Kosita igny hoe: " Misy vaovao soa ho anao, mpanjaka, fa niaro gnanao Yaveh amin'olo manohitsy gnanao reo". ³² Ka hoy mpanjaka: " Milamy va gny mikasiky an'i Absaloma?" Fa hoy Kosita igny: " Tokony hatao manahaky an'izay iaby olo manohitsy gnanao reo mpanjaka". ³³ Domo gny hain-gny mpanjaka, la niakatsy amin-gny tragno agnabo-gny vavahadiny io agny ie, sady nitagny. Nitoretoreo avao ie mbeo igny ka zao gny nataony: " Absaloma anako! Absaloma anako! Zaho ro tokony ho maty fa tsy iha! Absalomako!"